Tigidali Nai Gagalama Nigali Side 30:27 - Godigo dwagi yai po buku

²⁷ Labango Jekopbolo te po wali, “Odao! Eno nage dali po elalubao. Eno te enade pedelali sęde konea selama, tama megi da, eno konebao, te Yawego wiegi yai sę enabolo yali, magi baso meni, te nage ena dali bidibo dao.

Tigidali Nai Gagalama Nigali Side 30:27 Referans Kwoze

Godigo Sęba Tagala Palai Bidigo Po 7:10

Tama Godigo aga tonaluali, me me sęgę pedalobaso, Godigo aga tau selama, bugagia bidali. Te Isip tǫ genuai tuni bidi, tama Josep te Isip tǫ genuai tuni bidi gesabiba pelama, tama Godigo aga tau selama, Josepgo dwagi yai kolesaga ebo te tuni bidigo sulama, aga dwagi yai bidi dao, te tuni bidigo agade te homu yai. Tama tibaso, tuni bidigo Josep te Isip tǫ genuai gavman bidi nigilama, bidalio. ‘Tigidali me me sę nago naga tonaluao, eno bede me,’ Isip tuni bidigo te po wali.”

Aisaia 61:9

Te eno we bidigo bulai wąį wai dabe te gasa tǫ kantri hani we bidi tomode genuai nogi elalueibao. Te augwali subo we bidi dabe, te augwa te tiwai koneaibao, te hani dabe te eno hani dabe dao, Genuai Bidi, ena digi eno augwali wiegi yai ilaibao,” wali.

Rutgo Po Elalubo Buku 2:13

Tama Rutgo po wei ponoyu, Boas dali te po wai, “Nago wiegi yai kolesaga mu enabolo ilibao! Ena te nago sę ebo we dabe tiwai wiegi yai meni, tiali goli, nago po dua digi mu enabolo wabo, tama tebo pogo ena homu dąų walobao,” wali.

Tigidali Nai Gagalama Nigali Side 26:24

Te sogo hulide Yawe te agaba pedelama, tama te po wai, “Ena naga aya Abrahamgo God dao. Nage wi me elamuo. Ena nage dali bidibao. Te eno nage tau siyu, nage dali dwagi yai sę elama, tama nago wąįgo wai dabe hauwa pedalumainu yaibao, magi baso meni, eno te ena sę bidi Abraham godolo mu yali dao, tama aga tobade eno tama tiaibao,” wali.

Ma Dobola Sali 3:21

“Eno tama ilama, tama te Isip we bidi augwaligo dage dali dwagi yai homu yaibao, tama dagego te Isip tǫ taga soainogo ebode, te dage olo me pogobeo. Menio.

Tigidali Nai Gagalama Nigali Side 12:3

Te nage dali wiegi yai kolesaga ebo bidi dabe, augwalibolo te eno wiegi yai mobo augwaliba mayu yaibao. Te ena digi te nago nogi aiyaba muabo dwai po wabo bidi dabe te eno augwalide te dolabo po mu waibao. Tama tigidali tǫde bidalubo bidi hani dabe te nago hanide naga te wiegi yai mobo augwaligo saibao,” Yawego Abrambolo te po wai.

Tigidali Nai Gagalama Nigali Side 47:25

Tama augwaligo te po wai, “Genuai bidi, nago da tau mu saligo, tama da me deli te gų pageba me mubeo. Tialima, megi da, nago homugo usu eyu da, da tigidali te Ferogo sę olo mu ebo bidi dabe pedelaibao,” wali.

Tigidali Nai Gagalama Nigali Side 33:15

Tama Isogo te po wai, “Te eno hani bage meba nagebolo mawaibao,” wali. “Augwali te nage dali bidiyu, tama dage odasa asomainu yaibao.” Tiali goli, Jekopgo te po wei ponai, “Genuai bidi, eno homugo te nago wiegi yai homu ena dali emainao. Tiali goli, nago bidi dabe ede bidao homu, te tagalao, te eno sę ebo augwali te usu yaibao.”

Tigidali Nai Gagalama Nigali Side 30:30

Polobadu te nago sipsip hauwa meni yai, te dwasianu hani elaluali. Tama megi te ena nage dali bidiyu, tama nago sipsip kibu dabe geninama, hauwa pedelali, magi baso meni, te nago ena haniani sęba muani goli, te Yawego wiegi yai sę nagebolo yali. Tiali goli, te eno ena hani bage tau sabo sę nisu egowe?”

Tigidali Nai Gagalama Nigali Side 18:3

tama agai te po wai, “Genuai bidi dedeo, dagego usu da wida, eno dage tau saio. Dagego eno be ela solamuo. Ena dagego sę ebo bidi dao.

