Tigidali Nai Gagalama Nigali Side 32:14 - Godigo dwagi yai po buku

¹⁴ Agai e tama tiwai sa muani, 200 meme so kibu, te omai kibu bidi sese deli te 20, te 200 sipsip so, me te omai kibu bidi sese deli 20,

Tigidali Nai Gagalama Nigali Side 32:14 Referans Kwoze

Jopgo Po Asęani Elalubo Buku 42:12

Tede gagalasa, Genuai Bidigo te bidi Jop dali dwagi yai sę hauwa mu yalio. Tama aga sabi simanobo sogo bidali da, aga hasia bidali kibu be edelama, mu bidalio. Tama te bidi Jopgo 14,000 sipsip kibu, me 6,000 kibu kamel, me 2,000 bulmakau kibu, tama 1,000 donki kibu so pedelama, elaluali.

Jopgo Po Asęani Elalubo Buku 1:3

Tama agai kibu sipsip 7,000, tama kibu kamel 3,000, tama sę yabo kibu bulmakau 1,000, tama kibu donki so 500 tama bidai dao. Tama agai sę ebo we bidi hauwa mu bidai. Tama te we bidi dabego te bidi Jop nogi ugwaba mu sai dao, tama tiyu, agai nogi ugwade mu elaluyu, te sia asobo badu bidi dabego nogi aiya mu ilali.

Bomai Po 8:18

God dago Genuai Bidigo dage te nai dabe hauwa somainogo te bomo mabo dao. Dagego te sę me gegeda pelamo dao. Agai te tama tibo da, magi baso meni, agai dagego wąį dali te dąų wali te po wali peyu, tama tibo dao.

1 Samuel 25:2

Te Maon taun bidi me deli, te aga nogi Nabal bidali. Aga te Kalep hani bidi. Tama agai tǫ pedai me deli te Karmel taun elaluali. Aga te mone hauwa elalubo bidi mu, tama agai sipsip te 3,000 elaluai, me 1,000 meme dali elaluali. Aga we, te Abigel, aga te wiegi yai sawi yai we mu, tama aga wiegi yai homu kolesaga hauwa koneai elaluali. Tiali goli, Nabal te wado po wabo bidi, tama aga kolesaga te wiegi yai elalusiąwai. Te sogo Nabal te Karmel taunde bidiyu, tama augwaligo te agai sipsip nisi dabe togobo sę iduai.

Tigidali Nai Gagalama Nigali Side 31:16

Tigidali nai Godigo da sigo ayade selama, tama nagebolo mani, te nai te da sigo, me te da sigo wai pulubago nai dabe mu dao. Tama tibaso, nago te Godigo nagebolo wali po gilama tama tiao,” te we sigo te po wai.

Tigidali Nai Gagalama Nigali Side 31:9

Tama tiyu, tama Godigo te dage sigo ayago meme ma sipsip hani selama, te enabolo mawai dao,” wali.

Tigidali Nai Gagalama Nigali Side 30:43

Tama tibaso, Jekopgo doado bage geninama, umabo mu elaluali. Agai te sipsip me meme hani genuai mu elaluali, tama sę ebo bidi me sę ebo we hauwa bidai, tama te kibu kamel dabe me donki dabe hauwa bidaluali.

Tigidali Nai Gagalama Nigali Side 31:10

“Tama te meme omai dabego penani ebo sogo, eno te tiwai na yai, eno te meme omai kibu augwaligo tigide dodobolo pali haniani elalubo suali, te augwaligo naga te meme so kibu dabe penani ebo dao.

Tigidali Nai Gagalama Nigali Side 32:13

Jekop te hulide bididu, tama aga ama Iso homu nagame iliyu maiabo nai te kibu dabe meba dodola muai.

Tigidali Nai Gagalama Nigali Side 32:15

te 30 kamel so augwa wai elalubadi, te 40 bulmakau so, te omai bulmakau nogo si, te donki 20 so kibu, te omai kibu donki nogo si dao.

Tigidali Nai Gagalama Nigali Side 33:11

Megi eno homugo nago te eno nage mabo te nai nago sao, Godigo dwagi yai kolesaga ena dali elama, tama agai tigidali nai ena menama, tama ena usu mu yai,” wali. Agai Isogo te nai somainogo bomo mu ebaso, tama Isogo te nai sai.

Tigidali Nai Gagalama Nigali Side 43:11

Tialima, Israel, te augwa aya, agai augwalibolo te po wali, “Te tiwai tama pedalubaso da, teda dagego tama tiao. Te e bulude elalubo te wiegi yai nai dabe te selama, duga genuai waba munama, tama dage pelama, tama te gavman tobolu bidibolo te aga wiegi yai homu emainu magi pao. Te tobage tiwai dwasianu haniani nai tigidali sao, te ganima bunugo nigali pusu yai nai me, te mege me, tama te denami ebo ni kaneme, me te haniani sanda, tama me te meba ni haga du walobo tiwai ni du nogi pistasio, me te ni du amon, te tiwai haniani nai sela pao,” wali.

Bugagia Bidibo Kolesagade Po Asęai Buku 17:8

Te homu bega sabo mone mabo bidi, agai te homu yai, te homu bega siyu mabo mone te aga tau sabo mone tiwai da weyu, te tobage magi sę dabe aga digi homugo yainogo tebo dao.