Tigidali Nai Gagalama Nigali Side 32:10 - Godigo dwagi yai po buku

¹⁰ Ena nago sę bidi da. Ena wiegi yai bidi meni goli, tiali goli nago wiegi yai kolesagago ena olo tau sali, tama nago ena dali homugo kęą pai kolesaga eyu, tama enade wiegi yai sę mu yai. Te polobadu ena te wę Jordan nogeali sogo, te eno nogode magi nai me elalubeo. Eno peyu tolasa pabo dono naga elaluali. Tiali goli, megi ena te e hani si dali ma asobao.

Tigidali Nai Gagalama Nigali Side 32:10 Referans Kwoze

Godigo Nogi Ugwaba Sabo Tęąbi Po Wabo Buku Dabe 18:35

Genuai Bidi, nago ena tonaluama, tama ena ma dobola sabo dao. Awe, nago dolo nogogo bomogo ena tau sabo dao. Nago ena tau selama, tama ena te we bidi dabego gedude genuai nogi elalubao.

Tigidali Nai Gagalama Nigali Side 24:27

Tama agai te po wai, “Dago Yawe nogi ugwaba sao, te eno genuai bidi Abrahamgo God dao. Agai te eno genuai bidibolo dąų wali po te mu usu nanio, te aga dwagi yai tau sabo kolesaga ebo me, te Abraham dali homu kolesaga kęą pai bidi kolesaga ebo me, te Yawego tagalobeo. Yawego te eno genuai bidi aga amago hanigo beba dolo ena sela asama, tagalagasali dao,” tama wali.

2 Samuel 7:18

King Devitgo Godigo te wali po dabe oda silama da, teda aga te Genuai Bidigo ugwa be tomoba pelama, tama te Genuai Bidigo geduba duagi pelama, tama te tiwai gedu haluasa po wali, “Tigidali Nai Tonalubo God, Genuai Bidi, nago wiegi yai kolesaga hauwa enaba yali. Tiali goli, ena dali, te ena hani sibi dabe, da de dawe? Da te nogi meni yai bage naga dao. Da wiegi yai baso tama nago te tiwai sę me ebeo.

1 Pita 5:5

Te dage gesi bidi dabe, dage me te dolo kolesaga eyu, te tonalubo bidi dabe dologode bidiyu, augwaligo wabo po bugagia odiąo. Tama dage we bidi me, dage tigidali te nagamea pai homu eyu, tama te olo sę ebo we bidi tiwai bidiyu, dage tomode duga hasi te tau sabo sę yao. Magi baso meni, te Godigo po bukude te nagamea pai homu ebo kolesagade e po elalubao, “God agai te kolesaga hagoma ebo we bidi dali boi bidi homu eyu, bomo elama dolalubo dao. Tialima te nagamea pai homu ebo we bidi dali agai te olo tau sabo kolesaga ebo dao.”

2 Korin 12:11

Te eno te ena digi nogi ugwaba sali po tamadi weyu, te eno te kolesaga meni yai bidi tiwai yali. Tiali goli dage, dagego ena hodolobaso tama eno te po wali. Te duga digi eno nogi ugwaba sigi sogo da, te doloba pai kolesaga egi da. Tiali goli tama me tibeo. Mu tama, ena te olo nai tiwai dao. Tama te gasa bidi dabe augwaligo homu te augwali Godigo po sela pabo sę ebo bidi dabe bidiyu, tama augwali te sęde polalubo bidi dabe dao, augwaligo augwa sęde te homu ebo dao. Tiali goli ena dali augwali dali si usu siyu da, teda augwaligo ena te dwasianu sę me delide ena aiyaba elalugobeo. Mu menio.

Dwagi Yai Gesi Po Lukgo Asęani 17:10

Te dage dali yaligiama, ‘Te sę yao’ po olama, tama te sę dagego silibo si, te po wao, ‘Da da, sę ebo bage naga dao. Dabolo dage usu da po olamuo. Dago nogode muani sę naga dago yalio,’ te po wao,” Jisasgo te po wali.

Dwagi Yai Gesi Po Lukgo Asęani 5:8

Tama Saimon (me sogo Pita wabo bidi) agai te tebo sulama, Jisasgo sągą pagede aga kidu sugunama, Jisasbolo te po wali, “O Genuai Bidi, nago ena taga pao. Ena da, dwai sę ebo bidi dao,” te po wai.

Maika 7:20

Te nago naga po tigidali wali pelama, te nago da Israel dabeba te olo mu tau sabo wiegi yai kolesaga yaibao, te Abrahamgo wąį nǫų hani, te nago we bidi dabe dao. Te nago polobadu dago wąį nǫų dabebolo te dąų walali po tigidali te mu usu nubo dao.

Aisaia 63:7

Te eno Genuai Bidigo wiegi yai olo mu tau sabo kolesaga po pusubao. Te eno aga nogi ugwaba siyu, te agai da tau siyu, wiegi yai kolesaga hauwa yali po pusaibao. Awe, te aga genuai olo mu tau sabo wiegi yai kolesaga, me homu dene ebogo, agai te Israel haniba wiegi yai sę mu yalio.

Aisaia 6:5

Tama tibaso, ena wi ebaso, te po wali. “Mu tamao, ena mu dolaibao. Tigidali sogo eno pedauwalidu dwai po wabo dao. Tama ena dwai po wabo we bidi dabe tomode bidibo dao. Ena dwai sęgę wa abibo bidi dao. Tama megi da, eno te tuni bidi polo suali, aga Genuai Bidi Tigidali Bomo Elalubo Bidi. Tama tibaso, ena isaibao,” eno te po wali.

