Tigidali Nai Gagalama Nigali Side 39:17 - Godigo dwagi yai po buku

¹⁷ Nosali agai te po aga bidibolo pusuyu, te deli tobage po naga wali. Agai te po wai, “Te Hibru bidi, te olo sę ebo bidi, te nago dago beba odasa bidali bidi, agai te ena pibo be habuba asama, tama agai dwai sę ena dali yainogo yai.

Tigidali Nai Gagalama Nigali Side 39:17 Referans Kwoze

Ma Dobola Sali 23:1

Tama Mosesgo Genuai Bidigo po pusuyu, te tiwai po wai, “Tama dagego te magi nai po me deli pedelali te po odoyu, tama te mu po meni homu eyu da, teda dagego te sę yali po subigila ola biligio. Tama bidigo te dwai kolesaga ebaso da, teda dagego aga tau siyu, te po tų ebode tibo po wagio.

Matyu 26:65

Jisasgo te tiwai po wali, tama te pris tuni bidigo te po odama, tama dwai homu mu eyu, tama aga gudali bobage ugwa pisilama, te po wali, “Agai Godibolo posobo po walio. Tama te bidi meba bolo agai e bidide po pusumainogo i wabo tagalao. Agai Godibolo posobo po walio. Megi tama te po wali dagego odali dao.

Bugagia Bidibo Kolesagade Po Asęai Buku 19:9

Te bidigo po tųde tibo po obaso da, teda aga dwai dene saibao. Augwaligo te tobage tibo po wabo bidi ela muaibao.

Bugagia Bidibo Kolesagade Po Asęai Buku 19:5

Te bidigo po tųde te tibo po weyu da, teda aga dene dwai saibao. Augwaligo aga me gogologobeo.

Bugagia Bidibo Kolesagade Po Asęai Buku 12:19

Te ili po wabo po te pęwadage sogo mu elaluama, tama bidi dabego te po homugo gegeda palaibao. Tiali goli, te mu po da, te sesemane sogo mu elaluaibao.

Godigo Nogi Ugwaba Sabo Tęąbi Po Wabo Buku Dabe 55:3

Te boi bidi dabego ena dolabo po bomo mu yai. Te dwai bidi dabego ena aiyaba mu elalu yali. Tama tiyu, eno haliga te dwai sęgę mu yai. Augwaligo te sęgę hauwa enaba muyu, te wado po dali weyu yai, tama augwaligo enaba boi bidi mu ebao.

Godigo Nogi Ugwaba Sabo Tęąbi Po Wabo Buku Dabe 37:14

Te dwai sę ebo bidi dabego te bainat hwą dią siyu, tama te enesigi kegelama, te nai meni yai bidi dabe, me te magi doado bage sǫą pabo bidi dabe enainu yaibao. Augwaligo te doloba pai kolesaga wali pabo we bidi dabe ela muabo homu ebo dao.

Te Israel me Juda Hani Sigo Tuni Bidigo Po Elalubo Buku Deli 18:17

Ahapgo aga sulama, te po wai, “Te megi da, eno nage sualio. Te sę yali page te nagede naga elalubaso, tama te tulubage tulisiąbaso, genuai sęgę Israelde elalubo dao,” wali.

Ma Dobola Sali 20:16

“Nago tibo po olama, tama gasa we bidi olo po tų ela magio.”

Tigidali Nai Gagalama Nigali Side 39:14

tialima agai te bede sę ebo bidi dabeba i weyu, tama te po wai, “Dagego suiąo! Eno bidigo te Hibru bidi te dago beba odasa bidali bidigo tama megi agai dwai kolesaga te dabolo yainogo yali. Aga te ena pibo be habu badu asama, tama agai te ena nogo tulama, dwai sę yainu yali. Tiali goli, eno bomo elama, po daga walio.

Tigidali Nai Gagalama Nigali Side 39:16

Tama te sogo pio Potifargo wego te Josepgo ugwa tolalubadi, te aga tonalubo bidi te beba sabolali.

Tigidali Nai Gagalama Nigali Side 39:18

Tiali goli, eno hai obaso, tama aga ugwa ena pagede taga peyu, tama buluba wi pai,” wali.

Bugagia Bidibo Kolesagade Po Asęai Buku 26:28

Te bidigo te gasa bidi dabeba tibo po obaso da, teda te tiwai ola mobao, agai augwali wei homu isąbaso, tama augwali dolainu ebao. Tama te bidigo homu bega sabo po sesemane sogo obaso da, teda tego te gasa bidiba dwai sę mu ilibo dao.