Tigidali Nai Gagalama Nigali Side 33:8 - Godigo dwagi yai po buku

⁸ Tama Isogo te po wai, “Eno te gasa hani polasa sobadi sisinama suai. Te magi basowe?” Tama Jekopgo te po wali, “O genuai bidio, te nago homu wiegi yai ena dali emainu yai dao!”

Tigidali Nai Gagalama Nigali Side 33:8 Referans Kwoze

Tigidali Nai Gagalama Nigali Side 32:5

Eno hani sibi te hauwa elalubo, te kibu bulmakau, me donki, me sipsip, me meme, me sę bidi dabe, me sę ebo we dabe, te elalubao. Tama eno te po nageba ola tolobao, eno genuai bidi, tama eno homugo nago wiegi yai homu ena dali emainogo ebao, tama nago ena ma asomainu usu da po omainogo obao,” agai te po ola tolali.

Esta 2:17

Tama king bidigo aga godolo mu yali. Tuni bidigo te gasa we dabe godolo ebo usu tiwai gilama te Esta godolo ebeo. Agai homugo Estago augwali aiyaba elaluali homu elama, tama gasa sawi yai we mu dao. Te king bidigo Esta sulama, tama agade mu tulaluai. Tama tibaso, te king bidigo te tuni wego au yai madi te aga toboluba muani. Tama Estago te tuni we Vasti hasegelama, tama aga te gavman tuni we kwin pedelai.

Tigidali Nai Gagalama Nigali Side 39:5

Tama te sogo Yawego te Isip bidi Potifargo hani dabe dali dwagi yai sę ebo gagalali, magi baso meni, te Josep augwali dali bidali. Yawego te tigidali doado bage, me tigidali we bidi te Potifargo bede bidalubo, me te tigidali gide elalubo nai dabe, te hauwa mu pedalumainu te dwagi yai tau sabo sę yali.

Tigidali Nai Gagalama Nigali Side 33:7

Tama Lea me aga wai dabe dali, augwaligo me te tǫba kidu sugunagasali. Tama simaniyu mu, Josep dali Resel si aselama, tama te tǫba kidu sugunagasai.

Tigidali Nai Gagalama Nigali Side 32:6

Nosali te po sela pali bidi dabe augwali ma begasa asiyu, Jekopbolo te po wagasali, “Da te nago ama Iso bidibo digi sabolalio, tama agai nage te sunumi tiąba asainu sisi iduali. Aga dali asabo bidi dabe te hauwa, 400 bidi elaluali,” wali.