Tigidali Nai Gagalama Nigali Side 33:11 - Godigo dwagi yai po buku

¹¹ Megi eno homugo nago te eno nage mabo te nai nago sao, Godigo dwagi yai kolesaga ena dali elama, tama agai tigidali nai ena menama, tama ena usu mu yai,” wali. Agai Isogo te nai somainogo bomo mu ebaso, tama Isogo te nai sai.

Tigidali Nai Gagalama Nigali Side 33:11 Referans Kwoze

Filipai 4:18

Dagego mani tigidali nai usu elama eno selama, ena sǫą pabo meni. Te dagego dwagi yai nai dabe te bidi Epafroditus nogoba munama, tama agai tolasa asai, te eno sai, tama megi ena pągąna pabo. Te dagego tolali nai dabe augwali da te Godibolo olo maiabo denami ebo ofa nai tiwai dao, te agai gedude te usu dao, tama agai homu dwagi yai ilibo nai dao.

1 Samuel 25:27

Tama tialima, genuai bidi, eno homugo te eno nageba wiegi yai homu ilimainu te sesali nai te nago somainu homu ebao, tama naga hani bidi dabeba mao,” wali.

Te Israel me Juda Hani Sigo Tuni Bidigo Po Elalubo Buku Si 5:23

Te po obaso Namango te po wei ponoyu, e tama po wali, “Deli silva beg naga sigio, me silva beg me sao,” wali. Tama agai te Gehasigo sao olama, bomo yali, tama Gehasi agai te po usu dao wali. Tama tialima, Namango te beg side silva muani silva te 60,000 kina mone usu te beg side bulali. Tama me te agai te dwagi yai holobo ugwa si me sela mani, tama agai te nai dabe selama, tama aga te sę ebo bidi sibolo mani, tama agai augwali sibolo te dodobage tolao po wali, tama dage si polasa pao wali, Gehasi aga Elisago beba polasa pali.

Tigidali Nai Gagalama Nigali Side 33:9

Tiali goli, Isogo te po wai, “Eno ama, ena doado bage usu yai elalubo. Nago naga nai dabe ma sao,” wai.

Tigidali Nai Gagalama Nigali Side 30:43

Tama tibaso, Jekopgo doado bage geninama, umabo mu elaluali. Agai te sipsip me meme hani genuai mu elaluali, tama sę ebo bidi me sę ebo we hauwa bidai, tama te kibu kamel dabe me donki dabe hauwa bidaluali.

2 Timoti 4:8

Nago koneani, te dago tigigo sę ebogo te tigibolo bomo mobaso, tebogo da tau sabo dwasianu usu ebo dao. Tiali goli Godigo kolesaga wali pabogo te da tau sabo te hauwa mu ebo dao. Te sę ebogo da megi te bugagia bidibo ula mabo dao, te nosali bidabo ula tau sabo me te usu yaibao.

2 Korin 6:10

Da Godigo sę ebo bidi dabe, da te homu sęgę mu hauwa sogo ebo dao, tiali goli te magigo meni, sesemane sogo dago homu pemene wiegi yai ebo dao. Da te magi nai meni yai bidi tiwai bidibo dao, tiali goli tagala, dago te mu wiegi yai nai hauwa we bidi hauwabolo mabo dao. Da te bidigo gedude te magi nai deli me meni yai tiwai ebo dao, tiali goli te meni, dago tigidali nai mu elalubo dao. Tama tebogo te tigidali we bidibolo hania ola mabo dao, da te Godigo sę ebo bidi dabe mu dao.

1 Korin 3:21

Tama tibaso, te dage tomode te bidi me deligo te da Godigo po pusubo bidigo nogi ugwaba sabuo. Suao, te tigidali nai duga nai dao.

Dwagi Yai Gesi Po Lukgo Asęani 14:23

Te po odama, te genuai bidigo te po wali, ‘Moni taun taga pelama, te moni pabo tųde bidibo we bidi me, te dwasianu pabo tųde bidibo we bidi me gegegi pelama, eno beba asiąo po bomo elama wao, eno be pągąmainu, eno sisi yali nai augwaligo tumainu yao.

Te Israel me Juda Hani Sigo Tuni Bidigo Po Elalubo Buku Si 2:17

Tiali goli, te profet bage augwaligo bomo mu yali, tama augwaligo te Elisa aga hanalubo sę bomo mu yali, tama tibaso, Elisa agai homugo te augwali pogobeo olama, agai augwali dąų wagobeo homu elama, tama agai te po wai, “Awe, usu dao,” wali, “dagego te augwali tagala palao,” wali. Tama augwaligo te bidi sese si olama, te nogo si, 50 bidi augwali pelama, tama te Elaija gegedubadi yaide, te sela sogo hodolai, tiali goli augwaligo aga me sube.

1 Samuel 30:26

Devit te Siklak taunba ma begasa pelama, tama agai te hwįyu sali doado bage meba selama, tama aga abagi dabeba tolali, te Juda dabe polalubo tobolu bidi dabeba tolai. Tama agai augwaliba te tiwai po wali, “Te dage wiegi yai homu ilibo doado bage dao. Dago te Genuai Bidigo boi bidide te doado bage hauwa sali, tama dago me badu dage mobao.”

Te Israel Tobolu Bidi Dabe 1:15

Tama Aksago po wei ponani, “Eno te nai me deli sabo homu ebao. Nago ena te ili meni yai wa pai tǫba muani, te tǫ nogi Negev, te megi nago ena te wę ulu meba mao,” wali. Tama Kalepgo te ulu wę ugwadu me aiyadu me elalubo tǫ me te agabolo mani.

Josua 15:19

Tialima, wego te po wali, “Eno homugo te nago ena wiegi yai homu yabo nai me deli mao. Nago te Negev hanu tǫ enaba mani, te tǫde wę menio. Tama nago enabolo te ulu wę meba mao,” wali. Tialima, Kalepgo te wę ulu ugwadu elalubo me aiyadu me mani.

Tigidali Nai Gagalama Nigali Side 33:10

Tama Jekopgo te po wai, “Woo, te nago ena dali dwagi yai homu eba wida, teda nago eno te mabo nai sao,” wali. “Eno nage gesabidi sulama, tama eno te God gesabidi subo tiwai yali, magi baso meni, te nago ena dali dwagi yai homu yai.

Tigidali Nai Gagalama Nigali Side 33:12

Tama nosali Isogo te po wai, “Tialima, megi da, da sisi elama, paibao. Tama ena te polasa pobadi, te dage nosali asiagameo.”

Tigidali Nai Gagalama Nigali Side 32:21

Agai te maiabo nai dabe polasa tagala palama, tama aga bidali pesagede te sogo hulide bidai.