Tigidali Nai Gagalama Nigali Side 36:8 - Godigo dwagi yai po buku

⁸ tama aga te Seir dabego bulu du dabe elalubo tǫba bidigi pali. Idom te Isogo gasa nogi me dao.

Tigidali Nai Gagalama Nigali Side 36:8 Referans Kwoze

Tigidali Nai Gagalama Nigali Side 32:3

Tama Jekopgo bidi meba te polasa te Seir tǫ te Idom hanu tǫ pedaiba te aga ama Iso bidibo digi te po sela pomainogo tagala palai.

Malakai 1:3

Tiali goli eno te Iso dali te aga hani wai dabe dali godolo homu me isąwai, augwa te nogi Idom poali. Tialima eno te Isogo bulu du bage pesage dolama, te eno agai bulu tǫ dage te bulu hasa dabego dwai pesage pedalumainu ilali,” Genuai Bidigo te po wali.

Tuni Bidi Dabego Po Elalubo Buku Si 20:10

Tama Jehosafat agai gedu haluasa po genina ma weyu, e tama po wali, “Genuai Bidi, nago polo sualio, te Amon dabe, me Moap dabe, me Idom dabe, augwali da dali hwįainogo polo asalio. Te hani augwali naga, nago dago wąį dabego augwali dali hwįmainogo nago me sula tagalai menio. Te dago wąį dabe augwali Isip tagalama augwaligo tǫba sabolali sogo, dago wąį dabego augwali dolai menio.

Tuni Bidi Dabego Po Elalubo Buku Deli 4:42

Tama te bidi sese hauwa 500 bidi te Simeongo hani hogodama, te Seir bulu du te Idom pedai badu pali. Te augwa polalubo bidi dabe te Isigo ogwa dabe da. Augwa nogi da e tama da, Pelatia, me Nearia, me Refaia, me Usiel dao.

Josua 24:4

tama eno ogwa si mani, Jekop me Iso, te Aisakbolo mani. Tama eno te bulu du Seir, aga gasa nogi me Idom, te Iso mani, te aga tǫ gagalama bidali. Tiali goli, Jekop me, te aga hani wai dabe dali, augwali te Isipba pali.’”

Bomai Po 2:5

Dagego augwali homu hogodama, te hwįainogo igimio. Magi baso meni. Eno augwaligo tǫ dage dwasianu dagebolo me magobeo. Menio. Eno te bulu du elalubo bulu Idom te Isogo wąį dabebolo naga polobadu mu mawai dao.

Tigidali Nai Gagalama Nigali Side 36:1

Te e da, te Isogo hani wai dabe, te augwaligo Idom nogi me poali.

Tigidali Nai Gagalama Nigali Side 36:9

Te Isogo nosali pedelali hani bage augwaligo aga gasa nogi Idom sali, tama augwali te Seir bulu du dabe elalubo bulude bidaluai. Augwali e tama pedelali po megi obao.

Bomai Po 2:4

Agai te po dagebolo pusao obaso walai dao, ‘Megi da, dage te Idom bulu tomoba paibao,’ po wali. ‘Te da, te duga ama dabego tǫ dao, te Isogo wai hani dabego tǫ dao. Tama augwaligo dagede wi yaibao. Tiali goli, dagego augwali dali dua dao.

Bomai Po 2:22

Agai te sę tiwai te Isogo hani dali elama, te Idom dabego bulu dude bidibo tiwai yalio. Tama Genuai Bidigo Hor dabe silali. Tama tialima, te Idom dabego augwaligo tǫ selama, tama augwali tede bidibao.

Jeremaia 40:11

Te sogo te Juda dabe me badu te tǫ pedai Moap, me Amon, me Idom, me gasa tǫ kantri badu bidaluali. Augwaligo te tiwai po odali, te Babilon kingo te dwasianu hani we bidi te Juda tǫde bidimainogo elama, te kingo Gedalia dąį ilama, augwali tonaluao po wai.

Tigidali Nai Gagalama Nigali Side 25:30

Aga moni nasi ebaso, tama agai Jekopbolo te po wai, “Ena nasigo mu dwalio. Te ulali mama yai naigo ena dwasianu mao, tuaio,” wai. (Tama tibaso, nosali augwaligo aga nogi Idom poali.)

Tigidali Nai Gagalama Nigali Side 32:4

Tama agai augwalibolo te po sela pomainu ola mani, “Ena Jekop dao, ena te nago sę bidi dao. Eno ama Iso, nage da eno genuai bidi dao, te ena Laban dali osogo bidigi pai goli, tama ena bobage sogo tede bidama, tama megi ena ma asainogo ebao.

1 Samuel 14:47

Te Sol Israel dabego king mu pedelali sogo, aga dali, te aga ami bidi dabe dali, te Israel dabego boi bidi te tigidali tǫ pedaide bidalubo bage dali hwįani. Augwaligo te Moap dabe me, Amon dabe me, Idom dabe dali, me te Filistia dali, me te Soba king dabe dali hwįani. Tama te hwįani te augwaligo te boi bidi dabe tigidali aiyaba elaluama, tama te boi bidi dabeba dene mayu yai dao.

Obadia 1:1

God Genuai Bidigo te po te Idom bagebolo wali, tama agai te po Obadiabolo mawai. Genuai Bidigo bidi me deli te tigidali bulu tǫ kantriba tagala palali, tama dago agai po odalio. Agai te po wai, “Dage sisi elama, dago te Idom dali hwįgi pinao,” walio.

Obadia 1:3

Te duga hagoma ebo kolesagago naga, te dage tibo po ola mobao. Te bomai masigi obogo te dagego genuai taun bagua selama, te dage bulu du tomode bidibao. Tialima, dagego te tama po obao, ‘Dego da aiyaba elalueibawe? Mu menio,’ wabo.