Tigidali Nai Gagalama Nigali Side 33:10 - Godigo dwagi yai po buku

¹⁰ Tama Jekopgo te po wai, “Woo, te nago ena dali dwagi yai homu eba wida, teda nago eno te mabo nai sao,” wali. “Eno nage gesabidi sulama, tama eno te God gesabidi subo tiwai yali, magi baso meni, te nago ena dali dwagi yai homu yai.

Tigidali Nai Gagalama Nigali Side 33:10 Referans Kwoze

Jopgo Po Asęani Elalubo Buku 33:26

Tama aga gedu haluasa po wabo si da, teda Godigo agai gedu haluasa po wabo wei elama, tama aga dwagi yai sę ilaibao. Tama aga God pageba pelama, dwagi yai homu mu yaibao. Tama Godigo aga bidibo sogode aga nai dabe dolo ma dodola mawaibao.

Kraisgo Geme Dualali Sę Pedelabo Po Jonbolo Ola Mani 22:4

Tama augwaligo aga gesabidi sueibao, tama agai nogi augwali gebode asęnama elalueibao.

Jeremaia 31:2

Ena Genuai Bidigo, eno te po obao, te Israel dabe te boi bidide wi pelama, te masigi tǫ kemi bulude bidali. Tialima, eno augwali godolo elama, te eno augwaliba wiegi yai sę ebaso, te augwali toma nabo buluba soaibao,” wali.

Tigidali Nai Gagalama Nigali Side 32:30

Tama nosali aga noma sobaso, Jekopgo te po wai, “Eno God sualio, tiali goli ena me isibeo.” Tama tibaso, agai te bulu nogi Peniel poai.

Godigo Nogi Ugwaba Sabo Tęąbi Po Wabo Buku Dabe 41:11

Te boi bidi dabego ena dolisąbaso da, teda eno koneyu, te nago ena godolo eba homu yaibao.

2 Samuel 14:32

Tama Apsalomgo te tama po wei ponani, “Eno nageba po ola toliyu, te nago ena suagasao wali, tiali goli nage asisąwai. Eno homugo nago te eno po selama, te kingba wagi pomainu homu yai. Eno po te tama tiwai. Te magi baso dagego ena te Gesurde bidibadi selama, te Jerusalemba ma odasa asali, te page eno konemainu yali. Te ena Gesurde me bididugi sogo da, teda wiegi yai mu igi dao. Tialima, megi da, eno homugo nage te kingba pelama, agabolo hanalugi pao, te agai te eno aga sugi pabo te usu da po wagowe? Tama agai homugo te eno dwai sę yai da homu ebaso da, teda aga ena ela mumainu yaibao,” wali.

2 Samuel 14:28

Te Apsalom te Jerusalemde kibu be si bidali, tiali goli te kibu be si tomode aga te king sugi pabo usu me ebeo.

2 Samuel 14:24

Tiali goli, kingo te tama po wali, “Apsalom te aga bede digi bidimainu emainao. Aga aselama, te ena me suagaselamuo,” wali. Tialima, Apsalom te aga bede digi bidiyu, tama aga te king gesabidiba me sabaligi pabeo.

2 Samuel 3:13

Tialima, Devitgo Apnerba te tiwai po ola tolali, “Te nago po wiegi yai dao. Tiali goli, eno homugo te nago sę me deli bolo hasia ebaso da, tama eno te tobage bomai po nage dali dąų waibao. Te sę te tama tiwai. Nago te Mikal, te Solgo wegi, selama, tama aga te enaba ma odasa asao. Te nago tama tisąbaso da, teda nage eno me sugobeo,” wali.

1 Samuel 20:3

Tiali goli, Devitgo agabolo te po wali, “Nago ayago bugagia koneani, te nago ena godolo homu ebo agai koneani. Tama tiyu, te agai ena ela muabo homu ebo po te nageba me walogobe homu yaibao. Agai homugo te sęde nago homu sęgę idali homu yaibao. Tiali goli, te Sesemane Sogo Bidibo Genuai Bidigo nogide eno mu po obao, nago ayago ena ela muabo homu ebao. Eno te koneanio, te eno koneani megi nage ena dali bidibo tiwai. Tama dwasianu sogo pąde te nago ayago te tama tiaibao,” wali.

Rutgo Po Elalubo Buku 2:10

Agai po silibo si, tama Rut aga tobolu tǫba mu aiyaba pǫgųlali, te tiwai agai te Boas aga digi aga homu pemene wiegi yai mu emainu te agabolo ola mani. Tama agai Boasbolo te po wali, “Ena gasa bulu we dao. Magi baso nago homugo ena koneama, tama nago wiegi yai sę enabolo bugagia ilibawe?”

Tigidali Nai Gagalama Nigali Side 50:4

Te Josep aga ayade homu dene eyu, gela weyu yali te silibo side, teda agai te tiwai po te Ferogo ofisa bidi dabe dali wali, “Te dagego enade wiegi yai homu eba wida, teda eno e wabo po te dagego Ferobolo wagi pao,

Tigidali Nai Gagalama Nigali Side 47:29

Te pąde Jekop isainu yali. Tama tibaso, aga ogwa Josep i olama, agabolo te po wali, “Te nago enabolo usu da po weyu da, teda nago nogo si te eno sągą si tomoba munama, tama nago bomai po dąų mu weyu, te nago ena bugagia tonaluama, tama ena isibode nago ena te Isipde munu me pubulamuo.

Tigidali Nai Gagalama Nigali Side 19:19

Odao! Nago ena homu dene mu elama, tama nago ena tau siyu, wiegi yai sę yai. Tiali goli, te bulu du digibulu mu elalubao. Te ena polo sabalogobeo. Tiyu, te hanu doliyu, te ena dali hagawaibao.

Matyu 18:10

Dage dua bugagia dao. Tiyu dagego te homu eyu, e dwasianu we bidi tomode me deli te olo nai tiwai da wagimio, augwalide tagala wagimio. Menio. Eno dagebolo te po obao, te Godigo bidibo madide bidibo ensel te mobo bidi dabe augwaligo sesemane sogo te eno Aya dagalude bidibo subo dao. Tama tiyu, te ensel mobo bidi dabego e tiwai dwasianu we bidi hani tonalubo dao.

Tigidali Nai Gagalama Nigali Side 43:3

Tiali goli, Judago aga ayabolo te tiwai po wali, “Aya, nagebolo dago wai dao. Te Isipde bidibo gavman tobolu bidigo da dali wado yai. Agai dabolo te dage ede ma sugobeo po wali, te dago ama te da dali me asisąbaso da, te tama tiwai po wai dao.

Tigidali Nai Gagalama Nigali Side 33:9

Tiali goli, Isogo te po wai, “Eno ama, ena doado bage usu yai elalubo. Nago naga nai dabe ma sao,” wai.

Tigidali Nai Gagalama Nigali Side 33:11

Megi eno homugo nago te eno nage mabo te nai nago sao, Godigo dwagi yai kolesaga ena dali elama, tama agai tigidali nai ena menama, tama ena usu mu yai,” wali. Agai Isogo te nai somainogo bomo mu ebaso, tama Isogo te nai sai.