Tigidali Nai Gagalama Nigali Side 32:11 - Godigo dwagi yai po buku

¹¹ Eno nageba gedu haluasa po obao, nago ena tau selama, te eno ama Isogo bomo aiyaba tamunao. Magi baso meni, ena wi ebo, tiyu agai da dali wąbi hwįagasiyu, tama da tigidali silama, te we wai dabe dali silaibao.

Tigidali Nai Gagalama Nigali Side 32:11 Referans Kwoze

Bugagia Bidibo Kolesagade Po Asęai Buku 18:19

Nago te naga amago dwai haliga nage dali emainu ilai baso da, teda agai te aga homu bea selama, tama nage wei homu isiąyu, te bulu bagego te taun obo tomoba pabo obo sunumi te palia selama, tama te gasa bidi dabe te tomoba pabo usu isiąbo tiwai yaibao. Te bidi si te konila po wado olama, tama te nogo masiąwani da, teda tego te augwa si sunumi palialubo tiwai eyu, tama augwa si te deli haliga pedalisiąma, te bomai sunumigo te bidi soabo sunumi panialubo tiwai ebao, tama aga te be tomoba pabo usu me egobeo.

Matyu 6:13

Te da te dwai sę yanama sinawainogo ebo sogo daba asidali weyu, nago te habu selao. Tama te dwai sę page bidi agai da dolidali weyu te nago da tau sao. [Tama nago te genuai bomo me ula, te genuai nogi me te nagede sesemane sogo bidada paibao. Mu dao, te tama tiwai pedalomainao, te dago homugo dao.]’ Te tiwai eyu, gedu haluasa po wao,” wali.

Hosea 10:14

Tialima, te boi bidi dabego dageba hwįagaselama, te augwaligo dagego te bomai obo banis elalubo tigidali taun dolagasaibao,” wali. “Te dolobo sę te polobadu te king Salmango agai te taun Betarbelba hwįgi pelama, te nai mu dolali tiwai yaibao,” wali. “Tama aga hani dabego te augwaligo we wai dali selama, te augwali subigila sąsąnama, te augwali isai dao.

Daniel 3:17

Dago lotu po te God muba wabo dao. Dago te God agai da tau sabo usu elalu, te nago bomo, me te siago bomo geda mubaso da, teda te Godigo sę dao,” wali.

Godigo Nogi Ugwaba Sabo Tęąbi Po Wabo Buku Dabe 142:6

Te nago ena tau somainu, te eno nageba i wabo odao. Magi baso meni, eno haliga te sęgę mu ebao. Te enaba dwai sę yainu ebo bidi dabe augwaligo te bomo mu ebaso, tama eno augwali aiyaba elaluainu ebo usu egobeo. Tama tiyu, nago ena te augwaligo nogode ma dobola sao.

Godigo Nogi Ugwaba Sabo Tęąbi Po Wabo Buku Dabe 119:134

Te ena aiyaba elalubo sę bidi dabego, te ena augwaligo dolidali dabego, te nago ena ma sao. Tama tiwai sę augwaligo enaba isąbaso, te eno nago po wali paibao.

Godigo Nogi Ugwaba Sabo Tęąbi Po Wabo Buku Dabe 43:1

God, te bidi dabego nage tudiba muyu, te augwaligo ena aiyaba elaluainu homu ebao. Nago ena tau selama, tama augwaligo te dwai po wabo togolama, tama augwaliba eno ebo wiegi yai kolesaga naga ola mao. Augwali te tibo po wabo bidi dabe da, tama augwaligo kolesaga te dolo me isąwai. Nago ena tau selama, tama augwali nogode ena ma dobola sali.

Godigo Nogi Ugwaba Sabo Tęąbi Po Wabo Buku Dabe 31:2

Nago eno i wabo odolama, tama ena polo ma sao. Tama tiyu, nage te ena duala sabo madi te genuai masigi bulu du tiwai elalubao. Tama nago ena bugagia bobegelalu, te ena bugagia bidiyu, tama te boi bidi dabego ena aiyaba me elalugobeo.

Godigo Nogi Ugwaba Sabo Tęąbi Po Wabo Buku Dabe 25:20

Nago ena ma selama, tama ena bugagia seselaluao, tama te boi bidi dabego ena me dologobeo. Nago ena tonalumainu eyu, te ena nageba asobao.

