Tigidali Nai Gagalama Nigali Side 35:4 - Godigo dwagi yai po buku

⁴ Tialima, augwaligo te augwa tibo god dabe tigidali te Jekopbolo mawai. Tama te odode walali ring dabe me te augwaligo agabolo mani. Tama Jekopgo te nai dabe tigidali te Sekem pąde te genuai ni page dologode pubulali.

Tigidali Nai Gagalama Nigali Side 35:4 Referans Kwoze

Te Israel Tobolu Bidi Dabe 9:6

Tialima, te Sekem me Betmilo we bidi tigidali augwali sisinama, tama augwali te Sekemde te wiegi yai genuai ni mu elalubo teba pelama, tama augwaligo te Abimelek te augwa tuni bidi king pedalumainu ilalio.

Aisaia 30:22

Tama da, dagego duga tibo godigo piksa dabe saibao. Te da te bidi dabego nigilama, silva dali, gol dali sigo haluai piksa. Tama dagego te piksa dabe te dwai damua pai nai tonobo tiwai tonama, e tama po waibao, “Gedao. Dago nage subo hagela ebo.”

Bomai Po 7:25

Dagego augwaligo tibo god dabe sese tama isi ula silao. Tama me dagego augwaligo te augwa te tibo god au ilali gol me silva, te nai dabe godolo me elamuo. Dagego te nai dabe me selamuo. Magi baso menio, Genuai Bidigo te tibo god dabede dwai homu mu ebo dao. Tiyu, dagego sai madi dagego Genuai Bidiba lotu po wabo kolesaga tagalamu dao.

Ma Dobola Sali 32:20

Tama Mosesgo augwaligo te nigali bulmakau selama, tama siaba ulai. Tama te gol ąį tiwai pedelama, tama nosali kedau elama, dila saide, agai te hamago haluama, te olo pauda tiwai pedelai. Tama agai te pauda gol te pabo ąįba sąwai. Tama sąsą bila silama, tama Mosesgo te tiwai ilama, te Israel dabe augwaligo te ąį tumainogo yalio.

Hosea 2:13

“Agai ena hauwa sogo homu kone gegeda palali, tama te tibo god Balba te wiegi yai denami ebo ofa iligi palio, tama agai te wiegi yai au dobage munama, te aga godolo ebo bidi wali bilali. Tama tibaso, eno te dwai dene agaba mawaibao. Ena Genuai Bidi, eno te tama po wai dao,” wali.

Aisaia 2:20

Tama te sogo te we bidi dabego te tibo god dabe augwa lotu wabo god dabe saibao, te augwaligo silva de gol sigo nigali nai dabe. Tama augwaligo te bologo buluba me bogwą bidibo buluba dabe tama sąwaibao.

Bomai Po 7:5

Dage te bidi hani dali abagi igimio. Menio. Dagego augwaligo alta togoyu, me augwaligo tibo god noma elalubo masigi pos ni toga sąyu, me te tibo god we nogi Aserago noma elalubo ni pos toga sąyu elama, me augwaligo tibo god piksa sia uluyu yao.

Tigidali Nai Gagalama Nigali Side 12:6

tama Abram te tǫ tomodu ma pelama, tama aga te gasa pesage te hanu nogi Sekem teba saboligi pai. Tama te bulude te gasa moni ni mu deli nogi More te elaluali. Tama te sogo te Kenan hani bidi dabe te bulude bidibadi dao, tama augwaligo augwa tibo god dabebolo te moni ni pagede te augwa lotu po weyu, bidaluali.

Tigidali Nai Gagalama Nigali Side 35:3

“Te dago te bulu taga peyu, te da Betel teba holoyu, tama paibao. Tama eno te Godibolo te alta me deli nigaibao. Agai ena te sęgę elalubo sogo tau sali, tama ena menaba pali, teba aga ena dali bidali,” wali.

Tigidali Nai Gagalama Nigali Side 35:5

Jekop dali aga ogomani augwali pepela wali. Tama Godigo te Sekem hanu pąde bidalubo we bidi augwaliba te genuai wi pedalumainu ilama, tama augwaligo te Jekop dali me boi hwįabo homu eyu, pobeasa pabeo.