Tigidali Nai Gagalama Nigali Side 38:18 - Godigo dwagi yai po buku

¹⁸ Tialima, Judago te po wali, “Te eno magi nai te po dąų waliyu, eno nagebolo magawe?” Tama wego te po wali, “Te naga te nogi asębo nai me, aga naga dogonide walobo bono me, te megi nago tolalubo te tolasa bilibo au yai dono me, te enabolo mao,” wai. Tialima, Judago te nai dabe te webolo mani. Te augwa si te sogo pagela pilama, tama nosali te we tabi yali.

Tigidali Nai Gagalama Nigali Side 38:18 Referans Kwoze

Dwagi Yai Gesi Po Lukgo Asęani 15:22

Tiali goli, aga ayago aga wabo po togwali, te sę ebo bagebolo te po wali, ‘Polo pao, te dwagi yai bobobage ugwa sela asao, aga tigide bulao. Dwagi yai nogo mou sela asao, aga nogode holoyu yao, sągą nadoba me aga sągąde buluyu yao.

Hosea 4:11

Genuai Bidigo te po wali, “Te haniani bomai wain ąįgo te eno we bidi dabego homu kolesaga ayana palama, dolobo dao.

Jeremaia 22:24

“Ena sesemane sogo bididubo Genuai Bidi, eno po dolo nage Jehoiakinba obao, te Jehoiakimgo ogwa, te Juda king dao. Te nage eno dolo nogode mubo ring me deli tiwai te eno nage godolo mu igi da, tagala, te eno nage sela sągi da.

Tigidali Nai Gagalama Nigali Side 38:17

Judago te po wali, “Eno te meme elalubo, tama te ogwa bidi me deli eno te nageba tolaibao.” Wego te po wali, “Te usu da, tiali goli nago te meme enaba tolabo te po dąų walobo dąį ilibo nai me deli te enabolo mao,” te po wai.

Tigidali Nai Gagalama Nigali Side 38:19

Tialima, Tamar hogodama, tama palio. Tama agai te aga gesabidi halualuali te dwasianu ugwa name peda sąnama, tama te aga bidi isai da olama, te bidigo konemainu mubo ugwa te ma muani.

Tigidali Nai Gagalama Nigali Side 41:42

Ferogo te tuni bidigo mubo ring me deli elaluali. Tama agai te ring aga nogode munaluali pedelama, tama agai te Josepgo nogoba muani. Ferogo te gasagi yai sawi yai mu ugwa dabe te Josep tigiba gudulama, tama aga magede te golgo nigai sen me deli domonai.

Pris Sę Ebo Bomai Po 18:15

Nago te naga ogwago we dali penani sę igio. Magi baso meni, te nago we menio, teyu te nago aga dali penani ebo sę habu mu dao.