Tigidali Nai Gagalama Nigali Side 38:25 - Godigo dwagi yai po buku

²⁵ Te augwaligo aga sela pabo sogo, agai te aga wąį wali ayabolo po ola tolai. “Ena te tobage doado bage tolalubo bidide te ena tabi yali. Te e nai dabe te bugagia osolama yao, te dąį ilibo nai, me te bono, me te tolasa bilibo au yai dono, te tama nai elalubao. Te tama doado bage te dego dawe?”

Tigidali Nai Gagalama Nigali Side 38:25 Referans Kwoze

Tigidali Nai Gagalama Nigali Side 38:18

Tialima, Judago te po wali, “Te eno magi nai te po dąų waliyu, eno nagebolo magawe?” Tama wego te po wali, “Te naga te nogi asębo nai me, aga naga dogonide walobo bono me, te megi nago tolalubo te tolasa bilibo au yai dono me, te enabolo mao,” wai. Tialima, Judago te nai dabe te webolo mani. Te augwa si te sogo pagela pilama, tama nosali te we tabi yali.

Tigidali Nai Gagalama Nigali Side 37:32

Tama augwaligo te ugwa te augwa ayaba sela pelama, tama augwaligo te po wali, “Dago e ugwa gegali. Nago suao. Te ugwa te nago ogwago ugwa dawe, ma meniwe?”

Kraisgo Geme Dualali Sę Pedelabo Po Jonbolo Ola Mani 20:12

Tama eno ma suali, te isai we bidi dabe augwali bidaluali, te augwali nogi yai bidi dali, te nogi meni yai bidi dabe dali, augwali te tuni bidi dulalubo nai te gesabidide dodolalubo, te eno suali. Tama te saide dulalubo bidi agai te buku meba dagawai. Tama agai gasa buku me deli dagawali, te augwali isiąma gamonaibao wali we bidi nogi asęani buku dao. Tama agai te tigidali isai we bidi dagalai. Agai te augwaligo yali kolesagade po te buku dabede asęani po nedama, tama te asęani pode agai augwali dagalali.

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

Jeremaia 2:26

Genuai Bidigo po ma weyu, te tiwai po wali, “Te nai wi sabo bidi me deli augwaligo dąų ola sobaso da, teda te bidi hale dwai mu saibao. Te Israel hani te tiwai me bidibao. Te augwa king dabe, me augwa tobolu bidi dabe, me pris dabe, me profet dabe, me te tigidali we bidi dabe, te hale yaibao.

Godigo Nogi Ugwaba Sabo Tęąbi Po Wabo Buku Dabe 50:21

Dagego te tiwai yali, tama eno po deli me wabeo. Tama dagego te ena te dage tiwai tobage da homu yai. Tiali goli, mu menio. Megi eno dageba wado po olama, tama dage te pepeli diliba sela munama, te po tų ilaibao,” wali.

Polgo Po Pas Rom Dabeba Asęani 2:16

Eno te Godigo wiegi yai gesi po te we bidibolo pusubo si eno e po me pusubo dao. Odao, te Godigo te aga bomai po mani bage me, te bomai po sisąwani bage me augwali tigidali dali Godigo te po tų nosali yaibao. Tama tiyu agai te po tų dodolobo sę te Krais Jisasgo nogoba muyu, tama te bidi dabego geme ebo kolesaga osola suyu yaibao.