Daniel 1:9

Tama Godigo te Aspenasgo te Daniel homu dene emainu ilali,

Te Israel me Juda Hani Sigo Tuni Bidigo Po Elalubo Buku Deli 11:19

Kingo te Hadat wei eyu, godolo homu elama, tama kingo te kwin Tapenesgo ama te Hadatba mawai. Tapenes te Isip kingo we dao.

Israel Hanigo Namba 11:15

Ma, nago te sę ena dali tama tiainogo da, teda nago ena hobede elama, nago ena elama, isilao, tama eno te bomai sę me te sęgę tologobeo,” Mosesgo te po wai.

Tigidali Nai Gagalama Nigali Side 34:11

Tialima, Sekemgo te Daina aga ayabolo me aga abe dabebolo te po wai, “Te dagego enabolo usu obaso da, teda eno dagebolo te mena nai dagego sainu homugo wei ebo nai, te dagebolo eno mawaibao.

Aisaia 65:8

Genuai Bidigo te po wai, “Te bidi me deligo te bono du wain te du pa elalubo nogogo sąwainu ebaso, gasa bidigo te po wagi da, ‘Tonalu bolo yao,’ wai. ‘Eno te wiegi yai wain wai du meba te pąde elalubo suali. Dago selama, te tuabo wain ąį meba nigibaso, usu yaibao,’ wai. Te tiwai tama, ena Genuai Bidi, eno te tigidali Israel we bidi me dologobeo, magi baso meni, augwali eno sę bidi dabe dao.

Aisaia 6:13

Tama ma dwasianu we bidi hani te tǫde me bidibaso da, augwali me silaibao. Tiali goli, tagala, te bulude we bidi meni baso me, te nosali ena we bidi me ma pedalaibao, te ni age te bidigo polo gelai ni tanede age ma dalasa holobo tiwai ma yaibao,” wali.

Godigo Nogi Ugwaba Sabo Tęąbi Po Wabo Buku Dabe 1:3

Te bidi te ni bidi mego ąį sesegede bulai ni elalubo tiwai bidibao. Te nigo nedudu walobo, te sogo dolo naga waliyu ebo dao, tama te ni yabe me sasia pabo menio. Tama tigidali sę agai ebaso, te bugagia pedalobo dao.

Nehemia 2:5

tama eno kingba te tiwai po wali, “King, te nago enaba bugai haliga ebaso da, teda eno nageba te magi nai po me deli hanalu wainu ebao. Te e tama tiwai. Te nago homu usu eyu da, te nago ena te ena wąį nǫų dabego taun te Juda tǫba pomainu ebaso da, te eno ena abagi dabe dali te taun ma geseliyu nigibo sę tau sigi pomainu ilao,” po wali.

Nehemia 1:11

Tama da tigidali Israelgo te nageba wiegi yai homu pemene elama, tama nago nogi ugwaba sobao. Tama eno homugo megi nago te tigidali Israelgo gedu haluasa po wabo odomainu homu ebao. Tama me te nago megi eno e gedu haluasa po wabo me odao homu ebao. Tama eno te king sugi pabo si da, teda nago digi te kingo ena homu dene emainu ilama, tama agai ena tau somainu yao.” Eno te gedu haluasa po te ena kingo sę bidi bidali sogo wali. Eno sę te kingo wain ąį tonalubo sę yali, tama te wain wę sela pelama, te kingo tumainu magi pabo sę yai dao.

1 Samuel 16:22

Tama Solgo Jesiba po ola toliyu, te tiwai po wai, “Eno Devit godolo homu ebao. Tama tiyu, eno homugo nago aga te eno sę bidi bidimainu ilao,” wali.

Israel Hanigo Namba 11:11

tama Genuai Bidibolo e tama po walali, “Nago magi baso ena dali dwai sę yaliwe? Magi baso nago ena dali wiegi yai homu ebewe? Te me nago magi baso te we bidi tonalubo sę enadubabolo mawai dawe?

Tigidali Nai Gagalama Nigali Side 44:5

Magi baso dagego eno genuai bidigo silva kap wi sela soaliwe? Genuai bidigo te kapde wę tuyu, tama agai te mena sę nosali pedelabo te me konebo sę ebo dao. Dagego dwai kolesaga mu yalio!’ Nago augwalibolo tama po wao,” wali.

2 Samuel 6:11

Tama halobage te Obetidomgo bede munalubadi, te polua sela bidai. Tama te sogo Genuai Bidigo te Obetidom dali te aga hani sibi tigidali te wiegi yai bugagia ilali.