Tigidali Nai Gagalama Nigali Side 32:30 - Godigo dwagi yai po buku

³⁰ Tama nosali aga noma sobaso, Jekopgo te po wai, “Eno God sualio, tiali goli ena me isibeo.” Tama tibaso, agai te bulu nogi Peniel poai.

Tigidali Nai Gagalama Nigali Side 32:30 Referans Kwoze

Israel Hanigo Namba 12:8

Tialima, eno aga dali po wabo te bidigo aga abagi dali po wabo tiwai wabo dao. Tama eno po agabolo hanilama mu wabo dao, eno po begelama, po digi pogo me wabo menio. Te me agai ena dwasianu suai dao. Tama dage sigo magi baso mu Moses dali dwai po wabo wi ebewe? Te eno sę bidi dali.” Te po wai.

Tigidali Nai Gagalama Nigali Side 16:13

Hagargo te homu yai, ‘Sesemane sogo Godigo ena sudu geyu, tama megi eno aga suali, tiali goli, te ena bidibo ula me elaluba, isibeo,’ te homu yali. Tama agai te agabolo po wali Yawe nogi gasa me wali, “Nage da, te ena subo God dao.”

Aisaia 6:5

Tama tibaso, ena wi ebaso, te po wali. “Mu tamao, ena mu dolaibao. Tigidali sogo eno pedauwalidu dwai po wabo dao. Tama ena dwai po wabo we bidi dabe tomode bidibo dao. Ena dwai sęgę wa abibo bidi dao. Tama megi da, eno te tuni bidi polo suali, aga Genuai Bidi Tigidali Bomo Elalubo Bidi. Tama tibaso, ena isaibao,” eno te po wali.

Bomai Po 5:24

‘God, dago Genuai Bidigo, dabolo agai genuai bomo mu ola mani, te dago aga te isi tomode po wabo odali sogo. Megi da, dago koneani. Me sogo Godigo te bidi me deli dali po wabo usu yaibao, tama te bidi me isibeo.

Dwagi Yai Gesi Po Jongo Asęani 1:18

Menio. Bidi me deligo God munu me gedugo subeo. Mu menio. Tialima, te Godigo ogwa deli aga aya pąde bidibo, agai Godigo page dabolo ola mawai dao.

Hibru 11:27

Te bidi Mosesgo konealubo po Godiba dąų olama tama agade tią piduali baso, agai te tuni bidigo sębę homu ebode te aga wi me ebeo. Meni. Aga hogodolama tama Isip tǫ taga soali. Te e tǫde bidigo God gedugo me susiąbo digi, tiali goli Mosesgo te God subo tiwai yali, tama tiyu aga bomo elama geasa ma pabeo.

Polgo Si Wali Pas Timotiba Asęani - 2TI 1:10

Tama megi e sogo Krais Jisas, te da ma sali bidi, aga te hanilama pedalalio. Tama tedu te Godigo olo mu tau sabo wiegi yai kolesaga te hania pedalali. Krais Jisasgo te isibo kolesagago bomo togolama, tama te agai ola mani gesi wiegi yai pogo te dwagi yai bidibo ula dali, te dolosiąbo gamonabo kolesaga dali te si pedalama, tama te ulaba munama elalubao.

Efesus 1:17

Tama God da dago Genuai Bidi Jisas Krais aga God da, te dago genuai nogi mu elalubo Aya dao. Tama eno aga dali po weyu, eno homugo agai aga Mobo Bidi dagebolo mao. Tama menama, tama te Mobo Bidi agai dage wiegi yai homu kolesaga menama, tama agai God dagebolo waselaibao, te dagego God aga bugagia kuna konea silimainogo tiaibao.

Ma Dobola Sali 33:14

Tama Genuai Bidigo te po wai, “Ena digi nage dali hodobo peyu, tama nagebolo wiegi yai homu nagame ebo kolesaga mawaibao.”

Kolosi 1:15

God aga te dago susiąbo bidi goli, Krais te God tiwai mu bidiyu tama bidigo gedugo suali bidi bidai. Aga Godigo hasia ogwa dao, te tigidali nigali naigo nogi agai nogigo aiyaba elalubo dao.

Galesia 1:6

Tegoba! Dagego yali sęde ena noma mu salio. Dagego magi yaliwe? Te Krais agai dage olo tau siyu, tama God agai dage i wai dao. Tiali goli polo tama dagego te sę tagaluyu, tama dagego gasagi yai po wali pabo gagalali. Tama te gasagi yai po dagebolo pusali bage augwaligo “Ao, e po Kraisde dwagi yai gesi po mu dao,” wali.

