Tigidali Nai Gagalama Nigali Side 37:26 - Godigo dwagi yai po buku

²⁶ Tama Judago aga ama dedebolo weyu, te po wali, “Te dago dena ama elama, tama dago geme dualubo sę eyu da, te dago mena dwagi yai nai agade sogowe?

Tigidali Nai Gagalama Nigali Side 37:26 Referans Kwoze

Tigidali Nai Gagalama Nigali Side 37:20

“Polo tama, dago aga ela munama, tama aga tigi te ulu sigi ąį elaluai madigi dedage me deli teba sąwaibao. Te nosali dago te po waibao, ‘Te genuai uni hasa me deligo aga elama, tuali,’ po waibao. Tama agai na yali sę mu pedelaibawe, ma meniwe, te dago koneaibao,” augwaligo tama po wali.

Tigidali Nai Gagalama Nigali Side 4:10

Tialima, Yawego Keinbolo te po wai, “Nago magi baso te dwai dwai sę yaliwe? Te naga amago kaneme te tǫba gelali, tama te kaneme te bidi me deli dogoni tiwai elama, tama i wabo eno odali, ‘Boi eyu, Kein ela muao,’ te tiwai po obao.

Polgo Po Pas Rom Dabeba Asęani 6:21

Tialima te dwai sę ebode dagego magi nai saliwe? Woo, te megi te sęde dage hale ebo dao. Te kolesagago te bidigo noma isibo sę naga pedalubo dao.

Matyu 16:26

Bidigo e tǫde elalubo tigidali nai aga sai goli, tama te nai sobadi aga mu bidabo ula doloyu da, teda te tigidali sali naigo aga tau sabo usu egobeo. Te bidigo te bidibo ula ma abelainu te mena nai mobaso, te usu me egobeo. Te menio.

Esekiel 24:7

“Augwaligo te augwa dwai kolesagade homu kone me tųą pabeo. Menio. Augwaligo hanilama, bulu ulade yali. Te augwaligo te bidi dabe elama, te kaneme te masigi elalubo pesage daide gealu tiwai yali. Augwaligo kaneme te tǫba gealumainu me ebeo, te tǫgo geme dualumaina wabeo.

Jeremaia 41:8

Tialima, te genuai hanide nogo si bidigo Ismaelbolo te tiwai po wali, “Nago da me ela mugio. Dago nage nai hauwa mawaibao, te kala bulu du pesagede geme dualama elalubao. Dago te nai wit, me rais bali, me oliv wel, me pusu nai hani me elalubao,” wali. Ismaelgo augwaligo po odama, agai te nogo si bidi me ela mubeo.

Godigo Nogi Ugwaba Sabo Tęąbi Po Wabo Buku Dabe 30:9

Tama eno te po wai, “Te ena te isai madiba pobaso da, teda te mena wiegi yai nai pedelaibawe? Te ena gų pageba pobaso da, teda tebogo de tau sogowe? Te isali bidi dabego nago nogi ugwaba somainu te homu eba, agawe? Te augwaligo nageba pusuyu, te nago sesemane sogo augwali wiegi yai bugagia ilibo da homu ebo po waiba, agawe? Menio.

Jopgo Po Asęani Elalubo Buku 16:18

“Tǫ, odao. Ena isibo sogo te eno kaneme tulalubo si da, nago te kaneme haluamo. Menio. Nago te kaneme pepeli dilide elalumainu sula tagalao. Tama agai God i olama, te sęgę dodolomai yaibao.

2 Samuel 1:16

Magi baso meni. Tama Devitgo te Amalek bidibolo tama te po hasia bolo walio, “Te naga digi yali sęgo, te nage isaibao. Naga digi nago te Genuai Bidigo sa muyu nigilali king ela muani po te hanilama pusali dao,” wali.

Bomai Po 17:8

“Te me sogo te po sęgę genuai mu te hanude yaibao, tama te jas dabe te hanu dabede bidibo te bagego dodolobo usu egobeo. Te bidi dabe aga hasi boi bidi homu elama, me bidi ela muai baso, o te bidigo tǫ hagede o be hagede wado yai baso, o te bidi dabe aga hasi hwįnama, me bidigo tigi mu dolai baso. Tiali tama, te tobage nai dabe te jas dabego dodolobo usu isąbaso da, teda dage te lotu wabo pesage Genuai Bidi dago God agai sa muaiba, te pesage deliba naga pao.

Tigidali Nai Gagalama Nigali Side 25:32

Tama Iso te po wai, “Te usu dao. Nasi baso te pąde ena isabo homu ebo, tama ena te gomunai bidi elalubo nogigo te enabolo magi nai magowe?”

Tigidali Nai Gagalama Nigali Side 40:15

Magi baso meni, te hasia mu te bidi dabego ena te Hibru dabego bulude te olo sę ebo bidi tiwai elama, wi sela asali. Te megi e tǫde me, te eno magi sę me deli isiąbadi, te ena augwaligo e kalabusiba muani,” te po wai.

Tigidali Nai Gagalama Nigali Side 42:21

Tama Josep aga ama dede augwa hasi tomode po miyu, te po wali, “Mu tama, dena digi polobadu te dena ama dwai sę ilali. Dago aga gela wabo suali, tama dago aga tau somainu agai i wali, tiali goli dago agai i wabo me odobeo. Tama megi, da te tiali sęgę sobao,” wali.

Tigidali Nai Gagalama Nigali Side 50:20

Polobadu dagego ena dolabo homu dąų wali. Tiali goli, Godigo te dwai kolesaga begelali, tama agai te bidi hauwa bidibo ula elaluyu, tama augwali me hagaidali weyu, wiegi yai sę pedalumainu ilali. Tama tialigo da, megi te we bidi dabe bidaluali.

Jeremaia 36:25

Elnatan, me Delaia, me Gemaria, te bidi selago te buku isiba ulugio po bomo yali, tiali goli kingo augwaligo po me odobeo.

Tigidali Nai Gagalama Nigali Side 4:9

Nosali Yawego Keinbolo hanalu wai, “Naga ama Abel mena bidibowe?” Tama Keingo te po wali, “Eno konebeo. Magi yaliwe? Nago homugo ena te eno ama tonalubo bidi naga bidimainogowe?”