Tigidali Nai Gagalama Nigali Side 33:15 - Godigo dwagi yai po buku

¹⁵ Tama Isogo te po wai, “Te eno hani bage meba nagebolo mawaibao,” wali. “Augwali te nage dali bidiyu, tama dage odasa asomainu yaibao.” Tiali goli, Jekopgo te po wei ponai, “Genuai bidi, eno homugo te nago wiegi yai homu ena dali emainao. Tiali goli, nago bidi dabe ede bidao homu, te tagalao, te eno sę ebo augwali te usu yaibao.”

Tigidali Nai Gagalama Nigali Side 33:15 Referans Kwoze

Rutgo Po Elalubo Buku 2:13

Tama Rutgo po wei ponoyu, Boas dali te po wai, “Nago wiegi yai kolesaga mu enabolo ilibao! Ena te nago sę ebo we dabe tiwai wiegi yai meni, tiali goli, nago po dua digi mu enabolo wabo, tama tebo pogo ena homu dąų walobao,” wali.

Tigidali Nai Gagalama Nigali Side 47:25

Tama augwaligo te po wai, “Genuai bidi, nago da tau mu saligo, tama da me deli te gų pageba me mubeo. Tialima, megi da, nago homugo usu eyu da, da tigidali te Ferogo sę olo mu ebo bidi dabe pedelaibao,” wali.

Tigidali Nai Gagalama Nigali Side 34:11

Tialima, Sekemgo te Daina aga ayabolo me aga abe dabebolo te po wai, “Te dagego enabolo usu obaso da, teda eno dagebolo te mena nai dagego sainu homugo wei ebo nai, te dagebolo eno mawaibao.

2 Samuel 16:4

King Devitgo te tama po odolama, tama aga te Sibabolo te tama po wai, “Mu da, agawe? Tialima, megi eno te Mefibosetgo doado bage tigidali te nageba mawaibao,” wali. Tialima, Sibago Devitba te tama po wali, “Ei, king, ena te nago olo sę ebo bidi tiwai me deli dao. Tama eno homugo te eno ebo sę tigidaligo te nago homu wiegi yai pemene ilaibao,” wali.

1 Samuel 25:8

Te nago augwaliba hanalu da, teda augwaligo te tobage deli po tiwai nageba waibao. Megi nago te genuai nai daa tubo po obaso, te Devitgo da nageba tagala palali. Tama tiyu, agai homugo te nago daba olo tau mabo wiegi yai kolesaga emainu homu yai. Da te nago sę bidi tiwai, tama nage te Devitgo aya tiwai dao. Tama tiyu, nago nai meba elalubaso da, te nago dabolo maiabo homu yao,’ te po wao,” Devitgo te po wali.

Tigidali Nai Gagalama Nigali Side 33:16

Tama te po obaso, te sogo bubugade digi Iso te Seirba ma painu soai.

1 Samuel 1:18

Tama Hanago Elibolo te tiwai po wali, “Genuai bidio, eno homugo nago dwagi yai haliga sesemane sogo enabolo yao.” Tialima, agai po ola silama, tama palio. Tama aga nai tulama, tama nosali aga homu sęgę ma ebeo.

Tigidali Nai Gagalama Nigali Side 32:6

Nosali te po sela pali bidi dabe augwali ma begasa asiyu, Jekopbolo te po wagasali, “Da te nago ama Iso bidibo digi sabolalio, tama agai nage te sunumi tiąba asainu sisi iduali. Aga dali asabo bidi dabe te hauwa, 400 bidi elaluali,” wali.