Tigidali Nai Gagalama Nigali Side 39:21 - Godigo dwagi yai po buku

²¹ Tiali goli, Yawe te Josep dali bidiyu, tama agai aga dali dwagi yai sę yali. Tama tiyu, Yawego te kalabus tonalubo bidigo Josep dali wiegi yai homu pemene emainogo yali.

Tigidali Nai Gagalama Nigali Side 39:21 Referans Kwoze

Ma Dobola Sali 3:21

“Eno tama ilama, tama te Isip we bidi augwaligo dage dali dwagi yai homu yaibao, tama dagego te Isip tǫ taga soainogo ebode, te dage olo me pogobeo. Menio.

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

1 Pita 3:17

Tama dago dwagi yai sę naga yai goli, tama God agai “Awe” weyu, te bidi dabe augwaligo dabolo dene mayu da, te usu dao. Tialima dago dwai sę elama tama augwaligo da dene mayu da, teda te dwali dao.

Daniel 1:9

Tama Godigo te Aspenasgo te Daniel homu dene emainu ilali,

Ma Dobola Sali 12:36

Tama Genuai Bidigo te Israel hani augwalibolo genuai nogi te Isip we bidi augwaligo gedude mawai. Tama te Isip dabe augwaligo te Israel hanigo sainogo homu yali nai augwalibolo mawai. Tame te kolesagade Israel hanigo te Isip dabego nai umabo sai.

Aisaia 43:2

Dagego te ąį gebo aiyanu dulai te nogebo sogo, te ena dage dali bidaibao, tama te ąįgo dage me dologobeo. Awe, dage te soabo ąį nogebo si, te ąįgo dage mesegelegobeo. Tama dage te posolo yai sia tomoba mu pabo sogo, te siago dage me dogobeo. Te sia bogoligo dage dogobeo.

Godigo Nogi Ugwaba Sabo Tęąbi Po Wabo Buku Dabe 105:19

Tama te tiwai me bidaluai, tama agai pusali po te mu pedalobo suainogo yai. Genuai Bidigo po augwalibolo ola mayu, te Josepgo po mu dao wai.

Ma Dobola Sali 11:3

Nosali augwaligo tama tiwai, tama Genuai Bidigo te Israel bage augwalibolo te genuai nogi te Isip we bidi augwaligo gedude menama, tama augwaligo au dobage gol me silva te Israel bage augwalibolo mawai. Mu tama, te gavman sę ebo genuai bidi dabe dali, te Isip olo we bidi dali, augwaligo Moses te genuai bidi mu da, te homu yali, tama tiyu, augwaligo te sę ebo homu yai.

Tigidali Nai Gagalama Nigali Side 39:2

Yawe te Josep dali bidibaso, tama agai yali sę tigidali te wiegi yai naga pedelali. Josep te Potifargo bede sę eyu bidali.

Tigidali Nai Gagalama Nigali Side 21:22

Te sogo Abimelek te aga ami bidi tonalubo polalubo bidi Fikol dali, augwali si te Abraham bidibo madi pelama, tama po wai, “Te tigidali sę nago ebode te God nage dali bidibo dao.

Bugagia Bidibo Kolesagade Po Asęai Buku 16:7

Te bidigo te Genuai Bidigo wei homu yabo tobage kolesaga dabe ebaso da, teda te Genuai Bidigo aga tau siyu, te tigidali bidi, me te aga boi bidi dabe dali, te augwali aga dali bugagia bidimainu tau saibao.

Tigidali Nai Gagalama Nigali Side 40:3

tama agai augwali si te ami bidi dabe tonalubo bidigo be teba muani. Augwali si te Josep augwaligo kalabusiba muani madi te kalabus beba naga muai.

Polgo Po Pas Rom Dabeba Asęani 8:37

Tiali goli, te augwaligo da dali te tobage dwai sę yali goli, Godigo da dali dwagi yai homu eyu godolo mu ebaso, tama agai da tau selama, tama dago te tobage sę tigidali aiyaba mu elaluaibao.

Daniel 6:22

Godigo te aga mobo bidi ensel tagala palama, tama te laion dabe pedauwali paniama, tama augwaligo ena me dolobeo. Agai koneani, eno magi dwai sę me isiąwai, tama eno dwai kolesaga nageba me ebeo. Tama tibaso, agai ena tonalubo dao,” Danielgo te po wali.

Godigo Nogi Ugwaba Sabo Tęąbi Po Wabo Buku Dabe 106:46

Agai te Israel dabe kalabus yali boi bidi dabego homu hodolobaso, tama augwaligo te Israel dabe homu dene yalio.

Godigo Nogi Ugwaba Sabo Tęąbi Po Wabo Buku Dabe 105:22

Agai te tuni bidigo sę ebo ofisa bidi dabe augwali agai tonalubo sę yai, tama agai bomogo te tuni bidi homu kolesaga ola mabo bidi dabe agai augwali ola mawai.

Tigidali Nai Gagalama Nigali Side 39:3

Tama Potifargo sulama, koneani, Yawe te Josep dali bidiyu, tama tigidali sę Josepgo yali te dwagi yai naga pedelali.

Tigidali Nai Gagalama Nigali Side 39:4

Tama agai te Josep dali wiegi yai homu pemene mu elama, tama agai te Josep te aga digi pąde bidibo tau sabo bidi nigilali. Tama tibaso, Potifargo Josep te agai bede tigidali doado bage tonalumainu muani.