Tigidali Nai Gagalama Nigali Side 38:26 - Godigo dwagi yai po buku

²⁶ Judago te nai dabe sulama, koneyu, tama agai te po wai, “Eno tama te dwai sę yali. Te wego dwai sę meni yani. Aga te eno ogwa Selago saiba wai. Tiali goli, eno te augwali si sabo po dodolisiąwai.” Tama tibaso, Juda te aga dali me pibeo.

Tigidali Nai Gagalama Nigali Side 38:26 Referans Kwoze

1 Samuel 24:17

Tama agai Devitba te tiwai po wali, “Nage wiegi yai bidi, te ena da dwai bidi mu dao. Nago enaba wiegi yai kolesaga mu yali, tiali goli eno dwai kolesaga nage dali yalio.

Dwagi Yai Gesi Po Jongo Asęani 8:9

Augwaligo tama po odolama, tama augwali tomode te sęgę meni yai bidi meni baso, tama augwali tigidali buluba deli deli naga buluba pai. Tobolu bidi polasa pai, tama meba augwali nosali pai, te po tų ebo tagalama, tama augwali Jisas taga pai. Tama Jisas agaduba deli digi bidai, tama te we Jisas aga gesabide dolaluai.

Polgo Po Pas Rom Dabeba Asęani 13:12

Te be hulialuali silainogo elama, tama pąde be posainogo ebao. Tama tibaso, dago te be hulia saide bidibo we bidigo ebo dwai kolesaga ebo tagalao. Te ami bidi dabe augwaligo augwa pibo ugwa guda munama, tama te augwa tigi duala sabo hwįabo ugwa gudubo dao. Tama te tiwai gilama, dago te dwai bidi Satan aiyaba elaluabo wiegi yai kolesaga te dago ugwa gudubo gilama guda sao.

Polgo Po Pas Rom Dabeba Asęani 3:19

Tama dago koneani, te tigidali bomai pogo ebo sę agai te da te bomai po dologode bidibo Juda bidi dabe dali te sę ebo dao. Godigo bomai pogo te da Juda bagebolo me te dena yali dwai sę ola mabo dao. Tama tialigo da, bidi me deli agai “Te ena doloba pai bidi dao,” te po wabo usu egobeo. Te Godigo bomai po te pogo sę si elalubao. Te bomai pogo dago ebo dwai sę dabolo ola mabo dao, tama dago wei ponobo po menio. Tama me, da tigidali bidi te da tigidali gasa haniani tǫde bidibo we bidi dago te Godigo gedude dwai sę yali elaluai, te Godigo da tigidali dali po tų yaibao. Dago te me konemainogo, te bomai po elalubo dao.

Matyu 3:8

Tama dagego homu kolesaga begelebaso da, teda dagego dwagi yai kolesaga naga yao. Tama tiyu da, dagego duga homu kolesaga mu begelali te dago hania koneaibao.

Habakuk 1:13

Te Babilon dabe augwali te tibo po wabo bidi dabe dao, me augwali te haniani dwai sę ebo bidi dabe dao. Mena tama mu tibaso, nago augwali nago sę emainogo sula tagalobawe? Eno koneani, nage doloba pai mu elama, tama nago dwai kolesaga ebo bidi dabe po tų ela mayu, tama augwalibolo dwai pe wei ponobo dao. Tiali goli, te Babilon bidi dwai dabego te bidi meba dwasianu wiegi yai bidi dabe dolobao, tama nage ma olo dulaluyu tonalubao. Nago magi baso tama tibawe?

Esekiel 16:52

Nage hale umagi mu yao, magi baso meni, te eno nago kolesaga dali, te naga ama sigo kolesaga me dagalobo sogo, eno suali, nago kolesaga te dwai mu eyu, te nago ama dabe augwali te sęgę meni yai we dabe tiwai pedelali. Tialima, megi da, naga te hale ebo kolesaga yali sęgęde te sęgę tolobaso, te nage dwai haliga yagameo,” wali.

Jopgo Po Asęani Elalubo Buku 40:5

Eno po hauwa mu wai dao. Tama tibaso, eno nago po wei ponoyu, po ma wagobeo,” wali.

Jopgo Po Asęani Elalubo Buku 4:5

Tiali goli, hobede mu dwali. Megi dwai sęgęgo mu nage te mesegelai yaba. Tama nage noma siyu, nago homu sęgę genuai mu te eba. Awe, te sęgę nageba pedalubaso, nage noma mu sali.

2 Samuel 24:17

Devitgo te mobo bidi ensel sulama, tama agai Genuai Bidiba te tama po wai, “Eno naga tama eno te dwai sę yali, tama eno dwai sę genuai yalio. Tiali goli, te we bidi dabe augwali, augwa te mena dwai sę ebaso, tama nago augwaliba te dene maniwe? Nago te ena me, ena we wai, dabolo naga te dene magi sogo da, usu igi tama dao,” wali.

2 Samuel 20:3

Augwali te Jerusalemba sabolama, tama Devit aga te king bidibo beba pelama, tama te si wali nogo si we hani, te aga kingo be tonalumainu taga pali we dabe sali. Tama agai augwali te gasa beba munama, tama augwali tonaluabo bidi meba nigilali. Tama agai te bidi hani mebago augwali tonalu, te augwali nai mayu yabo bidi dabe meba nigilali, tiali goli agai te polobadu yali tiwai gilama te aga augwali dali ma pagelama pigi pabeo. Tama sesemane sogo augwa te bede naga bidaludubadi, te augwa isibo sogoba usu nani. Te we dabe augwali wilawe we dabe bidalubo tiwai yai.

2 Samuel 16:22

Ahitofelgo te tama po wali, tialima augwa te kingo be ugwadu daiba te bidi meba tagala palama, tama augwa te ugwa be me deli sę yani. Tama tigidali we bidigo gedude Apsalom te ugwa be tomoba pai. Tama augwa te aga ayago si wali we dabe sibi hani odasa aselama, te Apsalomgo augwali deli deli dali pagela pimainu yai dao.

Tigidali Nai Gagalama Nigali Side 38:14

Tialima, Tamargo te aga bidi isali te konemainu te muani ugwa te peda sąnama, te gasa ugwa hasegelama muani. Tama agai gesabidi te sesela selama, te dwasianu ugwa name munama, tama te Enaim hanu soabo sunumi tunu si age tede dulaluali, te Timna sunumi teba pabo pesage elaluali. Agai koneai, te Sela te genuai yali, tiali goli augwaligo te Selago te Tamar sabo po te dodolisiąwai.

Tigidali Nai Gagalama Nigali Side 37:33

Ayago te ugwa sulama, koneyu, tama te po wai, “Awe. Te ugwa te Josepgo ugwa dao. Te dwai uni hasa me deligo aga elama, tama aga tigidali tula silai sualio,” wali.

Tigidali Nai Gagalama Nigali Side 4:1

Adam aga we dali pilama, tama we haliga yai. Tama wego ogwa me deli ame nenama, tama agai te po wai, “Yawego ena tau selama, tama eno ogwa salio.” Tama tibaso, agai te ogwa nogi Kein poai.

1 Samuel 24:18

Tama megi tama nago ena pusali, nago wiegi yai kolesaga enaba elama, tama ena nago nogoba te Genuai Bidigo muani sogo, nago ena me ela mubeo.