Tigidali Nai Gagalama Nigali Side 32:24 - Godigo dwagi yai po buku

²⁴ Tama agaduba deli naga bididuai. Tialima, hulide bidi me deli pedelama, tama aga dali nogogo pelegebo hwįdubadi, be posobo siba usu nani.

Tigidali Nai Gagalama Nigali Side 32:24 Referans Kwoze

Efesus 6:12

Magi baso menio. Te da Krais wali pabo we bidi hani, dago te dwai sę ebo kolesaga dali hwįyu tama dago e tǫde bidibo bidi dali hwįbo meni. Dago te dwai sę ebo kolesaga dali hwįbadi, tama dago te dwai haubo noma bidi ugwadu te dagalude bidibo bage dali me hwįbo dao. Augwali da te megi hulia side dwai sę ebo tobolu bidi dabe me, te polalubo bidi dabe me, te we bidi tonalubo dwai noma bidi dabe dao.

Dwagi Yai Gesi Po Lukgo Asęani 13:24

Te Jisasgo te we bidibolo te po wali, “Te be tų dwasianu goli, dage bomo elama, te sunumi tomoba piąo. Magi baso meni. Eno dagebolo obao. We bidi hauwa Godigo we bidi tonalubo madigi tomoba pai hagede, ebadi, tiali goli te augwali usu egobeo.

Tigidali Nai Gagalama Nigali Side 32:28

Tialima, te bidigo te po wai, “Megi da, nago nogi te Jekop ma wagobeo. Nago te God dali hwįani, tama bidi dali me hwįai, tama nago nogi ugwaba sali. Tialima, nago gesi nogi te Israel dao.”

Efesus 6:18

Tama tiyu, tigidali sogo dagego po God dali wao, agai dage tau somainu yai. Tama te Godigo Mobo Bidi agai dage bomo mayu, tego Godibolo po wao. Te sę yainu, dage pila mugimio, hodaluao, nolǫ isiąbo ąǫ egimio. Te sę munu me tagaligio. Tigidali sogo dagego gedu haluasa po Godigo we bidi tau somainu wao.

Tigidali Nai Gagalama Nigali Side 32:30

Tama nosali aga noma sobaso, Jekopgo te po wai, “Eno God sualio, tiali goli ena me isibeo.” Tama tibaso, agai te bulu nogi Peniel poai.

Dwagi Yai Gesi Po Lukgo Asęani 22:44

Jisas aga homu sęgę mu ebaso, Godibolo aga hanalubo po bomonama wai. Tama Jisasgo tigide te posolo wę kisu yai, te wę te tǫba tuloluai, te kaneme tiwai.]

Tigidali Nai Gagalama Nigali Side 30:8

Tama Reselgo te po wai, “Eno te ena ama dali bomonama mu hwįanigo tama megi eno nogi ugwa sali.” Tama agai te wai nogi Naptali poai.

1 Korin 15:47

Te hasia polali bidi Adam te e tǫde bidibolo polali. Godigo tǫgo naga aga nigali. Nosali pedalali bidi te agade Adam si wabo bidi, te aga dagalude bidai bidi dao, tedu asai dao.

Kolosi 4:12

Epafras agai dagebolo siade dao po ola tolobao. Aga me dage hani deli dao, tama aga Krais Jisasgo sę ebo bidi dao. Sesemane sogo agai gedu haluasa po weyu homu dąų olama, tama bomo elama weyu dage tau sabo dao. Agai homugo dage Godigo homu tigidali bugagia wali peyu, tama tede homu si munu me isąyu, tama dage bidi mu pedalama tama bomo elama bugagia dolalumainogo eyu agai gedu haluasa po Godibolo weyu, “Augwali te tiwai pedalomainogo, tau sao,” agai te po wabo dao.

Solomon 2:17

Te agai augwali tonalubadi, te giliga dega siguluboba usu nama, te bulu kedau ebo dao. Eno wiegi yai abagi, eno homugo nage polo ma asomainu homu ebao, te wiegi yai bulu uni hasa me deli te genuai bulu duba uga udada asobo tiwai ebo dao.

