Tigidali Nai Gagalama Nigali Side 34:2 - Godigo dwagi yai po buku

² Hamor, aga te Hivi hani bidi me deli, aga tede tobolu bidi nigilama bidai. Agai ogwa, te Sekem, agai te Daina sulama, tama agai aga nogo tulama, tama aga dali dwai sę yali.

Tigidali Nai Gagalama Nigali Side 34:2 Referans Kwoze

Jopgo Po Asęani Elalubo Buku 31:9

Ma, eno ena abagigo we tonama, pęsa eyu yai tigi sogo da, tama ena agai be pąba pelama, agai be pąde dualaluama, eno abagi gasaba pabosi, teda ena agai we dali pagela pigi bigi sogo da,

Matyu 5:28

Tiali goli megi eno po dagebolo obao: Te bidi me deligo agai te we me deli olo naga agai homude godolo ebo homu eyu, tama te we dali penani sę yabo homu eyu tonono eyu da, te bidi agai homude te bomo yai po bolama, tama agai homude te penani sę ebo tiwai yali dao.

Bugagia Bidibo Kolesagade Po Asęai Buku 13:20

Te bidi te wiegi yai homu kolesaga elalubo bidi dali bilali da, teda agai me te wiegi yai homu kolesaga saibao. Tiali goli, te bidi te wiegi yai homu meni ebo bidi dabe dali kisasa bilibaso da, teda te sęgęgo aga gegaibao.

Jopgo Po Asęani Elalubo Buku 31:1

Te bidi Jop agai po ma wadoliyu, e tama wali, “Eno bomo yai po dąų mu olama, e tama wai dao. ‘Eno we sibi gedu me elama, penani ebo homu me egobeo,’ po wai dao.

Te Israel Tobolu Bidi Dabe 14:1

Samson te Timna buluba dulama, tama te bulude agai te Filistia dabego gesi wegi ogwa we me deli suali.

2 Samuel 11:2

Me sogo deli be pio ebode Devit godege pilama, tama pio mu ebadi, aga te betde pila muani tagalama, hogodaluali. Te aga be te pedu daide te toma nabo pesage elaluai. Tama tialima, aga teba ugwaba holama, tama tede toma neyu bilali. Aga te aba tonono bilibadi, tama agai te we me deli gasa bede wę paudubo suali. Tama te we te gasa sawi yai we muo.

Bomai Po 22:29

teda te bidigo te wegi aga ayabolo te mone 500 kina te we aga ayabolo menama, tama agai te we somainao. Magi baso meni. Te bidigo te wegi kegelama, aga dali te piali dao. Tama tialima, te we te bidigo we bidama, te bidi isibaso tama usu nao. Tama te bidigo te we me sela sąnamo dao. Mu menio.”

Bomai Po 22:24

teda dagego augwali si te hanu bulu badu odasa pelama, masigigo elama, isilao, te augwali si isimainao. Te we aga te hanu pąde te gela wabo odabo pąde goli, tama agai augwaligo aga tau somainogo hae wasiąama ebaso da, teda aga isimainao. Te bidi me isimainao. Magi baso meni, agai te aga abagi mebolo odolai we penani yai baso. Te tama tiyu da, dagego te dage Israel tomode elaluali dwai kolesaga ebo sela sąwaibao,” wali.

Bomai Po 21:14

Tama tialima, nosali da, nago aga godolo ma isąma ebaso da, teda nago aga olo ma taga palao. Magi baso meni, nago aga bomo elama, kegelama, tama dage si te pagela piali dao. Tilama, nago te olo sę we dao homu elama, tama gasa bidi mego abelemainao homu me elamo dao. Mu menio,” Mosesgo te po wai.

Tigidali Nai Gagalama Nigali Side 33:19

Tama agai te tǫ te Hamor hani bage dali mu abelali, te Hamor Sekem aga aya da. Te tǫ abelali mone te 100 silva masigi tamago abelai.

Tigidali Nai Gagalama Nigali Side 20:2

Tama te we bidi augwalibolo te tiwai po wai, “Sara te eno abe dao.” Tama Abimelek, te Gerar hanu tonalubo genuai bidi, agai te sę bidi meba tagala palama, tama augwaligo Sara agaba odasa asai.

Tigidali Nai Gagalama Nigali Side 10:17

Hivi, Arka, Sini,

Tigidali Nai Gagalama Nigali Side 6:2

Tama te Godigo ogwa dabego te wegi mani dabe sulama, te gasa sawi yai mu yai. Tama augwali deli deligo augwa homugo digi te we dabe anoma eyu, tama augwali selama, bidali.

Tigidali Nai Gagalama Nigali Side 34:3

Tiali goli, Sekemgo te Jekopgo wegi Daina te wei mu ebaso, tama agai te aga homu wiegi yai ilibo po dua digi wai.

Tigidali Nai Gagalama Nigali Side 34:30

Jekopgo Simeon de Livai augwali sibolo te po wai, “Dage sigo ena te dwai ilalio. Te tigidali we bidi tede bidalubo, augwali te Kenan hani me Peres hani, augwaligo te ena godolo ma egobeo. Eno bidi dabe te hauwa me elalube, tama te bidi dabe augwa hasi te deliba sisiniyu da, teda augwaligo ena dali, te eno we wai dabe dali tigidali ela silaibao,” te po wai.

Te Israel Tobolu Bidi Dabe 9:28

Tama Galgo te po wali, “Da Sekem dabe da maguai bidi dabe te dago Abimelek wali pobawe? Abimelek te de dawe? Polobadu Jerubal dali, te aga ofisa bidi Sebul dali, te Hamor te Sekemgo aya dologode bidali. Tialima, magi baso dago te Abimelek dologode bidibawe?

Tigidali Nai Gagalama Nigali Side 34:27

Tama te Jekopgo gasa ogwa dabe augwali asama, tama te ela muani bidi dabe tede suali. Tama augwaligo te hanude wiegi yai nai tigidali selama, tama pali, magi baso meni, Sekemgo te hanude te kolesaga Dainade yali, te Israelgo gedude te wiegi yai me ebeo, dwai mu dao.

Josua 9:7

Tiali goli, te Israel dabego te Gibeondu asali Hivi dabebolo te po wai, “Magi baso dago te po me deli dage dali bomai po dąų omainogowe? Te dage pąde naga bidibo homu ebao,” wali.

2 Samuel 11:4

Tama Devitgo te bidi meba ma tagala palama, te we Batseba odasa asomainu yali. Te sogo te Batseba aga te poluago elali gasi te silibaso, tama aga te wiegi yai ma pedalubo kolesaga wali pai. Tialima aga te Devitba aselama, tama Devitgo te we aga dali pagela piai. Tama nosali Batseba te aga beba ma pai.

2 Samuel 13:14

Tiali goli, Amnongo te Tamargo wali po me odobeo. Amnongo bomo mu eyu, te Tamar aga kekelama, tama te dwai sę agade yalio.