Tigidali Nai Gagalama Nigali Side 35:1 - Godigo dwagi yai po buku

¹ Tama nosali Godigo Jekopbolo te po wai, “Nage hogodama, tama nage te Betelba pelama, tama nage teba osogo bidigi pao,” wali. “Tama nago te Godibolo ofa yabo te alta sai me deli nigao, te God nageba pedelali, te naga ama Iso dali wi ebaso soali sogo, te God nageba pedelai,” wali.

Tigidali Nai Gagalama Nigali Side 35:1 Referans Kwoze

Tigidali Nai Gagalama Nigali Side 31:13

Te God nageba te Betel buluba pedelali, te ena tama dao. Te Betel bulude nago te homu hodolubo masigi me deli dodolali, tama te wel ugwadu daiba gelali. Tama nago bomo yai dąų wali po me deli ena dali dąų walai. Tialima, megi da, te nago doado bage sisi ilao, tama nago te bulu taga peyu, tama naga page buluba ma pagameo,’ agai enabolo te po wali,” Jekopgo aga we sibolo te po wai.

Hosea 12:4

Te hwįani side, agai te Godigo ensel mobo bidi dali pagelama, tǫba pinayu hwįai, te aga usu si igulama, ugwaba ela holali. Tama Jekopgo gela hauwa weyu, te Godiba hanalu, te aga olo tau sabo wiegi yai homu kolesaga yao po wali. Tama gasa sogo Jekopba te Betelde God pedelama, tama aga dali po miai dao.

Godigo Nogi Ugwaba Sabo Tęąbi Po Wabo Buku Dabe 91:15

Te augwaligo enaba gedu haluasa po wabo sogo, te eno augwaligo wabo po odaibao. Tama te sęgę augwaliba pedalubaso da, te ena augwali dali bidaibao. Tama eno augwali ma selama, tama augwaliba te genuai nogi mawaibao.

Bomai Po 32:36

“Tama Genuai Bidigo aga hani we bidigo bomo sia selama, deli deli bidi naga bidibo subaso da, teda agai augwali te deli deli bidi dabe hobede elama, tama augwali agai sę ebo bage augwali ma oda saibao.

Tigidali Nai Gagalama Nigali Side 35:7

Tama agai te alta sai me deli nigilama, tama te bulu nogi poali, te Betel God da wali, magi baso meni, God aga digi aga te Jekopbolo waselai, te aga amade wi elama soali, te sogo aga ola mani.

Tigidali Nai Gagalama Nigali Side 31:3

Tama nosali Yawego Jekopbolo te po wai, “Nage te naga ayago buluba, me te naga haniba ma pao,” wali. “Tama ena nage dali bidaibao,” wai.

Godigo Nogi Ugwaba Sabo Tęąbi Po Wabo Buku Dabe 47:4

Godigo digi te tǫ me deli dąį ilama, tama dabolo mawai dao. Da te Jekopgo hani da, Godigo da godolo mu eyu, tama dago te dena tǫde wiegi yai pemene ebo dao.

Ma Dobola Sali 2:15

Tama nosali Isip tuni bidigo Mosesgo te sę yali po odolama, tama agai Moses elainogo yai, tama tibaso Moses aga wi digibulu pelama, te Midian buluba bidigi pai. Aga te tǫba sabolama, tama aga te ąį tubo digi te sesegede dulaluai.

Tigidali Nai Gagalama Nigali Side 22:14

Tialima, Abrahamgo te bulu nogi poali “Yawego mawaibao.” Tama bidi dabego megi tama me te po wabo, “Yawego aga bulu dude te sǫą pabo nai mawaibao.”

Tigidali Nai Gagalama Nigali Side 16:8

Tama Mobo Bidi Enselgo agabolo tama tiwai po wali, “Hagar, te Saraigo sę ebo we, nage menadu aselama, tama nage menaba painogo ebawe?” Tama Hagargo po wei ponoyu, te po wali, “Sarai aga da, te ena tonalubo we dao, tama eno te Sarai taga soyu, ena wi sobao,” wali.

Tigidali Nai Gagalama Nigali Side 12:8

Nosali Abramgo te More bulu tagalama, ma pelama, tama dolo nogo pedai badu, te saut wabo, te badu peyu, tama te bulu du elalubo buluba sabolali. Te bulu du dabe elalubo badu te sia ge pedalubo pedai badu, te Betel hanu pąde elalubo madi, te badu bidigi pai. Tama agai te pesage me deli te Betel de Ai hanu si tomode aga ugwa be dabe dodolama, muani. Te hanu Ai te giliga dulubo badu elaluali, te Betel hanu te giliga pedalubo pedai badu elaluali. Tama Abramgo alta sai te bulude me nigilama, te Yawe nogi weyu, agabolo lotu po wai dao.

Nahum 1:15

Suao. Bidi me deli te bulu du sunumi dabedu asiyu, te wiegi yai po selasa asobao. Aga asobo te hwįani silali po pusagasu asobao. Tialima te Juda we bidi dabe, dage te genuai side sisinama, te Godiba lotu weyu, tama agabolo dagego te mawaiba po dąų wali nai maiąo. Tama te bidi dwai dabego te dagego tǫ somainu ma egobeo. Godigo augwali dolai dao.

Godigo Nogi Ugwaba Sabo Tęąbi Po Wabo Buku Dabe 46:1

God aga te da seselalubo bidi da, tama agai sesemane sogo da bomo mabo dao. Aga te pąde bidiyu, te dago genuai sęgę sabo sogo tau sainu sisi elalubo dao.

Tigidali Nai Gagalama Nigali Side 34:31

Tiali goli, augwali sigo te po wai, “Dago te bidi me deligo dago abe te penani we nogi sidali weyu, te dago me gogologobeo,” wali.

1 Samuel 10:3

“Tialima, nago te bidi augwali si tagalama pobadi, tama te habu selali ni te Tabor buluba sabolama, tama nago tede bidi sela te gesabidi sueibao. Augwali te Godiba ofa ilainu, te Betel buluba pabo sueibao. Te bidi sela te bidi me deligo te gesi ogwa bidi meme sela te sela asobo, te gasa bidi mego te bret sela sesali, tama sela wali bidigo te meme tigi walide augwaligo te wain wę tabiali, te abilasa asobo sueibao.

Tigidali Nai Gagalama Nigali Side 29:1

Tialima, Jekop te sunumidu palio. Aga pelama, pelama, tama nosali te giliga pedalubo badu bidali bidi hani dabe bidalubo pedai badu sabolai.

Tigidali Nai Gagalama Nigali Side 35:15

Tama tiyu, te bulu agai te nogi Betel ma poali.