Tigidali Nai Gagalama Nigali Side 32:19 - Godigo dwagi yai po buku

¹⁹ Tama Jekopgo te po naga te tomo me sę bidibolo wali, tama te sela wali sę bidibolo me, tama te kibu dabe tonalubo tigidali sę bidi dabebolo te po naga wai. Agai te po wali, “Te dagego aga subo sogo, te po naga agabolo wao.

Tigidali Nai Gagalama Nigali Side 32:19 Referans Kwoze

Tigidali Nai Gagalama Nigali Side 32:18

Teda nago e tiwai po wei ponao, ‘Te e kibu hani dabe te nago sę bidi Jekopgo dao,’ te po wao. ‘Genuai bidi, te Jekopgo te olo maiabo dwagi yai nai te nageba tagala palai. Tama Jekop digi aga te nosali asobao,’ nago te po Isobolo wao,” Jekopgo te po wai.

Tigidali Nai Gagalama Nigali Side 32:20

Tama dagego te tiwai po ma naga weyu yao, ‘Awe, nago sę bidi Jekop te da tudibadu nosali asobao,’ po waiyąo.” Jekopgo te tiwai homu yai, ‘Eno te ena ama homu nagame ilibo nai te polasa tagala palaibao,’ te homu yali, ‘tama eno aga gesabi subo side, teda agai eno aga dali polobadu yali sę te agai homu gegeda palaibao,’ te homu yali.

1 Samuel 25:19

Tama agai aga sę ebo bidi dabebolo te tiwai wai, “Dagego te donki dabe polasa sela piduao. Te ena dage wali asaibao,” wali. Tiali goli, agai te tama tiali sęde te aga bidibolo me walobeo.