Tigidali Nai Gagalama Nigali Side 32:28 - Godigo dwagi yai po buku

²⁸ Tialima, te bidigo te po wai, “Megi da, nago nogi te Jekop ma wagobeo. Nago te God dali hwįani, tama bidi dali me hwįai, tama nago nogi ugwaba sali. Tialima, nago gesi nogi te Israel dao.”

Tigidali Nai Gagalama Nigali Side 32:28 Referans Kwoze

Kraisgo Geme Dualali Sę Pedelabo Po Jonbolo Ola Mani 2:17

“Olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elalubo bidi, te bidibolo eno megi geme dulalubo tubo nai nogi mana meba mayu, tama eno te tedela yai dwasianu masigi me agabolo mawaibao. Tama te masigide gesi nogi asęai, tama niwai bidi mego te nogi konegobeo. Te masigi sali bidi, aga naga te nogi koneaibao.’”

Tigidali Nai Gagalama Nigali Side 35:10

Tama tiyu, Godigo agabolo te po wai, “Nago nogi Jekop dao. Tiali goli, megi da, te augwaligo nago nogi te Jekop ma nogi me wagobeo. Augwaligo nago nogi te Israel nogi yaibao,” wali. Tama Godigo aga nogi te Israel poali.

Tigidali Nai Gagalama Nigali Side 17:5

Nago nogi megi te Abram ma wagobeo. Megi nago nogi te Abraham waibao. Magi baso meni, eno nage te umabo hauwa we bidi hanigo wąį monu pedalumainogo ilali. Tama tibaso, eno te nogi nagebolo mobao.

Tigidali Nai Gagalama Nigali Side 17:15

Tama Godigo Abrahambolo te po wai, “Nago naga we nogi Sarai nosali me nogigio. Megi agai nogi Sara dao.

Aisaia 65:15

Te eno hani dabe, te augwa gasa bageba po dwai wabo sogo da, teda augwa te tiwai po waibao, ‘God, Genuai Bidigo dage dolomainu yaibao, te agai te dwai hani dabe dolali tiwai yao,’ waibao. Tama te bidi dabego dage nogi te dwai nai homu tiwai yaibao, tiali goli eno te wiegi yai gesi nogi te ena sę bidi dabeba mawaibao.

Bugagia Bidibo Kolesagade Po Asęai Buku 16:7

Te bidigo te Genuai Bidigo wei homu yabo tobage kolesaga dabe ebaso da, teda te Genuai Bidigo aga tau siyu, te tigidali bidi, me te aga boi bidi dabe dali, te augwali aga dali bugagia bidimainu tau saibao.

Tigidali Nai Gagalama Nigali Side 33:4

Tiali goli, Iso udada aselama, tama aga ama pagea sagaselama, tama aga dali nono nai. Tama aga si talua si gela wali.

Dwagi Yai Gesi Po Jongo Asęani 1:42

Tama Andru agai aga ama Saimon odasa, Jisas bidibo madigi pai. Jisas agai Saimon sulama, te po wai, “Nage Saimon, Jongo ogwa dao. Nosali nago nogi Sifas waibao,” Jisasgo te po wai. (Dago te nogi Sifas begelama, tama wai, Pita wali nogi, te nogi page masigi dao.)

Tigidali Nai Gagalama Nigali Side 25:31

Tiali goli, Jekopgo te tiwai po wei ponani, “Da si dobu si inao. Hasia bolo nago enabolo te nage gomunai ogwa da nogi wabo po te enabolo mobaso da, teda nosali eno te ulali sup nai nagebolo mawaibao,” wali.

Te Israel me Juda Hani Sigo Tuni Bidigo Po Elalubo Buku Si 17:34

Tama te megi tama me, te hani augwaligo te kolesagadu me wali peyu bidibao. Augwaligo te Genuai Bidi dolo mu lotu po wabo meni, tama augwaligo te agai te bomai po te Jekopgo hanibolo mani po augwaligo wali pabo meni. Jekop te bidi te aga te Genuai Bidigo gasa nogi me poali nogi, te nogi te Israel da.

2 Samuel 12:25

Tama tiyu, agai te profet Natan te Devitba tagala palama, te waiba te nogi Jedidia momainu yalio.

1 Samuel 26:25

Tialima, Solgo Devitbolo te tiwai po wali, “Devit, eno waio, Godigo wiegi yai sę nageba emainao. Tama tiyu, nago yainu ebo sę tigidali te wiegi yai naga pedelaibao,” wali. Augwa si te po mia silama, teda Devitgo te bulu du tagalama, tama palio, tama Sol te aga buluba ma geasa soai dao.

Tigidali Nai Gagalama Nigali Side 32:24

Tama agaduba deli naga bididuai. Tialima, hulide bidi me deli pedelama, tama aga dali nogogo pelegebo hwįdubadi, be posobo siba usu nani.

Tigidali Nai Gagalama Nigali Side 31:24

Tama hulide, Aram bidi Labango na yali, tama God agaba pedelama, te po wali, “Nago te Jekop dali magi po me deli, ma aga wi ilibo sę me elamu dao,” te po wai.

Israel Hanigo Namba 13:16

Mosesgo te hani tobolu bidi dabe te Kenan bulu tǫ sese sa sugi pomainu tagala palali. Tama agai te Hosia te Nungo ogwago nogi hasegelali. Tama agai aga te Josua poali.

Te Israel me Juda Hani Sigo Tuni Bidigo Po Elalubo Buku Deli 18:31

Agai te nogo si olama, sągągo si alta nigabo masigi sali. Te masigi dabego te dąį tiwai te Jekopgo ogwa dabe nogo si olama, sągągo me si hani dąį ilali tiwai yali, te Israel dabego wąį nǫų dabe dao. Polobadu Genuai Bidigo Jekopbolo te tiwai po wali, “Te we bidi augwaligo nago nogi Israel nogi yaibao.” Te po wai dao.

Tigidali Nai Gagalama Nigali Side 33:20

Tama agai te alta me deli tede dodolali. Tama agai te alta nogi te tiwai poali, “Te Israelgo God da, te bomo yai God mu dao,” te nogi poali.

Tigidali Nai Gagalama Nigali Side 32:27

Tama te bidigo Jekopbolo hanalu wali, “Nago nogi de dawe?” Tama Jekop po wei ponani, “Ena nogi te Jekop dao.”

Tuni Bidi Dabego Po Elalubo Buku Deli 1:34

Aisak, te Abrahamgo ogwa, agai ogwa si elaluai, Iso me Jekop. Te Jekopgo gasa nogi me da, te Israel dao.

Aisaia 43:1

Dage Israel dabe, dage Jekopgo hani, Genuai Bidigo dage deli hani pedalumainu ilali, agai te tiwai po wai, “Dage wi igio, magi baso meni, eno dage ma sali dao. Eno dageba nogi menama, tama dage te ena da olama, sa muyu dąį ilai dao.