Tigidali Nai Gagalama Nigali Side 39:11 - Godigo dwagi yai po buku

¹¹ Te me sogo deli Josep te be tomoba aga sę yainu pali, tama te sę ebo bidi me deli tede me bidisiąwai.

Tigidali Nai Gagalama Nigali Side 39:11 Referans Kwoze

Efesus 5:12

Me ma, eno augwaligo geme dualama ebo dwai meda yai kolesaga po pusugobeo. Menio. Eno augwaligo te tobage dwai dwai kolesaga ebode po wagi sogo da, teda eno pedauwali sęgę eyu hale naga egi dao. Magi baso meni, te dwai dwai sę ebo po pusainogo ebo te usu menio. Eno dage dali te sęde po mibo hagalabo.

Efesus 5:3

Te God agai dage aga hani we bidi nigaligo da, teda te penani ebo kolesaga me, te dwai dwai meda yai kolesaga me, te mena gasa bidigo nai pesa eyu godolo ebo kolesaga tigidali, te tebo dwai kolesagago ebo sę dwasianu munu me dage tomode te pedalamuo. Gasa we bidi dabe augwaligo dagego te tobage dwai kolesaga yali po waidali weyu, tama dagego doloba peyu bidiąo.

Malakai 3:5

Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.

Jeremaia 23:24

Te bidi me deli gasa badu me dula sigi pobaso, te ena Genuai Bidigo, eno aga sugobe homu ebawe? Te eno aga sueibao, magi baso meni, ena Genuai Bidi, ena te tigidali badu te dagalude me tǫde bidibo dao,” wali.

Bugagia Bidibo Kolesagade Po Asęai Buku 9:17

“Te nago wę wi saibaso, te wę te tuabo wiegi yai wę mu dao. Tama nage te geme wi duala selama, te nai wi saibaso da, te nai da, te pusu umabo mu ebo dao,” te po obao.

Jopgo Po Asęani Elalubo Buku 24:15

Ma, te bidigo sai we dabe dali dwai sę ebo bidi dabe da, augwali giliga dega sabo bolo tonalubo dao. Tama augwali te gasa bidigo we dabe dali pigi pabo dao. Augwali pabo sogo da, augwa gesabidi halua selama, pabo dao. Tama augwaligo e tama wabo dao, ‘Ena niwai bidigo sulama, me konegobeo,’ wabo.

Tigidali Nai Gagalama Nigali Side 39:10

Tama tigidali bidibo sogode te wego Josep te aga dali piagasa wabo po hanalubo sę iduali. Tiali goli, Josepgo te agai wabo po me odama, tama aga dali me pisąma, tama aga te aga pąba me pabeo.

Tigidali Nai Gagalama Nigali Side 39:12

Tialima, Potifargo wego te Josepgo ugwa tola selama, tama agai te po wai, “Nage ena dali piagasao,” wai. Tiali goli, agai holobo ugwa te wego nogode tolalubadi taga peyu, tama aga wi soyu, te bedu buluba soali.