Tigidali Nai Gagalama Nigali Side 37:9 - Godigo dwagi yai po buku

⁹ Tama nosali Josepgo na ma elama, tama agai te po aga ama dabe dali pusali. Agai te po wali, “Odiąo, eno gasa na ma ebo suali, tama eno te giliga de polua si, me te nogo si olama, sągągo deli te hǫ dabe, augwali te enaba basi gulama, kidu sugunidu geai,” wali.

Tigidali Nai Gagalama Nigali Side 37:9 Referans Kwoze

Tigidali Nai Gagalama Nigali Side 37:7

“Da tigidali te wit gide bidaluyu, tama te wit dunu pali. Tama eno duani te hogodama, tama dolo dolugulali. Tama dagego duani nai dabe dolaluyu, te eno duani nai te bagulama, tama teba kidu sugunani,” wali.

Filipai 2:15

Tama dagego te sę tama eyu da, teda dage te gasa we bidigo gedude te magi sę isąwai we bidi bidiyu, tama dage te dwai sę dali dwagi yai sę dali gealusiąbo we bidi bidaibao. Tama bidiyu, dage te homu gagea pai haniani dwai dwai sę ebo we bidi tomode bidibadi goli, dage Godigo mu doloba pai wai puluba bidaibao. Tama dage augwali tomode bidibadi dagego te ho dabe hulide ula nanobo tiwai eyu bidiąo. Tama tibadi, dagego augwalibolo te wiegi yai bidibo ula elalubo po pusao. Dagego tama tiyu da, teda te Krais aga e tǫba ma asobo side eno dwagi yai homu dage dali yaibao. Magi baso meni, eno koneaibao, eno dage tomode yali tigi dene sę me te eno bomo me te olo dali ebeo.

Daniel 8:10

Te kom te boma pai mu pedelama, tama te hǫ dabe dali hwįani. Te hǫ dabego hwįani te dagalude ami bidi dabego hwįbo tiwai yali. Tama komgo te hǫ dabe meba te tǫba aiya tula palama, tama augwali agayalio.

Tigidali Nai Gagalama Nigali Side 47:12

Agai te aga aya me, aga ama dede me, te augwa we wai puluba usu nama, te bidabo tubo nai mani.

Tigidali Nai Gagalama Nigali Side 46:29

tialima Josepgo te agai po ola tolama, te aga karis sela asobosi, te aga aya tiąba peyu, te Gosen tǫba pali. Aga aya bidiboba sabolama, tama polo aga pagea sigi pelama, tama gela sesabi elama mu wali.

Tigidali Nai Gagalama Nigali Side 45:9

“Megi da, dage te dena aya bidiboba pelama, tama agabolo wagi piąo, ‘Te e po te naga ogwa Josepgo po da, Godigo ena te Isip pedai tigidali badu tobolu bidi nigilama bidibao. Nago me tonalugio. Nage polo asao.

Tigidali Nai Gagalama Nigali Side 44:19

Polobadu nago dabolo te tiwai po hanalu wali, ‘Dagego aya me ama dede bidalubowe?’ wali.

Tigidali Nai Gagalama Nigali Side 44:14

Juda aga ama dede dali te Josepgo beba sabolama, tama augwaligo aga te bede me bidalubo suali. Tama augwali wi mu ebaso, tama augwaligo augwa digi te Josep gesabidiba gedude te tǫba degasa dulali.

Tigidali Nai Gagalama Nigali Side 43:28

Augwaligo te po wali, “Dago aya, nago sę bidi, aga te bugagia bidibao.” Augwaligo kidu sugunama, tama agaba mage basi gulali.

Tigidali Nai Gagalama Nigali Side 41:32

Godigo te sę yabo te homugo konea selama, tama mu dąų walali. Tama agai nago aga dąų walali homu konemainogo iliyu, nago na si sogo emainu yali. Tama te sesabi elama bidisiąbadi, te pąde sogo tama Godigo te sę pedalumainu yaibao,” wali.

Tigidali Nai Gagalama Nigali Side 41:25

Tialima, Josepgo Ferobolo te po wali, “Te na si page te deli tiwai tobage naga yali. Godigo nagebolo te agai tamadi yabo sę ola mani.

Tigidali Nai Gagalama Nigali Side 37:10

Agai te na yali po te aga aya dali, me te aga ama dede dali pusubadi yali. Tama aga ayago aga dali wado po olama, te po wali, “Te magi yai na dawe? Nago homugo ena, naga ida dali, me te naga ama dede dali, te da aselama, te nage gesabidiba kidu sugunama, basia gulagasomainu ebawe?”

Tigidali Nai Gagalama Nigali Side 37:8

Te aga ama dedego agabolo te po wali, “Nago homugo te nage dago tuni bidi pedelama, tama da tonaluainogo ebawe?” Tama aga ama dede augwaligo te na yali po odama, tama augwaligo aga dali sębę mu yai.

Tigidali Nai Gagalama Nigali Side 20:3

Tiali goli, hulide God te Abimelekba nade pedelama, tama te po wai, “Sara te Abrahamgo sai we dao. Tama nage isaibao,” wali.

Tigidali Nai Gagalama Nigali Side 42:6

Te Josep aga te polalubo gavman bidi te Isipde bidali, tama tigidali Isip tǫ badu bidalubo bidi dabe te aga bidibo digi pelama, tama te wit abeligi pai. Tama te Josepgo ama dede te aga bidibo madi sabolama, tama augwali te aga gedude kidu sugunama, tama augwali te gesabidi te tǫba basi gulali.

Tigidali Nai Gagalama Nigali Side 43:26

Augwali te bede bidaludubadi tama Josep asali. Tama augwaligo te wiegi yai homu ilibo nai dabe te agaba sela pelama, tama augwaligo agaba kidu sugunama, tama mage tǫba basi gulali.

Israel Hanigo Namba 12:6

Tama Genuai Bidigo po wali, “Dage sigo eno po odiąo. Te profet bidi me dage Israel dabe tomode bidibo sogo, eno ena digi agaba te nade ola mabo tiwai elama, eno aga dali nade po wabo dao.