Tigidali Nai Gagalama Nigali Side 37:5 - Godigo dwagi yai po buku

⁵ Tama me sogo deli te Josepgo na elama, tama agai te na yali te aga ama dede dali pusali. Tama augwaligo odama, tama augwaligo homu dwai mu elaluali. Magi baso meni,

Tigidali Nai Gagalama Nigali Side 37:5 Referans Kwoze

Tigidali Nai Gagalama Nigali Side 28:12

Te aga piali sogo te aga na ebadi suali, te togobili me deli page te tǫde elalu, te aga tobolu te dagalude ugwaba ilama elaluai. Tama te Godigo mobo bidi ensel dabe te togobilidu ugwaba holoyu, aiyaba duluyu ebo, te agai suali.

Dwagi Yai Gesi Po Jongo Asęani 17:14

Nago po eno augwalibolo mawai dao. Tama tǫde we bidigo augwali dali boi bidi gagawai dao. Ena da e tǫde bidi menio. Te tiwai augwali me e tǫde bidi menio. Tama tibaso, tǫde we bidigo augwali dali boi bidi gagawai dao.

Joel 2:28

Te Genuai Bidigo po ma weyu, te po wali, “Nosali te eno Mobo Bidi te tigidali we bidiba tagala palaibao,” wali. “Tama te dagego ogwa dabe me, wegigo me, te eno po te profet dabego po pusubo tiwai yaibao,” wali. “Te dage monu dabe bidi dabego te na eyu, te gesi ogwa bidi dabego me te na tiwai yaibao,” wali.

Daniel 4:5

Tiali goli, me sogo deli sogo hulide eno na elama, tama ena wi dwai mu yalio. Ena te eno bet saide pila mubadi, tama te eno homude suali nai dabe augwaligo ena wi dwai mu ilalio.

Tigidali Nai Gagalama Nigali Side 42:9

Agai te na yali dabe te aga ama dede dabe dali na polobadu yali te ma homugo kone palama, tama agai te po wai, “Dage te daba sa asobo bidi dabe dao. Dagego te dago tǫ pedai te mena badu mu te hwįbo bomo meniwe naga sueinu gege bilibao,” wali.

Amos 3:7

Mu tamao, tigidali sę God Genuai Bidigo yabo homu ebo sę, agai aga sę bidi dabebolo hasia po pusaibao, te profet dabeba waibao, tama nosali agai wali po gilama te sę ebo dao.

Israel Hanigo Namba 12:6

Tama Genuai Bidigo po wali, “Dage sigo eno po odiąo. Te profet bidi me dage Israel dabe tomode bidibo sogo, eno ena digi agaba te nade ola mabo tiwai elama, eno aga dali nade po wabo dao.

Tigidali Nai Gagalama Nigali Side 37:4

Te aga ama dedego suali, te ayago Josep dali wiegi yai homu pemene mu eyu, tama augwali te godolo kuna me ebe. Tama tibaso, augwaligo dwai homu mu te Josep dali elama, tama augwaligo abagi homu eyu, wiegi yai po aga dali me wabeo.

Te Israel me Juda Hani Sigo Tuni Bidigo Po Elalubo Buku Deli 3:5

Tama te hulide Solomon te Gibeonde godege piai madi, tama te nade te Genuai Bidi agaba pedelali. Tama Godigo te tiwai po wali, “Te nago mena nai godolo eyu, te enaba hanalu obaso da, tama teda eno nageba mawaibao,” po wali.

Daniel 2:1

Te me deli sogo hulide te si wabo kibu bede te Nebukatnesar king bidibadi, agai na yai. Te na yaligo te aga haliga sęgę mu ilama, tama aga piabo ąǫ ma ebeo.

Godigo Nogi Ugwaba Sabo Tęąbi Po Wabo Buku Dabe 25:14

Genuai Bidi God aga te aga dologode bidibo we bidi dabe augwaligo abagi mu dao, tama augwali dali te dąų wali bomai po kontrak te augwaliba ma ola mabo dao.

Tigidali Nai Gagalama Nigali Side 49:23

Te boi bidi dabego moni wąbi dobo mu hwįaibao. Augwaligo enesigigo aga pobeasa paibao.

Tigidali Nai Gagalama Nigali Side 41:1

Te kibu be si bidama, tama Ferogo na yai. Agai te tiwai na yai, aga te moni pabo wę Nail pąde dolaluali.

Tigidali Nai Gagalama Nigali Side 40:5

tama me sogo hulide, te wain sę tonaluali tobolu bidigo, me te bret nigibo sę tonaluali tobolu bidi, te Isip tuni bidigo sę yali bidi sigo na yai. Te deli deligo na yali te na page me elaluali.

Tigidali Nai Gagalama Nigali Side 37:8

Te aga ama dedego agabolo te po wali, “Nago homugo te nage dago tuni bidi pedelama, tama da tonaluainogo ebawe?” Tama aga ama dede augwaligo te na yali po odama, tama augwaligo aga dali sębę mu yai.

Tigidali Nai Gagalama Nigali Side 31:10

“Tama te meme omai dabego penani ebo sogo, eno te tiwai na yai, eno te meme omai kibu augwaligo tigide dodobolo pali haniani elalubo suali, te augwaligo naga te meme so kibu dabe penani ebo dao.

Tigidali Nai Gagalama Nigali Side 31:11

Tama eno nade Godigo ensel mobo bidigo ena i olama, tama enabolo te po wali, ‘Jekop.’ Tama eno te po wai, ‘Ena e bidibao.’

Tigidali Nai Gagalama Nigali Side 37:6

Josepgo te na yali pusuyu, te po wai, “Dagego eno na yali po odao,” wali.

Tigidali Nai Gagalama Nigali Side 20:3

Tiali goli, hulide God te Abimelekba nade pedelama, tama te po wai, “Sara te Abrahamgo sai we dao. Tama nage isaibao,” wali.