Tigidali Nai Gagalama Nigali Side 37:25 - Godigo dwagi yai po buku

²⁵ Tama nosali augwali dugulama, tama toma neyu, nai tuali. Te augwali nai tuyu bidalubadi, tama augwaligo te Ismael bidi hani aselabo suali, te gasa nogi me elalubo te Midian bage dao. Augwali te Gileat tedu aselama, tama te Isipba painu soali. Tama augwaligo kamelgo te gasagi yai denami ebo ni kaneme, me te haniani sanda dabe, te sela soali, magi baso meni, augwali te Isipba pelama, tama tede te augwa dobu si ebo bisnis sę yaibao.

Tigidali Nai Gagalama Nigali Side 37:25 Referans Kwoze

Tigidali Nai Gagalama Nigali Side 43:11

Tialima, Israel, te augwa aya, agai augwalibolo te po wali, “Te tiwai tama pedalubaso da, teda dagego tama tiao. Te e bulude elalubo te wiegi yai nai dabe te selama, duga genuai waba munama, tama dage pelama, tama te gavman tobolu bidibolo te aga wiegi yai homu emainu magi pao. Te tobage tiwai dwasianu haniani nai tigidali sao, te ganima bunugo nigali pusu yai nai me, te mege me, tama te denami ebo ni kaneme, me te haniani sanda, tama me te meba ni haga du walobo tiwai ni du nogi pistasio, me te ni du amon, te tiwai haniani nai sela pao,” wali.

Tigidali Nai Gagalama Nigali Side 37:28

Te Midian bisnis bidi meba teba asobaso, tama augwaligo Josep te tǫ dedagede selama, tama aga te Ismael dabebolo mani. Te Ismael dabe augwaligo Josep te mone ge bidi sese deli, te 20 silva monego abelama, tama augwaligo aga te Isipba selasa pali.

Jeremaia 8:22

Te tǫ Gileatde te wiegi yai marasin me munalusiąyu eba, agawe? Te augwa dokta me menisiąyu, ebawe? Magi baso te eno we bidi hobedagia te usu ma pedalugobewe?

Tigidali Nai Gagalama Nigali Side 37:36

Tama tidubadi, te Isipde te Midian dabego Josep te Isip tuni bidigo ofisa bidi me deli, te Potifarbolo mani, tama agai Josep te monego mu abelai. Potifar te Isip tuni bidigo genuai be tonalubo ami bidi dabe augwali tonalubo bidi dao.

Amos 6:6

Dagego te genuai kap wain wę hauwa tubo dao. Te dagego denami ebo sawi yai sanda, me ili yai nai te duga tigide denami iliyu mubo dao. Tiali goli, dagego te tǫ kantri Israel nosali dolabo homu dene dwasianu me ebo menio.

Jeremaia 46:11

Genuai Bidigo te tama po wali, “Kantri Isip, nago te gesi wegi aga tigide te keni me deli pedelai tiwai elaluai. Nage te Gileat badu pelama, te wiegi yai marasin me deli gegegi pao. Tiali goli, nage te haniani marasin sabo sę dene odolali yaibao. Te marasin me deligo nago keni me deli pedela somainogo ebaso, usu me egobeo.

Bugagia Bidibo Kolesagade Po Asęai Buku 30:20

“Te wego te we sabo togobo penani ebo kolesaga te tiwai. Aga nai tulama, tama pedauwali tedelama, tama nosali agai te po wai, ‘Eno te magi dwai sę me ebeo,’ wabo dao.”

Godigo Nogi Ugwaba Sabo Tęąbi Po Wabo Buku Dabe 14:4

Genuai Bidigo te po wai, “Te bidi dabe augwaligo dwai kolesaga yai, augwaligo homu kolesaga meni, agawe? Augwaligo te eno we bidi dabe ela silibao, te augwaligo te bret tubo tiwai gilama te mu silibao. Tama augwaligo enaba gedu haluasa po wabo menio,” wali.

Tigidali Nai Gagalama Nigali Side 39:1

Te Ismael dabego te Josep Isipba odasa pelama, tama te bidi me deli aga nogi Potifar, tego aga abelai. Potifar te Isip bidi me deli, tama te Isip tuni bidigo sę ebo ofisa bidi me deli da. Agai te ami bidi dabe te Isip tuni bidigo genuai bede tonaluali.

Tigidali Nai Gagalama Nigali Side 31:23

Tialima, Labango te aga bidi dabe meba selama, tama augwaligo te Jekop pali wali pidubadi, te a naga olama, nogo si, tama sogo wabode sabolali. Tama augwaligo Jekop te Gileat bulu du pedai te badu bidibo suai.

Godigo Nogi Ugwaba Sabo Tęąbi Po Wabo Buku Dabe 83:6

Augwali te hani dabego te tiwai yainu yali, te augwali Idom dabe me, Ismael dabe me, tama te Moap dabe me, te Hakri dabe me dao.

Esta 3:15

Tialima, te pas sela pabo bidi dabe augwali polo pelama, tama te tigidali tǫ pedaiba sela pali. Tama augwaligo te po me te polalubo moni hanu Susade pusali, tama te we bidi augwaligo odali. Tuni bidi king de Haman si naga te dwagi yai homu elama, dualama, wain ąį tudali. Tiali goli, te moni hanu Susade bidibo we bidi augwali te pode augwali dwai noma siyu, tama augwali homu kolesaga mu puna palio.

Tigidali Nai Gagalama Nigali Side 31:21

Tama eyu, te aga doado bage tigidali selama, tama aga wi soali. Agai te Labango bulu tagalama, tama te wę Yufretis nogolama, tama aga te Gileat bulu du dabe elalubo tǫba painu soali.

Tigidali Nai Gagalama Nigali Side 37:24

Tama augwaligo aga sela pelama, te wę sula sai tǫ dedage me deli elalubo madi teba tula palai.

Josua 13:11

Augwaligo te Gileat dabego tǫ me sali, tama te Gesur, me Maka dabego tǫ me, tama te Hermon bulu du pedai tigidali me, tama te Basandu te Saleka teba usu nigi pelama,

Jeremaia 22:6

“Ena Genuai Bidi, eno te Juda kingo bede po elalubao. Be, eno suali, te wiegi yai mu yai, te distrik Gileat me te bulu du pesage Lebanon tiwai elalubao. Tiali goli, eno nage te olo tǫ pedalubo tiwai yaibao, te tǫ wa pai pesage, me te bidi mu meni yai taun tiwai elalueibao.

Esekiel 47:18

“Tama giliga asobo badu tǫ dąį te Damaskus taun me distrik Hauran tǫdu pelama, Jordan ąį dulu pelama, tama saut badu Israel dabego tǫdu me distrik Gileat tǫdu pali dao. Tama pelama, sautba saboligi pelama, te sigi ąį Detsiba usu nigi pali,” wali.

Solomon 5:1

Eno we, nage eno hobolu du mu da, ena te ena giba asalio. Tama eno te wiegi yai denami ebo nai dabe sisinagasali. Eno te wiegi yai pusu yai nai hani tuali. Te eno ame pę me wain dali tuali. Dage si abagi wali wiegi yai mu da, dage si nai me ąį tuao, dage si mu pągąną pao.

Amos 6:4

Dage mone hauwa elalubo bidi dabe, te wiegi yai pibo bet sai mude olo pila mubadi, te wiegi yai nai bulmakau me nisai sipsip mi tubao, dage dua dao. Te dwai sogogo dageba gesabidi si unulaibao.