Tigidali Nai Gagalama Nigali Side 39:12 - Godigo dwagi yai po buku

¹² Tialima, Potifargo wego te Josepgo ugwa tola selama, tama agai te po wai, “Nage ena dali piagasao,” wai. Tiali goli, agai holobo ugwa te wego nogode tolalubadi taga peyu, tama aga wi soyu, te bedu buluba soali.

Tigidali Nai Gagalama Nigali Side 39:12 Referans Kwoze

Polgo Si Wali Pas Timotiba Asęani - 2TI 2:22

Nage gesi bidi dao. Te gesi bidigo dwai sę godolo ebo homu kolesaga nageba pedalubo si, te sesemane sogo nage te kolesaga suyu sali siyu wi pao. Tama tiyu nago te doloba pai kolesaga me, te homu mu ebo kolesaga me, te we bidi dali dwagi yai homu eyu godolo mu ebo kolesaga me, te homu nagame eyu we bidi dali bugagia bidibo kolesaga me, te kolesaga tigidali nago pobasa pao. We bidi meba augwali te meda meni yai homu kolesaga elalu tama te Genuai Bidigo nogi nogi eyu, “Da aga we bidi dao,” te po wabo bage dao. Tama nago augwali dali wadoloyu, tama dagego te eno megi tama nogi yali wiegi yai kolesaga pobasa pao.

1 Pita 2:11

Eno abagi dede mu, eno dage tau somainogo bomo eyu e po dagebolo obao. Dage da e tǫba tamadi tama asai osogo bidibo we bidi dao. Tama tibaso, dago tigigo e tǫde ebo dwai dwai sę egimio. Te tobage dwai sę dabe augwaligo da aiyaba elaluai hagede da dali hwįbo dao.

Kolesaga Koneai Bidigo Pusali Po Elalubo Buku 7:26

Eno te tiwai page gegelama suali, te isibo kolesaga te ha ebo nai tiwai dao. Tiali goli, te bidi dali dwai sę yainogo sinabo we te bidi bolo tubo kę tiwai dao. Te da te ha mu ebao. Te tobage we da, te sųgų hagane togobo wa tiwaigo da bidi tola sobao. Te agai nogo te sen tiwaigo da kalabus ebao. Godigo te bidi me deli godolo ebaso da, teda te bidigo te tobage hagane togobo wa gedelama, wi paibao. Tialima, te hagane togobo wago te sęgę sabo bidi dabe tola sobaso, te augwali me geda muyu, ela soagobeo. Mu menio.

Bugagia Bidibo Kolesagade Po Asęai Buku 6:5

Nage te kalabus elalubo tagalao, te uni hasago ma te bago te wa tagalama, wi pabo tiwai yao.

Bugagia Bidibo Kolesagade Po Asęai Buku 5:8

Nage te tobage wede te digibulu mu bidibo tiwai yao. Nage te agai be sunumi pąba me pigio.

1 Korin 15:33

Augwaligo dage te tobage tibo po ola mabo gogolamuo! Bidi me deligo te dwai kolesaga ebode polobadu wali po te mu po naga dao. Agai te po wai, “Te da dwai bidi dabe dali kisasa biliyu da, teda augwaligo dwai kolesagago dago wiegi yai kolesaga ebo dolaibao,” agai te po wai.

Tigidali Nai Gagalama Nigali Side 39:10

Tama tigidali bidibo sogode te wego Josep te aga dali piagasa wabo po hanalubo sę iduali. Tiali goli, Josepgo te agai wabo po me odama, tama aga dali me pisąma, tama aga te aga pąba me pabeo.

Tigidali Nai Gagalama Nigali Side 39:8

Tiali goli, Josepgo te hagela elama, tama agabolo te po wali, “Te ena tonalubo genuai bidigo ena te bede te tigidali doado bage tonalubo bidi nigilali, tama agai te magi nai me delide te homu me ebo menio.

Bugagia Bidibo Kolesagade Po Asęai Buku 1:15

Ogwa, te dwai bidi dabego te tobage po nageba obaso da, teda nago te augwaligo me odolama, te augwali wali me pelamuo.

1 Samuel 15:27

Tialima, Samuel te baguasa soyu, painogo yali. Tiali goli, Solgo aga gemainu yali, tama tiyu agai te Samuelgo ugwa sabi badu tola sagasali, tama te ugwa pisila pai.

Tigidali Nai Gagalama Nigali Side 39:11

Te me sogo deli Josep te be tomoba aga sę yainu pali, tama te sę ebo bidi me deli tede me bidisiąwai.

Tigidali Nai Gagalama Nigali Side 39:13

Te wego te Josepgo aga ugwa taga peyu, tama wi pabo suali,

2 Samuel 13:11

Tiali goli, Tamargo te kek dabe agaba magi pabo si da, teda Amnongo aga pageabi eyu, tama po wali, “Abeo, eno homugo te nage ena dali pimainu homu ebao,” wali.