Tigidali Nai Gagalama Nigali Side 30:41 - Godigo dwagi yai po buku

⁴¹ Tama te wiegi yai bomai sipsip me meme dabe penani ebaso da, teda Jekopgo te ni nologo dabe te wę tubo madi te augwali gesabidide muani, tama augwaligo te ni nologo dabe sulama, tama penani yai.

Tigidali Nai Gagalama Nigali Side 30:41 Referans Kwoze

Tigidali Nai Gagalama Nigali Side 30:38

Agai te tiwai dodobolo pai ni nologo tigidali te sipsip hani dabe augwali gesabidide te wę tubo pesagede dodolali. Agai koneani, te sipsip dabe me meme dabe augwali te wę tuagasobo sogo, te sipsip omai me te meme omai augwaligo te kibu so dabe penani yaibao, te homu yali.

Tigidali Nai Gagalama Nigali Side 30:40

Tama Jekopgo te dodobolo pai sipsip wai hani tigidali te gasaba tedali muani. Tama agai te Labango tedela yai sipsip omai dabe te so dabe me selama, tama augwaligo Jekopgo dodobolo pai sipsip tonalubadi augwaligo penani yali. Agai te tiwai tama tilama, te aga digi sipsip me meme dabe pedalumainu ilali, tama agai te Labango sipsip me meme dabe dali deliba me sisinibeo.

Tigidali Nai Gagalama Nigali Side 30:42

Tiali goli, agai te bomo meni yai sipsip me meme dabe augwali gesabidide te ni nologo dabe me mubeo. Tama tibaso, te sipsip me meme dabe te bomo meni yai dabe augwali te Labango da, tama te wiegi yai, te boma pai, te dabe te Jekopgo sali.