Tigidali Nai Gagalama Nigali Side 37:4 - Godigo dwagi yai po buku

⁴ Te aga ama dedego suali, te ayago Josep dali wiegi yai homu pemene mu eyu, tama augwali te godolo kuna me ebe. Tama tibaso, augwaligo dwai homu mu te Josep dali elama, tama augwaligo abagi homu eyu, wiegi yai po aga dali me wabeo.

Tigidali Nai Gagalama Nigali Side 37:4 Referans Kwoze

Tigidali Nai Gagalama Nigali Side 27:41

Isogo homugo te ayago te dwagi yai sę pedelabo po te Jekop te bolo mani, te agai homude wado ebo homu dwai mu te Jekop dali yai. Tialima, Isogo e tama homu elama, te po wai, “Te pąde dwasianu sogo naga te aya isibaso, tama dago aga homu dene yaibao. Te homu dene yali sogo sia sabo si da, teda eno te Jekop ela muaibao.” Isogo te tama homu elalualio.

1 Jon 4:20

Bidi me deli agai te po weyu “Eno God dali dwagi yai homu eyu aga godolo ebo dao,” te po agai weyu, tiali goli te bidi agai aga ama dali dwai boi bidi homu eyu da, teda te bidi agai tibo po wabo dao. Magi baso meni. Te bidigo aga gedugo aga ama subo dao. Tiali goli agai aga dali dwagi yai homu eyu godolo ebo menio. Tama tibaso, agai te aga gedugo susiąbo God dali mena tama dwagi yai homu ebo kolesaga egowe? Mu menio, aga usu egobeo.

1 Jon 3:12

Da te polobadu bidali bidi Kein bidali tiwai bidamuo. Aga te Satango bidi bidai, tama agai aga ama ela muai. Tama magi baso aga ama ela muaniwe? Agai dwai kolesaga naga yali, tama aga amago yali kolesaga tigidali dwagi yai doloba pai kolesaga yai. Tibaso, aga sębę elama, aga ama ela muai.

1 Jon 2:11

Tiali goli niwai bidigo aga ama dali sębę eyu boi bidi homu eyu da, te bidi hulide bidibo dao. Aga hulide biliyu, be hulia saligo agai gedu dąų olama, tama aga pabo tų aga konesiąbaso gegebo dao.

Godigo Nogi Ugwaba Sabo Tęąbi Po Wabo Buku Dabe 69:4

Te enaba odolali boi bidi ebo bidi dabe, augwali te hauwa umabo mu dao, te eno tobolu nisigo namba te augwalide usu isąwai. Te boi bidi dabego enaba dwai sę yainu yali, tama augwaligo te ebo kolesaga pagede tibo po wali. Te bidi dabego bomo mu elama, te ena ela muabo homu yali. Eno te augwaligo nai doado bage me deli te eno wi me sabe, tiali goli augwaligo te po hauwa enaba kisilama wali. Tama tialima, eno ena doado bage digi te augwaliba mawai.

1 Samuel 17:28

Eliap, te Devitgo ama gomunai bidigo, te agai te bidi dabe dali po mibo odai. Tama aga haliga sębę elama, tama Devitbolo te tiwai po wai, “Magi baso nage eba asai dawe? Tama dego nago te dwai sipsip dabe te buside tonalubawe? Eno koneani, nage te hagoma ebo bidi, tama nage te hagoma kolesaga ebo bidi da. Nage te hwįbo naga suainogo asali dao,” wali.

Tigidali Nai Gagalama Nigali Side 37:5

Tama me sogo deli te Josepgo na elama, tama agai te na yali te aga ama dede dali pusali. Tama augwaligo odama, tama augwaligo homu dwai mu elaluali. Magi baso meni,

Tigidali Nai Gagalama Nigali Side 4:5

tiali goli agai te Kein dali, aga ofa dali, te agai godolo me ebeo. Tama Keingo wado homu dwai mu elama, tama agai gesabidi hulia sigi pai.

Taitus 3:3

Magi baso meni. Polobadu da me, nage me da tigidali Godigo po odisąbadi tama da te homu kolesaga meni yai bidi tiwai bidai dao. Tama dago me po sela sąwai dao, tama tibo po odolama, tama dago pabo tųde geda muyu tama bilai dao. Tama bidibadi tama dena tigigo ebo haniani dwai kolesaga dali te tigi pusu ilibo sę me, te tobage sę ebogo da kalabus mu yai dao. Dago te bidi hasi dali dwai homu ebo kolesagade biliyu, tama dago augwaligo nai dabe pesą eyu yai dao. Tama bidi meba augwaligo da dali boi bidi eyu, tama dena hasi tomode me boi bidi naga elalua pai dao.

Godigo Nogi Ugwaba Sabo Tęąbi Po Wabo Buku Dabe 38:19

Te eno boi bidi tigidaligo te bomo mu ebao. Te bidi hauwa umabogo te enaba odolali boi bidi ebao.

Tigidali Nai Gagalama Nigali Side 49:23

Te boi bidi dabego moni wąbi dobo mu hwįaibao. Augwaligo enesigigo aga pobeasa paibao.

Tigidali Nai Gagalama Nigali Side 37:11

Tama Josep aga ama dedego aga dali haliga husugu yali, tiali goli aga ayago te po tigidali aga homude munalualio.

1 Jon 3:10

Edao. Te Godigo wai dabe dali, te Satango wai dabe dali, augwali dagalama hania koneabo tų e dao: dwagi yai doloba pai kolesaga wali pisąbo bidi, aga te Godigo wai menio. Tama aga ama dali dwagi yai homu eyu godolo isąbo bidi, te bidi me aga te Godigo wai menio.

Jeremaia 12:6

Te sęgę dabede te me deli te tiwai elalubao. Te naga hani dabego digi te nageba dwai sę yabo po mia salio. Te nage augwaligo nage pobeasa pabo tiwai elama, te pąde nage pageabi yainu ebo tiwai yaibao. Te augwaligo nage dali wiegi yai po obadi, te tagalao, nago augwaligo poba homu kęą pelamu dao,” wali.

Dwagi Yai Gesi Po Makgo Asęani 3:25

Tama te deli bede bidaluali bidi hani te augwa hasi bugulama, tama augwali hwįbaso da, teda te bede bidali bage te bomo elama me bidigobeo, te pebeda paibao.