Tigidali Nai Gagalama Nigali Side 38:10 - Godigo dwagi yai po buku

¹⁰ Te kolesaga Onango te Yawe gedude dwai ebaso, tama Yawego aga me isilali.

Tigidali Nai Gagalama Nigali Side 38:10 Referans Kwoze

Tigidali Nai Gagalama Nigali Side 46:12

Tama Judago ogwa dabe e tama da, Er, me Onan, me Sila, me Peres, me Sera. Tiali goli, Er de Onan si te Kenande isali. Tama te Peresgo ogwa dabe e da, Hesron me Hamul.

Israel Hanigo Namba 26:19

Te Juda hanigo aga hani meba e tama elaluali, Sela, me Peres, me Sera, Hesron me Hamul, Peres te Hesron de Hamul sigo aya dao. Polobadu Judago ogwa si me te Er me Onan si te bulu Kenande isai dao.

Israel Hanigo Namba 11:1

Te we bidigo sęgę dabe augwali tigide pedalobaso, augwaligo konila po wabo Genuai Bidigo odali. Tama tibaso, aga sębę dwai mu elama, tama agai isi te we bidi bidibo pesageba taga palali. Tama te isigo te bidibo pesage me badu bogo badu dali.

Hagai 1:13

Tama tialima, te bidi Hagai agai te we bidi dabebolo e tama po augwalibolo ola mani, “Godigo te po wai, ‘Ena Genuai Bidi, tama tigidali sogo ena dage dali bidada paibao,’ wali.” Hagaigo te po wai.

Jeremaia 44:4

Hauwa sogo eno ena sę bidi dabe, te profet dabe, te dage Juda dabeba tagala palai. Te augwaligo eno po e tiwai pusali, “Dagego eno homu godolo isąbo te kugumini yai kolesaga dabe igimio,” wali.

Bugagia Bidibo Kolesagade Po Asęai Buku 24:18

Tiyu, nago wiegi yai homu pemene ebo Genuai Bidigo sulama, te agai nageba dwai haliga eyu, tama agai te boi bidi dali wado po ma wagobeo. (29)

Bugagia Bidibo Kolesagade Po Asęai Buku 14:32

Te dwai sę ebo bidi dabe te augwa dwai kolesagago digi te dolobao. Tiali goli, te doloba pai bidi dabe te magi nai me delide homu si me egobeo. Te augwa isibo sogo pedalubo si da, te augwa konealubo po te me dąų elalueibao.

Tuni Bidi Dabego Po Elalubo Buku Deli 21:7

Augwaligo te Israel we bidi dabe nedali sęde Godigo wiegi yai homu pemene isąwai, tama teyu agai te Israel dabeba dwai dene mabo sę yalio.

2 Samuel 11:27

Te homu dene yali sogo silibo side da, teda Devitgo augwaliba te Batseba te kingo beba odasa asao po wai. Tama Devitgo aga sali, tama nosali Batsebago te Devitgo wai ogwa me deli ame nani. Tiali goli, Genuai Bidigo Devitgo te sę yalide te aga homu godolo eyu, wei me ebeo.

Israel Hanigo Namba 22:34

Tialima, Balamgo Genuai Bidigo enselbolo te po wei ponani, “Eno dwai kolesaga yalio. Eno konebeo, nago ena elainu sunumide dolalubo eno subeo. Tama tialima, megi nago ena pabo godolo isąma ebaso da, teda ena ena buluba ma geasa paibao,” wali.

1 Samuel 2:25

Te bidi me deligo gasa bidi dali dwai sę me ebaso da, teda Godigo te po isimainu elama, tama te sę dodoloyu ebo dao. Tiali goli, bidigo te Godiba dwai sę yali da, te niwai bidi te tomode dolalu, tama te dwai sę dodolaibawe?” Eligo augwali sibolo te tiwai po wali, tiali goli, te Genuai Bidigo augwali si ela muabo homu elama, tama agai augwali sigo tobolu te dila palama, tama augwali sigo te augwa ayago po me odobeo.

Te Israel me Juda Hani Sigo Tuni Bidigo Po Elalubo Buku Deli 17:20

Tama agai e tama gedu haluasa po bomai mu wali, “God, eno Genuai Bidi, te e wilawe wego ena agai bugagia tonalubo da. Magi baso nago genuai sęgę e we tigide pedelaliwe? Tama magi baso agai e wai isilaliwe?”

Tuni Bidi Dabego Po Elalubo Buku Deli 2:3

Judago ogwa dabego nogi e tiwai, Er, me Onan, me Sela dao. Te sela bidigo augwa ida te Batsua, te Kenan hani we me deli da. Er, Judago gomunai ogwa, agai dwai kolesaga mu ebaso, te Genuai Bidigo aga ela muai dao.