Tigidali Nai Gagalama Nigali Side 30:34 - Godigo dwagi yai po buku

³⁴ Tama Labango te po wali, “Te wiegi yai dao! Dago te nago wabo po gilama tiwai yaibao,” wali.

Tigidali Nai Gagalama Nigali Side 30:34 Referans Kwoze

Galesia 5:12

Tama dage te tigiwali togwa po wabo bidi dabe augwaligo dagego wiegi yai homu elalubo te homu kolesaga augwaligo dolainogo eyu, te tigiwali togobo po wabo dao. Tama eno homugo te bidi dabe augwaligo augwa digi domo dįao!

1 Korin 14:5

Eno homugo dage tigidaligo te we bidigo konesiąbo pogo po omainogo te homu godolo ebao. Tiali goli eno homugo te Godigo po dagego pusumainogo te homu mu godolo ebao. Magi baso meni, te Godigo po hania pusubo bidi agai te we bidi tau sabo sę ebogo te we bidigo konesiąbo pogo po wabo bidigo tau sabo sę aiyaba elalubo dao. Tiali goli, te we bidi augwaligo te po page hania konemainogo eyu, bidi mego te po page begeleyu da, teda te usu da, te po pusubo bidi dali te we bidigo konesiąbo pogo po wabo bidi dali sigo tau sabo sę te tiwai si dao.

1 Korin 7:7

Te eno homugo tigidali we bidi te ena digi tiwai bidimainu homu ebo dao. Tiali goli eno koneani, te Godigo tigidali bidi deli delibolo te haniani sę yabo kolesaga mani. Te me deligo te gasa tobage me tiwai tedali siyu, te gasa mego te gasa tiwai tedali sali.

Israel Hanigo Namba 22:29

Tama Balamgo donkibolo te po wali, “Nago ena te polai bidi tiwai gagalalio. Tama tibaso, eno nage sela sogo elalio. Ma, eno bainat hwą tolalugi sogo da, eno nage ela mugi dao.”

Tigidali Nai Gagalama Nigali Side 30:33

Tama eyu bidaluama, nosali nago osola sulama, te eno doloba pai kolesaga yali, ma nago suagameo. Te nago eno ena maiabo nai dodolobo sogo, tama te meme me deli, ma te sipsip me deli te dodobolo pai ma husugu yai elalusiąbaso da, teda nago koneyu, te eno wi sali da po wagameo,” wali.

Tigidali Nai Gagalama Nigali Side 30:35

Tiali goli, te sogo digi Labango digi te tigidali meme omai me, te tigidali meme so me, te dodobolo pai naga salio. Tama agai te husugu yai sipsip wai tigidali sali. Tialima, aga ogwa dabego te sipsip me meme dabe tonalumainu tedali muani.