Tigidali Nai Gagalama Nigali Side 3:24 - Godigo dwagi yai po buku

²⁴ Godigo te bidi me we me sela sąnama, tama agai te bomai mobo ensel bidi tiwai, te bage te Iden giba muani. Tama agai te gegemani yai moni hwą ge me deli munama, tama te tigidali habuba bebegeli bebegeli bilibao. Te mobo ensel tiwai dabe dali, te moni hwą ge dali sigo tonalubao, tiyu bidi me deli te bidibo ula mabo ni pageba pedalidali weyu tebo dao.

Tigidali Nai Gagalama Nigali Side 3:24 Referans Kwoze

Hibru 1:7

Tama God agai te ensel bidi dabe augwalide te po wai, “Godigo te aga ensel mobo bidi dabe augwali te wali tiwai pedalomainogo ilibo dao. Te agai aga sę ebo bidi dabe augwali te moni posolo ebo sia tiwai pedalomainogo ilibo dao.”

Godigo Nogi Ugwaba Sabo Tęąbi Po Wabo Buku Dabe 104:4

Nago te wali tagala palama, tama waligo nago po sela pabo dao. Tama nago te be selego ula ebo te nago sę bidi pedalobo dao.

Dwagi Yai Gesi Po Jongo Asęani 14:6

Jisasgo Tomasbolo te po wai, “Ena digi ena te pabo tų dao, tama ena mu po wabo page dali, bidabo ula page dali te enade elalubo dao. Tialima bidi me deli Aya pageba gasa tųdu nogo habu sugunai tųdu me pogobeo. Pabo tų ena deli dao.

Godigo Nogi Ugwaba Sabo Tęąbi Po Wabo Buku Dabe 99:1

Genuai Bidi king bidibao. Te we bidi dabe wi elama, noma sai. Aga te sia kingde te ensel dabe daide dugulalubaso, tama te tǫ mali ebo dao.

Godigo Nogi Ugwaba Sabo Tęąbi Po Wabo Buku Dabe 80:1

Te Israel dabe tonalubo bidi, nago te naga sipsip dabe da bilibo dodolobo dao. Te dago gela wabo odao. Nage te ensel dabe daide ugwadu king bidibo dao.

1 Samuel 4:4

Te polalubo bidi te hetman dabego te po wali silibo side, teda te ami bidi dabego te bidi meba Siloba tagala palama, tama augwaligo te Dąų Wali Bomai Po Munalubo Halobage te Genuai Bidigo Tigidali Bomo Elalubo, te halobage sigi pomainu tagala palai. Te halobagede te ensel bidi noma nigali elalubo, te ugwadu daide elaluai, tama te Genuai Bidi king duabo sia sai tiwai elaluai. Tama augwaligo te halobage sela asobo sogo da, teda te Eligo ogwa si, Hopni me Finias sigo te Dąų Wali Bomai Po Munalubo Halobage sela asobo tonalua asu, te bidi dabe dali asai dao.

Josua 5:13

Josua te hanu Jeriko pąde bidali sogo, agai bidi me deli te bainat hwą ge tolaluyu, dolalubo suai. Tama Josua aga dwai noma mu selama, tama agaba pelama, tama agabolo hanalu wali, “Nage te dago ami bidi me deli dawe, ma nage te boi bidi me deli dawe?” te po wai.

Israel Hanigo Namba 22:23

Te enselgo bainat hwą tolaluyu, sunumide dolalubo suali, tama tibaso donkigo sunumi tagalama, bogo badu pali. Tama tibaso, Balamgo aga donki elama, sunumiba ma tagala palali.

Ma Dobola Sali 25:2

“Te Israel dabe augwalibolo po olama, tama augwaligo nai dabe selama, enabolo ofa momainao. Te we bidi augwaligo mena ofa nai mawainogo homu ebaso, te usu da, te nago sao.

Tigidali Nai Gagalama Nigali Side 3:23

Tama tibaso, Yawe Godigo te bidi te Iden gide sela sąnama, tama aga tagala palama, te Godigo aga nigali tǫde sę emainogo yai dao.

Tigidali Nai Gagalama Nigali Side 4:1

Adam aga we dali pilama, tama we haliga yai. Tama wego ogwa me deli ame nenama, tama agai te po wai, “Yawego ena tau selama, tama eno ogwa salio.” Tama tibaso, agai te ogwa nogi Kein poai.

Tigidali Nai Gagalama Nigali Side 4:14

Te nago ena e tǫde nago gedude me te sela sąwaibao po wai. Te ena bidabo bulu meniama, tama ena subigila te tǫde bilaibao. Tama bidi me deligo te ena suali da, teda agai ena ela muaibao,” wali.

Esekiel 10:1

Tama eno te dagalu ugwadu tede te genuai dąį tiwai nai ma suali, tama te bidi tiwali nai me si me si te dąį dologode elalubo eno suali. Tama te ugwadu dąįgo ugwadu daide eno te bidi dugulalubo nai sia king me deli augwaligo te sisi dagalu masigi te gasa sawi yai mugo nigai sualio.

Esekiel 31:11

Eno aga tudi ola mawai dao. Tama eno aga gasa bomai king mego nogoba mani. Tama te kingo te ni agai yali dwai kolesaga wei ponoyu, dene mawai dao.