Tigidali Nai Gagalama Nigali Side 36:33 - Godigo dwagi yai po buku

³³ Te Bela isibaso, tama te Jobap, te bidi Serago ogwago, te aga te Bela tuni bidi sęde hasegelama, bidali. Bosra te bulu te Jobapgo page bulu dao.

Tigidali Nai Gagalama Nigali Side 36:33 Referans Kwoze

Jeremaia 49:22

Te boi bidi dabe umagia aselama, te Bosra taun dolainogo ebao, te ba kemodage ugwaba bola holama, te tobolu nisiba mage bula selama, aiyaba dulama, te aga bogo diligasa dulu, te hasa bolo elibo tiwai yaibao. Tama te sogo te Idom ami dabe wi elama, homu si yaibao, te we dabego wai ame nainogo tigi dene ebo tiwai yaibao,” wali.

Jeremaia 49:13

Ena Genuai Bidi, te ena nogide digi eno te tiwai mu po obao, eno te dagego polalubo taun Bosra dwagila mu dolaibao, te aga olo bulu pesage tiwai pedelaibao. Te gasa hani we bidi dabego eno te sę te taun Bosraba yali sę po odama, te augwa wi elama, dwai midigi saibao. Te augwa te Bosrabolo te dwai posobo po waibao. Te hanigo te augwa boi bidi dabede dwai posobo po wabo sogo da, augwa te tiwai po waibao, ‘Dage te Bosra taun dolali tiwai gilama yagameo.’ Eno te tǫ kantri Idom taun tigidali dolama, te dolali te tiwai sesemane elaludaibao,” wali.

Maika 2:12

Te Genuai Bidigo po ma weyu, te po wali, “Tialima, nosali eno te dage te sogo me bidibo tigidali Israel we bidi sisinani elalueibao. Te eno dage ma sisiniyu, te sipsip tonalubo bidigo te sipsip dabe te oboba ma sela asobo tiwai gilama yaibao,” wali. “Tama te we bidi hauwa dagego tǫde pągąnalueibao, te sipsip dabe te wiegi yai nosai tubo madi pągąnalubo tiwai yaibao,” wali.

Amos 1:12

Eno te isi aiyaba tula palama, tama te Teman taun, me Bosra taun sigo elalubo bomai be dabe te isigo domainu ulaibao,” te po wai dao.

Aisaia 63:1

Te king bidi tiwai bugagia mu au elama, te taun Bosra te tǫ kantri Idom badu tagalama asobo bidi de dawe? Te aga genuai bomo dali wele sesa asobo bidi de dawe? Te aga gudali ugwa tonani te mama mu yalio. “Te ena, Genuai Bidi tama dao. Eno te we bidi dabe ma sabo bomo elalubao, tama eno te tiwai po obao, te eno doloba pai kolesagade, eno te augwaligo boi bidi dabe aiyaba elaluaibao,” wali.

Aisaia 34:6

Tialima, te Idom dabego kaneme me iligo te Genuai Bidigo bainat hwą halua saibao. Te sipsip me meme dabe te bidi dabego te ofa yainu elama, te ofa yainu ebo bidi dabego nogode kaneme piliga pabo tiwai yaibao. Genuai Bidigo te genuai hani we bidi dabe mu te taun Bosra te Idom bulu tǫ kantride elaibao wali, te aga digi genuai ofa ebo tiwai dao.

Tigidali Nai Gagalama Nigali Side 36:32

Bela te Beorgo ogwago te Idom tonaluali. Te aga king sę eyu bidali hanu nogi da, te Dinhaba.

Tigidali Nai Gagalama Nigali Side 36:34

Tama nosali Jobap isibaso, tama Husamgo te aga hasegelama, tama tuni bidi pedelali. Husam te Teman pedai badu bidi dao.

Jeremaia 48:24

me Keriot, me Bosra dao. Te Moap gasa taun dabe tigidali me dwai dene salio, te pąde elaluali, me digibulu elaluali, te tiwai sę naga pedelalio.