Tigidali Nai Gagalama Nigali Side 38:16 - Godigo dwagi yai po buku

¹⁶ Aga te we te sunumi sesegede bidibo madi pelama, tama agabolo te po wali, “Ae, polo tama, ena nage dali piabo homu ebao.” Tiali goli, Judago te aga wąį we da, te homu isiąyu, tama agai me konebe. Tama te wego te po wali, “Te nago magi nai hasia te enabolo mawaibawe?”

Tigidali Nai Gagalama Nigali Side 38:16 Referans Kwoze

2 Timoti 6:10

Magi baso meni, te mone godolo homu ebo kolesaga te tigidali haniani dwai kolesaga page mu elalubao. Te bidi meba augwaligo te bomo elama te mone godolo ebaso, tama te kolesagago augwali kegelama tama augwaligo te Kraisde konealubo po tagalai digi, tama augwa yali dwai sę hauwago te augwali homude enani tama genuai dene mu tolali.

Matyu 26:15

“Dagego magi nai enabolo mobaso, tama eno dage nogoba te Jisas mawaibawe?” wali. Tialima augwaligo te mone ge 30 agabolo mawai. Te masigi dabe te wiegi yai kapa nogi silva tego nigai masigi dao.

2 Samuel 13:11

Tiali goli, Tamargo te kek dabe agaba magi pabo si da, teda Amnongo aga pageabi eyu, tama po wali, “Abeo, eno homugo te nage ena dali pimainu homu ebao,” wali.

Esekiel 16:33

Tigidali penani ebo wego mone saibao. Tialima, nago me tebeo. Nago te tigidali badu bidiba te wiegi yai homu ilibo nai tiwai mayu, te nage dali piagasomainu homu bega sabo sę ebo dao.

Bomai Po 23:18

Me, te penani sę elama sai mone te Godigo lotu beba sela aselamo dao. Te habu mu dao. Dagego agabolo dąų wali po me deli usu nainogo eyu, te Genuai Bidi dago God agai beba seselamo dao. Agai te niwai we ma bidigo te tobage kolesaga ebode agai dwai homu mu ebo dao,” te po wali.

Tigidali Nai Gagalama Nigali Side 38:15

Judago te sipsip nisi togobo sę sula silama, tama beba ma pobadi, agai te we sulama, tama agai homugo te penani ebo we da, te homu yali, magi baso meni, te wego gesabidi te dwasianu ugwa namego halua sai elaluali.

Tigidali Nai Gagalama Nigali Side 38:17

Judago te po wali, “Eno te meme elalubo, tama te ogwa bidi me deli eno te nageba tolaibao.” Wego te po wali, “Te usu da, tiali goli nago te meme enaba tolabo te po dąų walobo dąį ilibo nai me deli te enabolo mao,” te po wai.