Tigidali Nai Gagalama Nigali Side 34:24 - Godigo dwagi yai po buku

²⁴ Te tigidali hanude bidaluali we bidi augwaligo te Hamor de Sekem sigo po usu da olama, tama augwaligo te tigidali bidi dabego tigiwali togwa silai.

Tigidali Nai Gagalama Nigali Side 34:24 Referans Kwoze

Tigidali Nai Gagalama Nigali Side 23:10

Efron aga me te Hit bidi dabe bidalubo tomode te hanu sunumi elalubo pąde te po mibo pesagede augwali dali bididuai. Te Hit bidi dabe tigidali bidalubadi, tama augwaligo odali, te Efrongo Abraham dali te tiwai po wei ponani,

1 Korin 7:19

Te tigiwali togobo kolesaga, te Godigo gedude te olo nai tiwai dao. Tama te tigiwali togosiąbo kolesaga me te aga gedude te olo nai tiwai dao. Tiali goli te Godigo bomai po wali pabo kolesaga, te mu nai dao, te sęgę dao, tede magigo meni wagimio.

Matyu 7:6

“Te dagego te wiegi yai tedali nai te yowi dabebolo magimio. Tama dagego duga wiegi wiegi yai au yabo bis tiwai nai dabe te kibu dabeba sągimio. Tiyu augwaligo te nai dabe sągągo agalama, tama augwali ma begeleyu, tama dage ma tuidali weyu tama egimio,” Jisasgo te po wai.

Tigidali Nai Gagalama Nigali Side 23:18

Te Hit bidi dabe tigidali te po mibo madi bidali bidi dabego koneani, te tǫ megi da te Abrahamgo tǫ mu da walio.

Tigidali Nai Gagalama Nigali Side 17:23

Tialima, te sogo digi polo tama Abrahamgo Godigo po wali pelama, tama agai hanide tigidali bidi te gasa tigiwali togwali. Agai aga ogwa Ismael tigiwali togobadi, tama aga sę ebo bidi dabego tigiwali me togwai. Te sę ebo bidi meba augwa idago te Abrahamgo bede ame nani, tama meba agai te gasa bulude abelai bidi te augwali tigiwali togwai dao.

Tigidali Nai Gagalama Nigali Side 34:23

Tama te sipsip meme dabe me, te walu dabe, tama augwaligo bulmakau dabe me, te augwali dago nai pedelaibao. Tiali goli, dago te sę me deli inao, te augwali da dali usu da olama bidaibao,” te Hamor de Sekem sigo te po wai.