Tigidali Nai Gagalama Nigali Side 39:10 - Godigo dwagi yai po buku

¹⁰ Tama tigidali bidibo sogode te wego Josep te aga dali piagasa wabo po hanalubo sę iduali. Tiali goli, Josepgo te agai wabo po me odama, tama aga dali me pisąma, tama aga te aga pąba me pabeo.

Tigidali Nai Gagalama Nigali Side 39:10 Referans Kwoze

Tigidali Nai Gagalama Nigali Side 39:8

Tiali goli, Josepgo te hagela elama, tama agabolo te po wali, “Te ena tonalubo genuai bidigo ena te bede te tigidali doado bage tonalubo bidi nigilali, tama agai te magi nai me delide te homu me ebo menio.

1 Pita 2:11

Eno abagi dede mu, eno dage tau somainogo bomo eyu e po dagebolo obao. Dage da e tǫba tamadi tama asai osogo bidibo we bidi dao. Tama tibaso, dago tigigo e tǫde ebo dwai dwai sę egimio. Te tobage dwai sę dabe augwaligo da aiyaba elaluai hagede da dali hwįbo dao.

Polgo Si Wali Pas Timotiba Asęani - 2TI 2:22

Nage gesi bidi dao. Te gesi bidigo dwai sę godolo ebo homu kolesaga nageba pedalubo si, te sesemane sogo nage te kolesaga suyu sali siyu wi pao. Tama tiyu nago te doloba pai kolesaga me, te homu mu ebo kolesaga me, te we bidi dali dwagi yai homu eyu godolo mu ebo kolesaga me, te homu nagame eyu we bidi dali bugagia bidibo kolesaga me, te kolesaga tigidali nago pobasa pao. We bidi meba augwali te meda meni yai homu kolesaga elalu tama te Genuai Bidigo nogi nogi eyu, “Da aga we bidi dao,” te po wabo bage dao. Tama nago augwali dali wadoloyu, tama dagego te eno megi tama nogi yali wiegi yai kolesaga pobasa pao.

1 Tesalonaika 5:22

tama dwai sę tigidali tagalama, sela sąyao.

1 Korin 15:33

Augwaligo dage te tobage tibo po ola mabo gogolamuo! Bidi me deligo te dwai kolesaga ebode polobadu wali po te mu po naga dao. Agai te po wai, “Te da dwai bidi dabe dali kisasa biliyu da, teda augwaligo dwai kolesagago dago wiegi yai kolesaga ebo dolaibao,” agai te po wai.

1 Korin 6:18

Dage te penani kolesaga idali weyu te boi bidi tiwai wi pao! Te tigidali dwai sę te bidigo ebo, te tigi bulu badu ebo dao. Tiali goli te penani sę kolesaga ebo bidi, agai aga tigi aga digi dolobo dao.

Bugagia Bidibo Kolesagade Po Asęai Buku 23:27

Te penani sę ebo we te aiyanu mu igulai tǫ dedage me deli tiwai ebao, tama te bidi dabe teba tulalubaso da, te dolaibao.

Bugagia Bidibo Kolesagade Po Asęai Buku 22:14

Te penani sę ebo wego te bidi homu bega sabo po weyu, tama te tǫ dedage aiyanu mu igulai tiwai me deli ebao. Te Genuai Bidigo te bidi me deligo dwai kolesaga wei ponabo homu ebaso da, teda te bidi te tǫ dedageba tulaluaibao.

Bugagia Bidibo Kolesagade Po Asęai Buku 7:5

Tama te gasa bidigo wego nage homu bega somainu eyu, te nage aga dali pagela pimainu ebaso, teda te wiegi yai homu kolesagago nage bagua selama, tama nago te wego po wali painu ebaso, usu me egobeo.

Bugagia Bidibo Kolesagade Po Asęai Buku 5:8

Nage te tobage wede te digibulu mu bidibo tiwai yao. Nage te agai be sunumi pąba me pigio.

Bugagia Bidibo Kolesagade Po Asęai Buku 5:3

Nago tama tiao, magi baso meni, te we me deligo aga bidi tagalama, tama nage dali te gedu ebaso da, teda agai te nage homu bega sabo pusu yai po hauwa nage dali waibao. Awe, agai po wabo dwagi yai dao, te wel bugagia bilibo tiwai dao.

Bugagia Bidibo Kolesagade Po Asęai Buku 2:16

Tama gasa bidigo we me deligo te nago aga dali penani ebo kolesaga yainu nage muma sabo po obaso da, teda te wiegi yai homu ilibo pogo nage bobogela selama, tama nago te wego po wali me pogobeo.

Bugagia Bidibo Kolesagade Po Asęai Buku 1:15

Ogwa, te dwai bidi dabego te tobage po nageba obaso da, teda nago te augwaligo me odolama, te augwali wali me pelamuo.

Bugagia Bidibo Kolesagade Po Asęai Buku 9:16

“Dage te wiegi yai homu kolesaga meni yani bidi, me te dage umuna sai bidi me, dage te eno be tomoba asiąo,” wali.

Bugagia Bidibo Kolesagade Po Asęai Buku 9:14

Agai be te taun pesage tomode ugwadu elaluali, tama aga te sunumi pąde elalubo sia saide dugulalubao.

Bugagia Bidibo Kolesagade Po Asęai Buku 7:13

Eno suali, te wego te gesi bidi tola selama, tama agaba te gesabidi nono nabo suali. Tama wego te aga geduba dolo mu tonalu, te tama po wai,

2 Timoti 5:14

Tama tibaso, augwaligo tama idali weyu, eno homugo Timoti nago te bidi isai gesi we dabe te augwali bidigo ma sao po wao, tama wai ame nobaso, te augwa hani tonalubo sę yao. Te augwaligo tama tiyu da, teda, te da dali te dwai po wabo boi bidigo tų gegabo usu meni yaibao.

Tigidali Nai Gagalama Nigali Side 39:9

Eno te bede te aga bomo tiwai digi te eno elalubao. Tama agai te magi nai me deli te enabolo me habu selibeo, nage deli naga, te nage agai we da. Magi baso eno te tiwai dwai kolesaga yaibawe? Te eno tama tiwai dwai sę ebaso da, teda eno God gedude dwai sęgę saibao,” wali.

Tigidali Nai Gagalama Nigali Side 39:11

Te me sogo deli Josep te be tomoba aga sę yainu pali, tama te sę ebo bidi me deli tede me bidisiąwai.

Bugagia Bidibo Kolesagade Po Asęai Buku 23:28

Te tobage wego te nai wi sabo bidigo tonalubo tiwai eyu, tama te bidi dabe asobo tonaluaibao. Tama agai te bidi hauwa kekelama, tama augwa te we sabo kolesaga te boliyu togobo dao. (18)