Tigidali Nai Gagalama Nigali Side 31:21 - Godigo dwagi yai po buku

²¹ Tama eyu, te aga doado bage tigidali selama, tama aga wi soali. Agai te Labango bulu tagalama, tama te wę Yufretis nogolama, tama aga te Gileat bulu du dabe elalubo tǫba painu soali.

Tigidali Nai Gagalama Nigali Side 31:21 Referans Kwoze

Te Israel me Juda Hani Sigo Tuni Bidigo Po Elalubo Buku Si 12:17

Te Juda dabego king bidi Joasgo te Genuai Bidigo tempel be dodolabo bidi augwali dąį ila silali, tama te nosali te Siria king bidi Hasael aga ami soldia bidi dabe dali augwali aselama, tama te taun Get hanude boi hwįani. Tama te augwaligo te taun Get bage augwali aiyaba elaluama, tama augwaligo te Get hanu sali. Tama tialima, augwali ma begegi soyu, te Jerusalemba boi hwįgi painu pali.

Jeremaia 50:5

Augwali te Saion bulu duba painogo da, teda augwa teba pabo sunumi hanalu waibao. Te augwa te tiwai po waibao, ‘Tegoba, da pelama, te Genuai Bidi dali po dąų wagi pelainao, te da aga hani we bidi bidaibao. Tama te dąų wali bomo yai po sesemane elalueibao, te bidigo agade homu kone me gegeda palama tagalamu dao.’ Augwaligo te sogo te po waibao.”

Te Israel me Juda Hani Sigo Tuni Bidigo Po Elalubo Buku Deli 17:1

Elaija aga te Tisbe taundu asai profet bidi deli da, aga te Gileat tǫ page bidi da. Me sogo deli aga aselama, tama te king Ahap suagaselama, tama agai agabolo e tama po wali, “Ena Godigo sę bidi dao, Israel hani dabe dena Genuai Bidi. Te God tigidali sogo bidada peyu, bidada pabo God dao, tama agai nogide eno nagebolo dolo po mu obao, te kulubage me, te hulide asobo segeni wę me asisiąbadi, te si sela kibu beba usu nigi paibao,” te po tama wali. “Tama tilaludu bididubadi, tama eno po wabo sogo bodoluba usu nagasaibao,” Elaijago te po wai.

Te Israel Tobolu Bidi Dabe 10:18

Te bidi dabe me te Israel dabe polalubo bidi dabe te Gileatde bidalubo bidi dabe augwa hasi tomode digi hanalua pali, “Te niwai bidi da dali polasa peyu, tama te Amon dabe dali boi hwįaibawe? Te tama tebo bidi aga te Gileatde te tigidali bidigo tobolu bidi bidaibao,” po wali.

Bomai Po 3:12

Mosesgo te Israel dabebolo te po wali, “Dago te hanu dabe sela silibo si, eno te Ruben hani me Gat hani dali sibolo tǫ mani, eno te hanu Aroerdu gagalama, te wę Arnon pąba saboligi pelama, te dąį ilali. Tama eno augwalibolo te Gileat bulu du si badu augwalibolo eno mawai dao. Te aga hanu dabe dali sese tama mawai dao.

Israel Hanigo Namba 32:1

Te Ruben hani, me Gat hani augwaligo kau kibu dali sipsip dali hauwa mu bidali. Tama augwaligo te distrik Jaser, me Gileat tǫde te kau kibu dabego tubo nosai dabe wiegi yai mu elalubo suali.

Israel Hanigo Namba 24:1

Megi da, Balam agai koneani, Genuai Bidigo Israel dabe dali wiegi yai kolesaga yainogo ebo suali. Te tama tibaso, aga pelama, Genuai Bidibolo hasia yali gilama agabolo te po ola momainu me hanalube. Menio. Aga begelama, nai meni yai wa pai buluba tonani.

Tigidali Nai Gagalama Nigali Side 46:28

Te Jekopgo Juda polasa tagala palali, te Josepbolo hanalugi pomainu pelama, te aga aya agai te Gosen hanu tǫba tiąba asomainu yali. Tama Jekopgo hani augwali te sabolubo sogode,

Tigidali Nai Gagalama Nigali Side 37:25

Tama nosali augwali dugulama, tama toma neyu, nai tuali. Te augwali nai tuyu bidalubadi, tama augwaligo te Ismael bidi hani aselabo suali, te gasa nogi me elalubo te Midian bage dao. Augwali te Gileat tedu aselama, tama te Isipba painu soali. Tama augwaligo kamelgo te gasagi yai denami ebo ni kaneme, me te haniani sanda dabe, te sela soali, magi baso meni, augwali te Isipba pelama, tama tede te augwa dobu si ebo bisnis sę yaibao.

Tigidali Nai Gagalama Nigali Side 31:23

Tialima, Labango te aga bidi dabe meba selama, tama augwaligo te Jekop pali wali pidubadi, te a naga olama, nogo si, tama sogo wabode sabolali. Tama augwaligo Jekop te Gileat bulu du pedai te badu bidibo suai.

Tigidali Nai Gagalama Nigali Side 15:18

Te side digi tama te Yawego tau sabo bomai po Abram dali dąų weyu, tama agai tama po wali, “Te eno te e tǫ tigidali te nago nosali ame nabo bulai wai, te hani dabe augwalibolo mawaibao. Tama te tǫ dąį te wę sesedu te Isip dabe tǫ pedai badu gagalasa, te genuai wę Yufretis teba saboligi paibao, moni tǫ mu.

Tigidali Nai Gagalama Nigali Side 2:14

Te sela wali ąį nogi Taigris nogi yai. Te ąį pali, te Asiria moni tǫ te giliga pedalubo badu pabo. Te me si me si wali ąį augwaligo te nogi Yufretis nogi yai dao.

Tigidali Nai Gagalama Nigali Side 31:20

Jekopgo te Aram bidi Labanbolo te aga pobao po me wabeo, te aga geme soai. Tama tiyu, agai te aga ili po ola maduali tiwai yali.

Tigidali Nai Gagalama Nigali Side 31:22

Si sogo bidai digi, tama te bidi dabego te Jekop wi pali po Labanbolo wali.

2 Samuel 24:6

Nosali ma augwa te Jaser taga peyu pelama, te Gileat bulu tǫba pali, te Tatimhotsi te tǫ pedai badu palio. Tialima, augwa te badu bidali tagalama, tama augwali te bulu Danjanba sabolali, tama augwa baguasa pelama, tama te Saidon bulu, te giliga dega sigulubo pedai badu, teba sabolali.