Tigidali Nai Gagalama Nigali Side 38:1 - Godigo dwagi yai po buku

¹ Tama te sogo Juda te aga ama dede taga peyu, tama te Hira dali bidigi pali, te Adulam bidi me deli da.

Tigidali Nai Gagalama Nigali Side 38:1 Referans Kwoze

Te Israel me Juda Hani Sigo Tuni Bidigo Po Elalubo Buku Si 4:8

Me sogo deli Elisa te Sunem hanu taunba pai. Te hanude we me deli bidibo, tama agai te mone me, te haniani doado bage me, umabo mu munalubo we da. Tama te wego te Elisa hanalu wali, “Nage asama, eno beba nai tuagasao,” olama, hanalu wai. Tama tibaso, tigidali sogo Elisa te Sunem hanuba te we bidibo madigi peduali, tama agai te we pageba pelama, te agai bede nai tugi peduai.

1 Samuel 22:1

Devitgo te taun Get tagalama, tama aga wi pelama, te taun Adulam pąba pelama, tama te genuai bulu du ola be me delide bididuali. Te aga ama dede dali te aga hani bagego aga te bulude bidibo po odobaso, teda augwali pelama, aga dali bidigi pai.

Maika 1:15

Dage te Maresa we bidi, te Genuai Bidigo dage te boi bidi dabego nogoba munama, te dagego taun augwaligo saibao. Tama te Israel polaluali tobolu bidi dabe te Adulam masigi ola beba geme wi duala sigi peyu, ela paibao.

Bugagia Bidibo Kolesagade Po Asęai Buku 13:20

Te bidi te wiegi yai homu kolesaga elalubo bidi dali bilali da, teda agai me te wiegi yai homu kolesaga saibao. Tiali goli, te bidi te wiegi yai homu meni ebo bidi dabe dali kisasa bilibaso da, teda te sęgęgo aga gegaibao.

Josua 15:35

Jarmut, Adulam, Soko, Aseka,

Bugagia Bidibo Kolesagade Po Asęai Buku 9:6

Te duga umuna sai kolesaga ebo tagalama, tama aselama, te bidabo ula sagasiąo. Dagego te wiegi yai homu kolesagago sunumi wali piąo,” augwaligo te po wabo dao.

2 Samuel 23:13

Te Devitgo ami bidi dabego tobolu bidi meba elaluali, tama augwa te hani dabe nogi poyu, te 30 bomai ami bidi dabe da po wali. Tama me sogo deli Devit te genuai tǫ dedage te Adulam bulu dude bidibadi, tama te 30 wali bomai ami bidi dabede te ami bidi me selago te Devit aga sugi pali. Te nai inilama tau yai sabo sogo tama tiali. Tama te sogo me te Filistia ami bidi meba te Refaim bulu odogoba dulama, tama augwa bidibo pesage tede nigilama bidali.

Te Israel Tobolu Bidi Dabe 4:18

Tama Jael pelama, Sisera subaso, tama agai Siserabolo te po wai, “Genuai bidi, be tomoba asao,” wali. “Nage eno ugwa be tomoba asao,” wali. “Nage wi me elamuo.” Tama Sisera te ugwa be tomoba pelama, tama Jaelgo aga te ugwa blanket ugwa me deligo geme dologoba dualali.

Josua 12:15

Lipna, Adulam,

Tigidali Nai Gagalama Nigali Side 38:12

Tama me sogo nosali te Judago we isali, te aga Suago wegi da, aga me te isali. Judago te homu dene ebo sogo silama, tama aga te Timna buluba peyu te bidi dabego aga sipsip nisi togobo pesageba pali. Te aga abagi Hira te Adulam bulu bidi aga dali pali.

Tigidali Nai Gagalama Nigali Side 38:20

Judago te ogwa bidi meme te aga abagi Adulambolo menama, tama aga tagala palama, agai te webolo mani doado bage te ma sigi pelama, sesemainu yali. Tiali goli, agai te we gegali, te me subeo.