Tigidali Nai Gagalama Nigali Side 30:15 - Godigo dwagi yai po buku

¹⁵ Tiali goli, Leago po wei ponoyu, te po wai, “Nago eno bidi sai dao, tama nago te olo nai da te homu ebawe? Tama megi nago te eno ogwago sali nai nago godoloyu sainogo obawe?” wali. Tama Reselgo te po wai, “Te nago ogwago gegali nai te ena mobaso da, teda nage Jekop dali megi hulide piagameo,” Reselgo te po wai.

Tigidali Nai Gagalama Nigali Side 30:15 Referans Kwoze

Israel Hanigo Namba 16:13

“Nago da wiegi yai bulu Isipdu odasa e nai meni yai buluba odasa aselama, da ela isilainu asai dao. Tama nago homugo te da, te olo sę dawe? Tama megi me nago da tonaluainuwe?

1 Korin 4:3

Tiali goli te dage, ma te bidi me deligo po tųgo te eno te sę ebo kolesaga dagalainogo da, teda eno homugo te magigo meni. Magi baso meni. Ena digi me te ena sę ebo kolesaga te me dagalabo menio. Tiali goli te usu dao, po meni.

Esekiel 16:47

Polobadu te wegi ama nami sigo dwai kolesaga mu yali, tama nago augwali sigo te kolesaga wali pali. Tiali goli, tego nago godolo ebo homuba usu nubeo. Menio. Te sesabi menisąbadi, te pąde sogo te nago kolesaga te dwai mu umagi elama, tama te wegi ama nami sigo yali dwai kolesaga aiyaba elaluai dao.”

Aisaia 7:13

Teda Aisaiago po wei ponoyu, te po wali, “Dage tuni bidi Devitgo wąį dabe, dagego bugagia odao. Dagego ebo kolesagade da te bidi dabego dage hagela mu yali. Tama megi ma eno Godigo tonalubo kolesaga te dagego usu sogowe?

Tigidali Nai Gagalama Nigali Side 30:14

Tialima, te tubo nai wit togobo sogo pedalubode, tama te ogwa Ruben te wit togobo madiba pelama, tama agai te wego wai sainu tau sabo nai te dwasianu nide sai. Tama agai te aga ida Leabolo sela asali. Tama Reselgo te naide koneama, tama Leabolo te po wali, “Nago te wai sainu tau sabo nai meba te enabolo mao,” wali.

Tigidali Nai Gagalama Nigali Side 30:16

Te pio Jekop te giba pali beba ma asobadi, tama Lea te sunumidu aga tiąba pelama, tama te po wai, “Nage megi hulide ena dali piagameo, magi baso meni, te eno ogwago gegali naigo nage abelalio.” Tialima, te sogo hulide Jekop aga dali piali.