Tigidali Nai Gagalama Nigali Side 34:27 - Godigo dwagi yai po buku

²⁷ Tama te Jekopgo gasa ogwa dabe augwali asama, tama te ela muani bidi dabe tede suali. Tama augwaligo te hanude wiegi yai nai tigidali selama, tama pali, magi baso meni, Sekemgo te hanude te kolesaga Dainade yali, te Israelgo gedude te wiegi yai me ebeo, dwai mu dao.

Tigidali Nai Gagalama Nigali Side 34:27 Referans Kwoze

2 Timoti 6:10

Magi baso meni, te mone godolo homu ebo kolesaga te tigidali haniani dwai kolesaga page mu elalubao. Te bidi meba augwaligo te bomo elama te mone godolo ebaso, tama te kolesagago augwali kegelama tama augwaligo te Kraisde konealubo po tagalai digi, tama augwa yali dwai sę hauwago te augwali homude enani tama genuai dene mu tolali.

Esta 9:16

Te gasa provins dabede bidalubo te Juda dabe, augwali me te bugagia bidainu te hwįbo sę bomo yai. Augwaligo te boi bidi dabe dali umabo sę mu elama, te bidi sese hauwa umabo 75,000 bidi mu ela muani, te augwali godolo isąwani bidi dabe dao. Tiali goli, augwaligo doado bage te augwaligo me sai menio.

Josua 7:21

Te dago hwįyu, te Jeriko dabego nai dabe sali sogo, eno te nai dabe tomode te Babilon dabego sawi yai bobobage gudubo ugwa me deli suali, tama te silva sęgę me badu te 2 kilo usu badi, te gol me badu te sęgę deli usu elalubo eno suai. Eno te nai dabe pesa mu ebaso, tama augwali eno sai. Nago te eno ugwa be tomode munalubo gegelama, suagameo. Eno tigidali te tǫba pubulama, tama silva te dologode mu munalubao,” te bidi Akango te po wai.

Josua 7:13

“Tialima, hodaluao! Nage pelama, te we bidi dwagi yai ilama, tama augwali ena gesabidiba do asomainu sisi wiegi yai iligi pao. Magi baso meni, ena dagego God te eno po te elalubao, ‘Dage Israel dabe, dagego eno dagebolo te habu selali nai dabe meba salio. Dagego te nai dabe sela sąsiąbaso da, teda dagego te boi bidi dabe aiyaba me elalugobeo.

Josua 7:1

Hasia sogo Genuai Bidigo te po wai, te Israel dabego te dolabo nai dabego te nai me deli munu me selamuo po wai. Tiali goli, te Israel dabego te po sela sąwai, tama bidi me deli aga nogi Akan, te bidigo te nai meba sai. Tama tibaso, Genuai Bidigo sębę mu te Israel dabe dali eyu bidai. Akan te Karmigo ogwa, Karmi te Sapdigo ogwa, Sapdi te Serago ogwa, te Juda hani dabe dao.

Ma Dobola Sali 2:14

Tama te bidigo Mosesgo po wei ponoyu, te po wai, “Nage te tobolu bidi, tama dago po dodolobo bidi menio. Tama nago ena elainogo, te nago Isip bidi me ela muani tiwai yainogo obawe?” Tama Mosesgo te bidigo te po wabo odolama, aga wi yai. Tama agai te homu yai, ‘Eno te Isip bidi me elali, te we bidi augwaligo polo koneai,’ te homu yai.

Tigidali Nai Gagalama Nigali Side 34:31

Tiali goli, augwali sigo te po wai, “Dago te bidi me deligo dago abe te penani we nogi sidali weyu, te dago me gogologobeo,” wali.

Tigidali Nai Gagalama Nigali Side 34:2

Hamor, aga te Hivi hani bidi me deli, aga tede tobolu bidi nigilama bidai. Agai ogwa, te Sekem, agai te Daina sulama, tama agai aga nogo tulama, tama aga dali dwai sę yali.

Tigidali Nai Gagalama Nigali Side 34:26

Augwali sigo te Hamor dali, aga ogwa dali si ela mubadi elama, tama augwa si abe Daina te Sekemgo bede oda selama, tama augwali pali.

Tigidali Nai Gagalama Nigali Side 34:28

Augwaligo te sipsip hani me, te bulmakau hani me, te donki hani sobadi yali, tama augwaligo te hanude me te gide elaluai nai dabe tigidali mu sela silai.

Esekiel 39:10

tama te kibu be a naga olama, me badu nogo si te kibu bede augwaligo buside o kala sili bulude isi gegebo sę meni yaibao. Menio. Te augwaligo te hwįbo nai dabe naga augwaligo isi ulubo sę eyu yaibao. Tama te kolesagago da, te Israel dabe augwaligo augwa boi bidi dabe augwaligo dwai kolesaga wei ponaibao. Te boi bidi dabego Israel dabe doado bage dabe wi sai, tama megi da, te Israel dabego te boi bidi dabego nai dabe saibao. Te da, God Genuai Bidi eno po dao,’ nago te po te bidi Gokbolo pusao,” wali.

Amos 3:11

Tama tibaso, te boi bidi hani me deli asama, te Samaria bagego tǫ kantri tomode bilama, tama te taun bomai obo dabe dolama, tama augwaligo te genuai bomai be dabe aluama, tama tomode elalubo nai doado bage tigidali saibao,” po wai dao.