Tigidali Nai Gagalama Nigali Side 33:2 - Godigo dwagi yai po buku

² Agai te sę ebo we si augwa wai dabe dali augwali te podolali. Tama Lea aga ogomani dali augwali wali pomainu ilali. Tama agai te Resel te Josep dali nosali mu ilama, pali.

Tigidali Nai Gagalama Nigali Side 33:2 Referans Kwoze

Malakai 3:17

Tialima, te Tigidali Bomo Elalubo Genuai Bidigo te po wali, “Te hani dabe te ena hani naga bidaibao. Te genuai side bodolu eno muani, te hani dabe te eno we bidi mu bidaibao, te eno godolo ebo hani mu dao. Tama homu dene eyu, eno augwaliba te olo tau sabo wiegi yai kolesaga eyu, te aya me deligo te wai dabego ayago sę ebaso, te olo tau mabo wiegi yai kolesaga ebo tiwai yaibao.

Tigidali Nai Gagalama Nigali Side 37:3

Israelgo te Josepde wiegi yai homu pemene mu ebo tiwai te aga gasa ogomani dali wiegi yai homu ebo tiwai me ebeo, magi baso meni, idago te Israel monu dabe ebo sogo Josep ame nani. Tama agai te wiegi yai au yai ugwa nigilama, tama agai te Josepbolo mawai.

Tigidali Nai Gagalama Nigali Side 29:30

Tialima, Jekop te Resel dali pagelama piali. Tama agai te Resel godolo mu eyu, tiali goli agai te Lea godolo te kuna me ebeo. Tama Jekop te kibu be a naga me si te Labande sę ma iduai.

Tigidali Nai Gagalama Nigali Side 33:1

Te Jekop aga hani dali tama pobadi, tama agai digibulu gana tonoyu, tama Iso te aga hani bidi dabe te 400 dali asobo suali. Tama aga hani tigidali wai dabe bugulama, tama te Leaba, me Reselba, me te sę ebo we sibolo te dobaba pali.

Tigidali Nai Gagalama Nigali Side 33:3

Jekop digi aga hani asobadi, te aga polasa pali. Tama agai kidu tǫba susugunu pidubadi geani, te nogo a naga olama, me badu si sogo te usu nigi peyu, te aga ama pageba pedelali.

Jeremaia 50:12

Tialima, dage Babilongo tǫ kantri te hale dwai mu elama, te aga genuai nogi elaluali mu tulalueibao. Te aga tǫ kantri dwai mu elalu, te gasa hani we bidi tigidali tomode nogi elalugobeo. Te tǫ wa pai bulu pesage te olo bulu pesage elalueibao.

Tigidali Nai Gagalama Nigali Side 29:16

Labango wegi si bidali, te gomunai wegi Lea, te tomo wegi Resel.