Tigidali Nai Gagalama Nigali Side 30:8 - Godigo dwagi yai po buku

⁸ Tama Reselgo te po wai, “Eno te ena ama dali bomonama mu hwįanigo tama megi eno nogi ugwa sali.” Tama agai te wai nogi Naptali poai.

Tigidali Nai Gagalama Nigali Side 30:8 Referans Kwoze

Matyu 4:13

Tama aga te Nasaret hanude osogo bidama, tama tedu pelama, te Kaperneam buluba pelama bidigi pai. Te Kaperneam hanu te sigi wę sesegede elaluali, te Sebulun bidi hanigo tǫ me te Naptali bidi hanigo tǫ me te tǫ si te badu elalubo dao.

Tigidali Nai Gagalama Nigali Side 49:21

“Naptali te uni sulai meme te aga homu wali bilibo tiwai yaiba. Tama aga wiegi yai wai dabe ame nabo da.”

1 Samuel 14:15

Tama te Filistia ami dabe te bidibo pesagede bidali, tama te bulude biliyu hwįbo ami bidi dabe, tama te tigidali gasa Filistia dabego me te hwįani po sabilibo odama, tama augwali wi dwai mu yali. Tama tǫ mali yai. Tama Godigo te Filistia dabe homu kolesaga dolama, tama augwali wi tedela pai dao.

Bomai Po 33:23

Tama agai Naptali hani kone elama, te po wali, “Genuai Bidigo nai wiegi yai hauwa te Naptali hanibolo mani. Te Galili sigi ąį augwaligo bulude elalubao. Tiali goli, te tǫ te wę edelama, ibanu pelama, ganama dao, te ąį u badu.”

Ma Dobola Sali 9:28

Te talua ge tulubage tulali dali, te dagalu kulukulu wali, te sigo da dolai dao. Tama nago gedu haluasa po Genuai Bidibolo olama, tama agai te nai silibo side, te eno dage pomainogo tagala palaibao. Tama dage e tǫde ma bidimainogo menio,” wali.

Tigidali Nai Gagalama Nigali Side 46:24

Tama te Naptaligo ogwa dabe te e tama, Jasiel, me Guni, me Jeser, me Silem.

Tigidali Nai Gagalama Nigali Side 35:25

Bilha te Reselgo sę ebo wego te wai si elaluali, Dan me Naptali.

Tigidali Nai Gagalama Nigali Side 23:6

“Woo, genuai bidio, nago dago po odao. Nage te da tomode bidibo genuai tobolu bidi deli dao. Nago we te dago wiegi yai gų pagede pubulao,” wali. “Te da me deli te dago te nago we pubulainu te gų page sainu ebaso, te dago me yogo eyu, dąų me wagobeo. Menio.” Te po wai.

Tigidali Nai Gagalama Nigali Side 30:7

Tama Bilha te Reselgo sę ebo we te aga tabi ma elama, tama Jekopgo ogwa tomo bidi ame nani.

Tigidali Nai Gagalama Nigali Side 30:9

Leago suali, agai te wai ma ame nabo homu isąbaso, tama agai aga sę ebo we Silpa te Jekopbolo mawai. Tama Silpa te Jekopgo we tiwai pedelai.