Tigidali Nai Gagalama Nigali Side 36:1 - Godigo dwagi yai po buku

¹ Te e da, te Isogo hani wai dabe, te augwaligo Idom nogi me poali.

Tigidali Nai Gagalama Nigali Side 36:1 Referans Kwoze

Tigidali Nai Gagalama Nigali Side 22:17

Eno te tiwai po obao, te eno nago hani wąį dabe te wai puluba hauwa mu, te dagalude hǫ, me te tamu ąį sanede masigi kemi tiwai hauwa mu pedelaibao. Tama nago wąį hani wai dabe augwaligo te boi bidi dabe augwali aiyaba mu elaluama, tama augwaligo doado bage mu saibao.

Tuni Bidi Dabego Po Elalubo Buku Deli 1:35

Tama Isogo ogwa dabego ogwa nogi dabe e tiwai, Elifas, me Ruel, me Jeus, me Jalam, me Kora dao.

Aisaia 63:1

Te king bidi tiwai bugagia mu au elama, te taun Bosra te tǫ kantri Idom badu tagalama asobo bidi de dawe? Te aga genuai bomo dali wele sesa asobo bidi de dawe? Te aga gudali ugwa tonani te mama mu yalio. “Te ena, Genuai Bidi tama dao. Eno te we bidi dabe ma sabo bomo elalubao, tama eno te tiwai po obao, te eno doloba pai kolesagade, eno te augwaligo boi bidi dabe aiyaba elaluaibao,” wali.

Bomai Po 23:7

Tama te Idom me Isip dabe meba dage dali bidaibao. Tialima, dagego te Idom dabe dali dwai homu me elamo dao. Magi baso meni, augwali te duga deli kaneme dao. Tama me ma, dagego te Isip dabe dali me dwai homu me elamuo, magi baso meni, polobadu dage augwaligo bulude te bulu meni yai bage tiwai tede bidai dao.

Esekiel 25:12

Genuai Bidigo te tama po wali, “Ena God Genuai Bidi, eno po obao, Idom dabego dwai kolesaga mu te Juda dabeba wei ponani, tialima te Idom dabego yali dwai sę te genuai mu igi pai dao.

Tigidali Nai Gagalama Nigali Side 36:8

tama aga te Seir dabego bulu du dabe elalubo tǫba bidigi pali. Idom te Isogo gasa nogi me dao.

1 Samuel 14:47

Te Sol Israel dabego king mu pedelali sogo, aga dali, te aga ami bidi dabe dali, te Israel dabego boi bidi te tigidali tǫ pedaide bidalubo bage dali hwįani. Augwaligo te Moap dabe me, Amon dabe me, Idom dabe dali, me te Filistia dali, me te Soba king dabe dali hwįani. Tama te hwįani te augwaligo te boi bidi dabe tigidali aiyaba elaluama, tama te boi bidi dabeba dene mayu yai dao.