Tigidali Nai Gagalama Nigali Side 38:2 - Godigo dwagi yai po buku

² Tama Judago te we me deli suali, te aga bidi me deli Kenan bidi Suago wegi dao. Agai te we selama, tama aga dali pagela piali.

Tigidali Nai Gagalama Nigali Side 38:2 Referans Kwoze

Tuni Bidi Dabego Po Elalubo Buku Deli 2:3

Judago ogwa dabego nogi e tiwai, Er, me Onan, me Sela dao. Te sela bidigo augwa ida te Batsua, te Kenan hani we me deli da. Er, Judago gomunai ogwa, agai dwai kolesaga mu ebaso, te Genuai Bidigo aga ela muai dao.

Tigidali Nai Gagalama Nigali Side 24:3

Nago te Yawego nogide te po bomo yai po dąų wao, te dagalu de tǫ dali sigo God dao, te tama tibaso, nago eno ogwago we te Kenan tomode we dabe me te noma sigio, te ena e bidibo tǫde.

2 Korin 6:14

Te Godigo po wali pisąwai bage augwali te tedali gasagi yai, tama dage augwali dali kisasa bilama tama augwaligo ebo kolesaga tau me selamuo. Menio. Magi ilama tama te doloba pai kolesaga dali, te bomai po sela sąbo kolesaga dali, te si dali abagi omainu yaibawe? Menio. Mena tama te ula te be hulia sai dali deliba sisinimainogo yaibawe? Te usu egobeo.

2 Samuel 11:2

Me sogo deli be pio ebode Devit godege pilama, tama pio mu ebadi, aga te betde pila muani tagalama, hogodaluali. Te aga be te pedu daide te toma nabo pesage elaluai. Tama tialima, aga teba ugwaba holama, tama tede toma neyu bilali. Aga te aba tonono bilibadi, tama agai te we me deli gasa bede wę paudubo suali. Tama te we te gasa sawi yai we muo.

Te Israel Tobolu Bidi Dabe 16:1

Tialima, Samsongo te Lehi hanu tagalama, te Gasaba pai. Tama te Gasa bulude agai te penani we me deli sulama, tama aga te wego beba bidigi pali.

Te Israel Tobolu Bidi Dabe 14:2

Tama aga buluba ma begasa pelama, tama aga aya idabolo wagi pali, “Eno te gesi wegi ogwa we me deli te Filistia dabego bulu Timnade suali. Eno homugo nago aga oda sobaso da, te aga eno saibao,” wali.

Tigidali Nai Gagalama Nigali Side 46:12

Tama Judago ogwa dabe e tama da, Er, me Onan, me Sila, me Peres, me Sera. Tiali goli, Er de Onan si te Kenande isali. Tama te Peresgo ogwa dabe e da, Hesron me Hamul.

Tigidali Nai Gagalama Nigali Side 34:2

Hamor, aga te Hivi hani bidi me deli, aga tede tobolu bidi nigilama bidai. Agai ogwa, te Sekem, agai te Daina sulama, tama agai aga nogo tulama, tama aga dali dwai sę yali.

Tigidali Nai Gagalama Nigali Side 6:4

Tama te sogo me, te nosali sogo me, te moni genuai bobobage bidi dabe meba te tǫde bidaluali. Te bidi dabe augwali te Godigo ogwa dabede sali te we dabego augwaligo ame nani bidi dabe bidali. Augwali te bomai bidi mu gagalama, tama te sogo augwali nogi genuai elaluai.

Tigidali Nai Gagalama Nigali Side 6:2

Tama te Godigo ogwa dabego te wegi mani dabe sulama, te gasa sawi yai mu yai. Tama augwali deli deligo augwa homugo digi te we dabe anoma eyu, tama augwali selama, bidali.

Tigidali Nai Gagalama Nigali Side 3:6

Te hasamanigo te po olama, tama wego te nedu du sulama, tama te nedu du gasa wiegi yai au mu sulama, tama aga du te wiegi yai mu elaluali. Tialima, wego te tiwai homu yai, ‘Te eno te tiwai dwagi yai koneabo kolesaga siyu da, teda te dwagi yai mu yaibao,’ te homu yalio. Tama tiyu, wego te nedu du meba selama, tama tuali. Nosali agai te nedu du meba bidibolo mani, tama agai me tualio.

Israel Hanigo Namba 26:19

Te Juda hanigo aga hani meba e tama elaluali, Sela, me Peres, me Sera, Hesron me Hamul, Peres te Hesron de Hamul sigo aya dao. Polobadu Judago ogwa si me te Er me Onan si te bulu Kenande isai dao.

Tigidali Nai Gagalama Nigali Side 28:1

Te Aisakgo Jekop i olama, tama te dwagi yai sę agabolo pedelabo po agabolo mawai. Tama Aisakgo agabolo e tiwai bomo yai po mani, “Nago te e bulu Kenan tǫ we me deli munu me selamuo.