Bugagia Bidibo Kolesagade Po Asęai Buku 4:18

Te dwai sę ebo bidi dabego wali pabo sunumi te be hulia siyu, mu hulia sai dąų mu wabo tiwai ebao. Augwali te tula muyu, tama te magi naigo te augwali sągąde dolali te augwa me konegobeo. Tiali goli, te doloba pai bidi dabego sunumi da, te giliga kigamu nanobo tiwai elama, tama te giliga nanobo sę bomonama pedelama, te giliga tomo yagasoboba usu nubo dao.

Godigo Nogi Ugwaba Sabo Tęąbi Po Wabo Buku Dabe 85:10

Te sogo da, te we bidi dabego te gasa bage wei mu elama, tama wiegi yai kolesaga augwaliba yaibao. Tama augwa dolasa bidiyu, tama haliga nagame elama, tama hodobo bugagia bidaibao.

Godigo Nogi Ugwaba Sabo Tęąbi Po Wabo Buku Dabe 84:7

Te bidi dabe bilama, te bomo yai pedelaibao. Te augwali pelama, te Saionba sabolama, tama te God bidibo sueibao. Aga te tigidali tibo godide te ugwadu elalubo God dao.

Godigo Nogi Ugwaba Sabo Tęąbi Po Wabo Buku Dabe 61:7

God, nago gedude te aga sesemane sogo te king bidimainu ilao. Nago aga sesemane godolo mu ebaso, tama te nago aga sesemane sogo bugagia tonaluao.

Godigo Nogi Ugwaba Sabo Tęąbi Po Wabo Buku Dabe 16:2

Eno Genuai Bidi Godibolo te po wai, “Nage eno genuai bidi dao. Tigidali dwagi yai nai eno tolalubo, te nai nago naga mabo nai dao,” wali.

Godigo Nogi Ugwaba Sabo Tęąbi Po Wabo Buku Dabe 8:5

Nago da nigilama, tama nago da te nagaduba deli naga dologode bidimainu muani. Nago da ugwaba siyu, tama daba genuai nogi mabo dao.

Jopgo Po Asęani Elalubo Buku 17:9

Tiali goli, tagala. Te doloba pai bidi dabego augwa dwagi yai kolesaga tagalogobeo. Menio. Augwa doloba pai kolesaga naga yainu bomo mu yaibao,” wali.

Jopgo Po Asęani Elalubo Buku 8:7

Tama agai nagebolo nai dabe hauwa mu mawaibao, te polobadu nago elaluali nai mu edelaibao.

Bomai Po 8:18

God dago Genuai Bidigo dage te nai dabe hauwa somainogo te bomo mabo dao. Dagego te sę me gegeda pelamo dao. Agai te tama tibo da, magi baso meni, agai dagego wąį dali te dąų wali te po wali peyu, tama tibo dao.

Tigidali Nai Gagalama Nigali Side 32:7

Jekopgo te po odama, tama aga wi genuai mu elama, tama aga homu sęgę elama, tama homu hauwa yali. Tialima, agai te aga we bidi hani bugulali, te sipsip hani dabe, me te meme, me bulmakau, me kamel dali, tama hani si pedelali.

Tigidali Nai Gagalama Nigali Side 32:5

Eno hani sibi te hauwa elalubo, te kibu bulmakau, me donki, me sipsip, me meme, me sę bidi dabe, me sę ebo we dabe, te elalubao. Tama eno te po nageba ola tolobao, eno genuai bidi, tama eno homugo nago wiegi yai homu ena dali emainogo ebao, tama nago ena ma asomainu usu da po omainogo obao,” agai te po ola tolali.

Tigidali Nai Gagalama Nigali Side 30:43

Tama tibaso, Jekopgo doado bage geninama, umabo mu elaluali. Agai te sipsip me meme hani genuai mu elaluali, tama sę ebo bidi me sę ebo we hauwa bidai, tama te kibu kamel dabe me donki dabe hauwa bidaluali.

Tigidali Nai Gagalama Nigali Side 28:15

Odiąo. Ena nage dali bidiyu, tama nage paboba te tigidali habu te eno tonalua bilaibao. Tama nage eno e tǫba ma odasa asaibao. Tama eno nage munu me tagalisiąbadi, te eno nagebolo po wabo sę tigidali usu nama, pedela silaibao,” Yawego te po wai.

Tigidali Nai Gagalama Nigali Side 18:27

Tialima, Abrahamgo po ma wali, “Genuai Bidio, nago eno te po hauwa wabode wado po wabo homu me elamuo. Ena olo bidi naga dao. Eno magi nai po deli me wagobeo.

2 Samuel 17:24

Tialima, Apsalom dali, te Israel ami bidi dabe dali, te hogodama, Devit pali wali pobeali. Tiali goli, Apsalom te Jordan wę nogebo sogo, Devit te aga hani bidi dabe dali te hanu taun Mahanaimba sabolalio.

Tigidali Nai Gagalama Nigali Side 24:12

Agai tama tiwai gedu haluasa po wali, “Yaweo, eno genuai bidi Abrahamgo God, nago eno sę megi wiegi yai ilao,” wai. “Nago te eno genuai bidi dali megi dwagi yai tau sabo sę emainogo eyu, tama ena tau mao.

Tigidali Nai Gagalama Nigali Side 28:13

Tama Jekopgo suali, te Yawe aga pąde dolalu tama po wai, “Ena Yawe, te nago wąį Abrahamgo God, me Aisakgo God dali dao. Te megi nage e pilamubo tǫ te eno nagebolo mayu, te nago ame nabo waigo wai dabebolo me mawaibao.

Tigidali Nai Gagalama Nigali Side 31:3

Tama nosali Yawego Jekopbolo te po wai, “Nage te naga ayago buluba, me te naga haniba ma pao,” wali. “Tama ena nage dali bidaibao,” wai.