Tigidali Nai Gagalama Nigali Side 38:14 - Godigo dwagi yai po buku

¹⁴ Tialima, Tamargo te aga bidi isali te konemainu te muani ugwa te peda sąnama, te gasa ugwa hasegelama muani. Tama agai gesabidi te sesela selama, te dwasianu ugwa name munama, tama te Enaim hanu soabo sunumi tunu si age tede dulaluali, te Timna sunumi teba pabo pesage elaluali. Agai koneai, te Sela te genuai yali, tiali goli augwaligo te Selago te Tamar sabo po te dodolisiąwai.

Tigidali Nai Gagalama Nigali Side 38:14 Referans Kwoze

Tigidali Nai Gagalama Nigali Side 38:26

Judago te nai dabe sulama, koneyu, tama agai te po wai, “Eno tama te dwai sę yali. Te wego dwai sę meni yani. Aga te eno ogwa Selago saiba wai. Tiali goli, eno te augwali si sabo po dodolisiąwai.” Tama tibaso, Juda te aga dali me pibeo.

Jeremaia 3:2

Nago te ni meni yai bulu du dabeba tonao. Te bulu du me deli elalu, tama nage teba pelama, te penani kolesaga ebe da homu eba, agawe? Nage te sunumi sesegede dugulalu, te bidi dabe asobo tonaluali, te Arebia bidi dabe te bulu tǫ wa pai pesage te sunumi sesegede tonalu, augwa te sunumi wali asobo bidi dabego nai wi sainu tama tiali. Te nago dwai kolesaga dabego, me te penani ebo kolesagade, te nago bulu tǫ kantri dwai meda mu yai eno gedude pedalubao wali.

Bugagia Bidibo Kolesagade Po Asęai Buku 7:12

Sesemane sogo aga te sunumide, me maketde bilidu geyu, te bidi gegebo sę ebo dao.

Tigidali Nai Gagalama Nigali Side 24:65

Tama agai te Abrahamgo sę bidibolo hanalu wai, “Te mena bidi da tiąba asobawe?” Tama sę bidigo te po wai, “Te eno genuai bidi dao.” Tama tibaso, Rebeka aga tobolude elaluali ugwa namego te aga gesabidi au palia sai.

Esekiel 16:25

Nago homugo nage sawi yai we da homu elama, tama te bidi me deli te sunumidu asobo nago subaso da, teda nago aga i olama, nage dali piagasali. Tama nago penani ebo kolesaga umabogia mu pedaludu geai dao.

Tigidali Nai Gagalama Nigali Side 38:15

Judago te sipsip nisi togobo sę sula silama, tama beba ma pobadi, agai te we sulama, tama agai homugo te penani ebo we da, te homu yali, magi baso meni, te wego gesabidi te dwasianu ugwa namego halua sai elaluali.

Bugagia Bidibo Kolesagade Po Asęai Buku 7:10

Te we te sunumide bilibo wego au tiwai elama, tama aga homugo te bidi homu begelabo homu yai. Tama tiyu, te we pelama, te bidi dali deliba gesabidi ununama, po miani.

Tigidali Nai Gagalama Nigali Side 38:19

Tialima, Tamar hogodama, tama palio. Tama agai te aga gesabidi halualuali te dwasianu ugwa name peda sąnama, tama te aga bidi isai da olama, te bidigo konemainu mubo ugwa te ma muani.