Tigidali Nai Gagalama Nigali Side 48:16

Te mobo bidi enselgo tigide pedelali God, te agai ena tonaluyu, tama ena me dolobe, eno homugo aga digi mobo te augwali si momainao. Te eno homugo te eno nogi me, te eno wąį Abrahamgo nogi me, te eno aya Aisakgo nogi me, te augwali sigo hanide elaluaibao. Te augwali sigo wai hauwa mu ame nenama, tama genuai hani bage pedelaibao. Godigo augwali side tama timainao,” wali.

Hibru 5:7

Polobadu Jisas te e tǫde bidi tiwai bidibadi, te sogo agai po Godibolo wai. Godigo aga te isibode ma sabo homu yali, tama tiyu agai gedu haluasa po aga dali weyu genuai i wali, tama aga gela hauwa mu wai. Agai aga homu kolesaga te aga digi aiyaba elaluama tama imilai bidi bidama, tama aga God dologode bidali, tama tibaso Godigo agai gedu haluasa po wabo odai dao.

Kolosi 2:1

Eno homugo dagego tama koneao: eno sę dene eyu, eno dage Kolosi bage dali, te Laodisia hanude bidibo Godigo po odobo we bidi hani dali, te gasa ena gesabidi susiąwai bidi dabe tigidali dali, eno dage dali augwali dali tau sabo sę yai dao.

Polgo Po Pas Rom Dabeba Asęani 15:30

Eno ama dede, eno homugo dagego te dago Genuai Bidi Jisas Krais homu koneama, tama te Tedali Mobo Bidigo da tomode hodolali duga hasi godolo ebo kolesaga me homu kone palao. Tama te side homu kone palama, dage homu hodolama, tama te gedu haluasa po wabo sę dene ena dali emainu eno te homu godolo ebao. Dagego te Godibolo gedu haluasa po weyu ena tau somainogo yao,

Aisaia 32:2

Te deli deli genuai bidi dabego te we bidi dabe augwali tau somainu asali bidi dabe, augwaligo tau saibao. Augwali da, te we bidi augwali te genuai wali dali tulubage dabe ebo side, augwali te duala sabo pesage tiwai dao. Tama me, augwali te wę te hogomua pai pesageba pabo tiwai, me te moni masigigo te hogomua pai pesage te masigigo seselalubo tiwai dao. Tama te bidi dabe te tįwai madi duala selama, toma tubo tiwai dao, te boma pai giligade.

Ma Dobola Sali 14:27

Tama Mosesgo nogo ugwaba selama, te tamu ąį usu sali, tama be posobode te ąį ma asiyu, tama te polobadu elaluali tiwai ma yai. Tama te Isip dabe augwali wi pabo usu sali, tiali goli augwali usu meni yai, magi basowe, Genuai Bidigo augwali tigidali te tamu wę tomoba popogolo pai.

Tigidali Nai Gagalama Nigali Side 18:2

Agai tonono pobadi, tama bidi sela dolalubo suali. Agai augwali sulama, tama aga ugwa be tagalama, tama udada pelama, augwali pageba sabolali. Aga kidu sugunu gulama, tama aga gesabi te tǫba mu pogiluama,

Tigidali Nai Gagalama Nigali Side 32:23

Agai augwali tagala palama, tama agai aga doado bage me tigidali sela pela silai.

Tigidali Nai Gagalama Nigali Side 32:25

Augwali si tama tiwai hwįdubadi, tama te bidigo koneani, agai aga aiyaba elalugobeo, te homu yai. Tama agai Jekop te sili dili dali, te tudi dili dali si ununani si tede elali. Tama te sili dili ununani te guda pali. Te augwali si usu siyu hwįdubadi,

Josua 5:13

Josua te hanu Jeriko pąde bidali sogo, agai bidi me deli te bainat hwą ge tolaluyu, dolalubo suai. Tama Josua aga dwai noma mu selama, tama agaba pelama, tama agabolo hanalu wali, “Nage te dago ami bidi me deli dawe, ma nage te boi bidi me deli dawe?” te po wai.

Daniel 10:8

Tama ena duba deli naga bidiyu, tama eno te nai suali te gasagi yai sę tedali mu yai. Eno te nai te nade subo tiwai elama, tama eno bomo tigidali te sia selama, te eno gesabi te mu gasa me hasegelai.