Tigidali Nai Gagalama Nigali Side 38:17 - Godigo dwagi yai po buku

¹⁷ Judago te po wali, “Eno te meme elalubo, tama te ogwa bidi me deli eno te nageba tolaibao.” Wego te po wali, “Te usu da, tiali goli nago te meme enaba tolabo te po dąų walobo dąį ilibo nai me deli te enabolo mao,” te po wai.

Tigidali Nai Gagalama Nigali Side 38:17 Referans Kwoze

Esekiel 16:33

Tigidali penani ebo wego mone saibao. Tialima, nago me tebeo. Nago te tigidali badu bidiba te wiegi yai homu ilibo nai tiwai mayu, te nage dali piagasomainu homu bega sabo sę ebo dao.

Tigidali Nai Gagalama Nigali Side 38:20

Judago te ogwa bidi meme te aga abagi Adulambolo menama, tama aga tagala palama, agai te webolo mani doado bage te ma sigi pelama, sesemainu yali. Tiali goli, agai te we gegali, te me subeo.

Dwagi Yai Gesi Po Lukgo Asęani 16:8

“Te genuai bidi agai aga doado bage tonalubo bidigo yali sę po odama, te nai tonalubo bidi nogi ugwaba siyu, te po wali, ‘U bidi aga homu tedali yali, te negeli mane bage wi idali weyu, aga digi aga tigi bugagia tau sali,’ wali. Te peni e dao. Te augwa homu wali pabo we bidi augwali homu bugagia mu eyu, augwa hasi tau siyu, augwa tigi tau sabo dao. Tialima, te ulade bidibo we bidi augwali homu eyu, augwa tigi bugagia tau sabo menio,” Jisasgo te po wali.

Bugagia Bidibo Kolesagade Po Asęai Buku 20:16

Te bidi me deligo te gasa bidigo negeli sali te wei ponaiba po dąų wai, te gasa bidi me aga usu isąbaso da, teda agai te wiegi yai kolesaga me ebeo. Tama tiyu, te bidi me deligo nage dali negeli sabo homu elama, tama nago koneani, agai te tobage po dąų obaso da, teda nago te agai nai me deli sabo po bomo eyu, te agai negeli sabo te wei ponabo dąį ilibo tiwai te sao.

Tigidali Nai Gagalama Nigali Side 38:16

Aga te we te sunumi sesegede bidibo madi pelama, tama agabolo te po wali, “Ae, polo tama, ena nage dali piabo homu ebao.” Tiali goli, Judago te aga wąį we da, te homu isiąyu, tama agai me konebe. Tama te wego te po wali, “Te nago magi nai hasia te enabolo mawaibawe?”

Tigidali Nai Gagalama Nigali Side 38:18

Tialima, Judago te po wali, “Te eno magi nai te po dąų waliyu, eno nagebolo magawe?” Tama wego te po wali, “Te naga te nogi asębo nai me, aga naga dogonide walobo bono me, te megi nago tolalubo te tolasa bilibo au yai dono me, te enabolo mao,” wai. Tialima, Judago te nai dabe te webolo mani. Te augwa si te sogo pagela pilama, tama nosali te we tabi yali.

Te Israel Tobolu Bidi Dabe 15:1

Te nosali dwasianu gana, te wit togobo sogo, Samson pelama, aga we sugi pali. Agai te ogwa bidi meme me deli aga webolo mawainu sela pali. Tama agai te we aga ayabolo te po walali, “Ena te ena we bidibo be habu tomoba paio,” wali. Tiali goli we aga ayago hagela yai.