2 Korin 4:6

Magi baso meni, e tiwai dao. Polobadu mu Godigo te po wai, “Te be hulia sai madi ula pedalomainao,” wai. Tama te po wali God aga ula digi da dali bidibao, tama da homu ula mu ilibo. Te ula e dao: dago te Godigo bomo yai ula te Krais gesabidide elalubo koneai dao.

2 Korin 3:18

Tama da tigidali, da te nai me deligo da gesabidi me au palialubeo. Tama Genuai Bidigo wiegi yai bomo yai ula daba asiyu, tama da te gesabidi subo ąį dula tiwai pedalama te ula te bidi dabe augwaliba pobao, tama augwaligo subo dao. Sesemane sogo dago ula umabo mu sabo, tama da hasegeleyu tama Genuai Bidi aga noma tiwai pedalobo dao. Genuai Bidi aga te Mobo, tama agai te tiwai kolesaga da dali ebo dao, tama te bomo yai ula te genilama mu ela pabo dao.

Te Israel me Juda Hani Sigo Tuni Bidigo Po Elalubo Buku Deli 12:25

Te king Jeroboamgo te taun Sekem masigigo nigai obo ma geselama, dąų walama, te Efraim bulu dudu gagalama, tama te taun Sekem bagulama dąų wali. Tama tilama, me badu sogo aga te taunde bidali. Tama nosali te hanu tagalama, tama aga te Penuel hanuba pelama, tama te hanu te Gileat bulu pedaide elalubo hanu da, tama agai te hanu me obo masigi bagulama, te hanu bugagia dąų walali, magi baso meni, te boi bidi dabego te hanu sidali weyu yali.

Te Israel Tobolu Bidi Dabe 8:17

Tama agai te Penuelde elaluali bobobage be taua aluama, dolama, tama te hanude bidali bidi dabe ela muai.

Te Israel Tobolu Bidi Dabe 8:8

Tialima, Gideon mu pelama, tama te bulu Penuelba sabolama, tama agai te bulu bidi dabebolo me te nai meba mao wabo po hanalu wali. Tiali goli, te Penuel bidi dabego po wei ponoyu, te Sukot bidi dabego wali po tiwai naga walio.

Bomai Po 34:10

Tama megi tama usu nagasiyu da, Israel dabego profet bidi me te Moses tiwai bidi me menio. Genuai Bidigo Moses dali po te bidi sigo augwa hasi po wabo tiwai tama po weyu yai dao.

Tigidali Nai Gagalama Nigali Side 28:19

Agai te bulu nogi te Betel nogi poai. Polobadu te bidi dabego te bulu pąde elalubo hanu nogi Lus nogi yai.

1 Korin 13:12

Dago te ąį dulade subadi, te dena gesabidi dago kuna subo meni, te dwasianu hulia sai tiwai subo dao. Tama te tiwai me, dago God gisiga mu konebo menio. Tiali goli te sogo nosali da, te dago Godigo gesabidi mu dolo sueibao. Megi dago te God kuna konebeo, te me badu naga koneani. Tiali goli nosali da, te dago aga mu koneyu, te agai da mu konebo tiwai gilama yaibao.

Josua 5:13

Josua te hanu Jeriko pąde bidali sogo, agai bidi me deli te bainat hwą ge tolaluyu, dolalubo suai. Tama Josua aga dwai noma mu selama, tama agaba pelama, tama agabolo hanalu wali, “Nage te dago ami bidi me deli dawe, ma nage te boi bidi me deli dawe?” te po wai.

Tigidali Nai Gagalama Nigali Side 35:9

Te Jekop te Mesopotemiade bidali ma asobo sogode, God te agaba ma pedelama, tama agaba dwagi yai sę pedelabo po te agabolo mawai.

Te Israel Tobolu Bidi Dabe 13:17

Tialima, Manoago te po wali, “Nage nogi nogi yao. Tama nago te po wagasali sę, te sogo pedalubo side, teda da sigo nago nogi ugwaba saibao,” wai.

Te Israel Tobolu Bidi Dabe 13:18

Tama enselgo te po wali, “Magi baso te dagego eno nogi koneainogowe? Te eno nogide te we bidi homu hauwa eyu, noma siyu ilaibao,” wali.