Tigidali Nai Gagalama Nigali Side 31:10 - Godigo dwagi yai po buku

¹⁰ “Tama te meme omai dabego penani ebo sogo, eno te tiwai na yai, eno te meme omai kibu augwaligo tigide dodobolo pali haniani elalubo suali, te augwaligo naga te meme so kibu dabe penani ebo dao.

Tigidali Nai Gagalama Nigali Side 31:10 Referans Kwoze

Te Israel me Juda Hani Sigo Tuni Bidigo Po Elalubo Buku Deli 3:5

Tama te hulide Solomon te Gibeonde godege piai madi, tama te nade te Genuai Bidi agaba pedelali. Tama Godigo te tiwai po wali, “Te nago mena nai godolo eyu, te enaba hanalu obaso da, tama teda eno nageba mawaibao,” po wali.

Bomai Po 13:1

“Ma, te profet bidi o te na yai po haninibo bidigo dage kegasa, dage te tibo god dagego polobadu lotu me wasiąma yai, te lotuba odasa painogo ebaso, me agai haniani bomo yai sę dagego sulama, homu begelama, mu dao omainogo ebaso, ma agai po mu dao omainogo te sę dabe ebaso da, teda dagego te po munu me odamuo. Agai pogo obadi, te haniani sę te tiwai mu pedaluali goli, tagalao.

Israel Hanigo Namba 12:6

Tama Genuai Bidigo po wali, “Dage sigo eno po odiąo. Te profet bidi me dage Israel dabe tomode bidibo sogo, eno ena digi agaba te nade ola mabo tiwai elama, eno aga dali nade po wabo dao.

Tigidali Nai Gagalama Nigali Side 31:24

Tama hulide, Aram bidi Labango na yali, tama God agaba pedelama, te po wali, “Nago te Jekop dali magi po me deli, ma aga wi ilibo sę me elamu dao,” te po wai.

Tigidali Nai Gagalama Nigali Side 30:39

Tama te meme omai dabego te ni nologo dabe sulama, tama penani emainu yali, tama nosali te so kibu dabego te ame nabo wai te dodobolo pai dabe ame nomainu yalio.

Tigidali Nai Gagalama Nigali Side 28:12

Te aga piali sogo te aga na ebadi suali, te togobili me deli page te tǫde elalu, te aga tobolu te dagalude ugwaba ilama elaluai. Tama te Godigo mobo bidi ensel dabe te togobilidu ugwaba holoyu, aiyaba duluyu ebo, te agai suali.

Tigidali Nai Gagalama Nigali Side 20:6

Te nade Godigo te tiwai po wei ponani, “Awe, eno koneani, te nago homude dolo homu ebaso, nago tama tiali. Tama koneabaso, eno nage te we pąba pigi pisąma emainu elama, tama enabolo dwai sę idali homu yai.

Tigidali Nai Gagalama Nigali Side 31:9

Tama tiyu, tama Godigo te dage sigo ayago meme ma sipsip hani selama, te enabolo mawai dao,” wali.

Tigidali Nai Gagalama Nigali Side 31:11

Tama eno nade Godigo ensel mobo bidigo ena i olama, tama enabolo te po wali, ‘Jekop.’ Tama eno te po wai, ‘Ena e bidibao.’

Tigidali Nai Gagalama Nigali Side 31:12

Tama agai po ma wali, ‘Suao. Te omai kibu meme te tigide haniani dodobolo pali, augwaligo naga te meme kibu so dabe penani ebao. Ena digi eno te tiwai ilibao, magi baso meni, eno suali, te Labango nagebolo ebo sę tigidali eno sualio.

Tigidali Nai Gagalama Nigali Side 37:5

Tama me sogo deli te Josepgo na elama, tama agai te na yali te aga ama dede dali pusali. Tama augwaligo odama, tama augwaligo homu dwai mu elaluali. Magi baso meni,