Godigo Nogi Ugwaba Sabo Tęąbi Po Wabo Buku Dabe 16:1

God, nago ena tonaluao. Magi baso meni, eno te nago ena bugagia tonalueibao homu eyu, tama ena nage dologoba bidagasobo dao.

1 Samuel 24:15

Tama tibaso, te da si tomode te dego dwai sę yali te Genuai Bidigo digi dagalumainu yaibao. Agai ena tau siyu, te po dodoliyu, te nago ena me dologobeo. Tama eyu, agai da sibolo ola mawaibao, eno nagede dwai sę me deli me ebeo,” wali.

1 Samuel 12:10

Tama tiyu, te nǫų wąį dabego te Genuai Bidiba gedu haluasa po wabo bomonama weyu, te augwali tau somainu yali. Augwaligo agabolo te tiwai po wali, ‘Genuai Bidio, dago nage tudiba munama, tama dago te tibo god Balba me te Astarte dabeba lotu po weyu yali. Tama tiyu, dago sęgę salio. Megi dago nageba hanalu obao, te nago da te boi bidi dabego nogode ma dobola sobaso da, te dago nageba lotu weyu, tama nage deli naga wali asaibao,’ augwaligo te po wali.

Tigidali Nai Gagalama Nigali Side 27:41

Isogo homugo te ayago te dwagi yai sę pedelabo po te Jekop te bolo mani, te agai homude wado ebo homu dwai mu te Jekop dali yai. Tialima, Isogo e tama homu elama, te po wai, “Te pąde dwasianu sogo naga te aya isibaso, tama dago aga homu dene yaibao. Te homu dene yali sogo sia sabo si da, teda eno te Jekop ela muaibao.” Isogo te tama homu elalualio.

Bomai Po 22:6

“Tialima, te ba kimi me te nide o tǫde aga gede pilamubaso da, o aga gǫų dabe dali bidibaso da, teda dagego te ba kimi me selamuo.

Tigidali Nai Gagalama Nigali Side 27:42

Rebekago te aga gomunai ogwa Isogo te homu ebo po odai. Tialima, agai te aga sabi bidi ogwa Jekop i olama, te po agabolo wali, “Nago e po bugagia odao. Te naga ama Isogo te nago agabolo yali te sęde te agai nageba wei ponoyu, ela muainu te homu ebao.

Tigidali Nai Gagalama Nigali Side 32:3

Tama Jekopgo bidi meba te polasa te Seir tǫ te Idom hanu tǫ pedaiba te aga ama Iso bidibo digi te po sela pomainogo tagala palai.

Tigidali Nai Gagalama Nigali Side 32:7

Jekopgo te po odama, tama aga wi genuai mu elama, tama aga homu sęgę elama, tama homu hauwa yali. Tialima, agai te aga we bidi hani bugulali, te sipsip hani dabe, me te meme, me bulmakau, me kamel dali, tama hani si pedelali.

Tigidali Nai Gagalama Nigali Side 33:4

Tiali goli, Iso udada aselama, tama aga ama pagea sagaselama, tama aga dali nono nai. Tama aga si talua si gela wali.

Tigidali Nai Gagalama Nigali Side 24:27

Tama agai te po wai, “Dago Yawe nogi ugwaba sao, te eno genuai bidi Abrahamgo God dao. Agai te eno genuai bidibolo dąų wali po te mu usu nanio, te aga dwagi yai tau sabo kolesaga ebo me, te Abraham dali homu kolesaga kęą pai bidi kolesaga ebo me, te Yawego tagalobeo. Yawego te eno genuai bidi aga amago hanigo beba dolo ena sela asama, tagalagasali dao,” tama wali.

2 Samuel 7:18

King Devitgo Godigo te wali po dabe oda silama da, teda aga te Genuai Bidigo ugwa be tomoba pelama, tama te Genuai Bidigo geduba duagi pelama, tama te tiwai gedu haluasa po wali, “Tigidali Nai Tonalubo God, Genuai Bidi, nago wiegi yai kolesaga hauwa enaba yali. Tiali goli, ena dali, te ena hani sibi dabe, da de dawe? Da te nogi meni yai bage naga dao. Da wiegi yai baso tama nago te tiwai sę me ebeo.