Tigidali Nai Gagalama Nigali Side 3:19 - Godigo dwagi yai po buku

¹⁹ Te nage sę dene eyu, posolo pedelama, tama te tǫde nai pedelaibao. Tama nage sę dene sesemane sogo iduama, tama nago isabo sogo usu nigi pelama, tama nage te tǫba ma paibao. Magi baso meni, eno te tǫgo nage nigali, tama nage te tǫba ma paibao,” Godigo te po wai.

Tigidali Nai Gagalama Nigali Side 3:19 Referans Kwoze

Kolesaga Koneai Bidigo Pusali Po Elalubo Buku 12:7

Tama dagego tigi te tǫ ma pedelaibao, tama Godigo dagebolo te mani homu ogwa wai mobo bidi, te God agaba ma paibao.

Jopgo Po Asęani Elalubo Buku 34:15

teda te tigidali tǫde bidibo nai dabe deli sogo tama isigi dao, tama da we bidi me tǫ ma gagagi dao,” Elihugo te po wali.

Godigo Nogi Ugwaba Sabo Tęąbi Po Wabo Buku Dabe 104:29

Nago augwali tudiba mubaso, augwali wi ebo dao. Tama nago augwaligo mobo sela sąwani da, te augwali isilama, tǫ tiwai ma gagawaibao.

Tigidali Nai Gagalama Nigali Side 2:7

Tama Yawe Godigo te tǫ meba selama, tama te tǫgo bidi nigai. Tama agai bidibo ula maiabo mobo te bidigo guni tomoba ponama, tama bidi te bidibo ula pedelai.

Godigo Nogi Ugwaba Sabo Tęąbi Po Wabo Buku Dabe 90:3

Nago te we bidi dabe isimainu elama, tama augwali te tǫ ma pedalumainu ebo da. Tama nago te tama po wali, “Dage tǫde we bidi, dage isilama, tama te tǫ ma gagawaibao,” wai dao.

Efesus 4:28

Tama te polobadu nai wi sidu geai bidi agai te nai wi sabo sę tagalama silao. Megi aga digi doloba pai sę yao. Tama agai aga digi nai sabo sę aga nogogo digi eyu, tama aga digi tau siyu, te nai meni yai we bidi me tau siyu yao.

Kolesaga Koneai Bidigo Pusali Po Elalubo Buku 3:20

Godigo tǫ selama, augwali si nigali, tialima augwali si isibo si da, te augwali si tǫ tiwai ma pedelaibao.

Tigidali Nai Gagalama Nigali Side 18:27

Tialima, Abrahamgo po ma wali, “Genuai Bidio, nago eno te po hauwa wabode wado po wabo homu me elamuo. Ena olo bidi naga dao. Eno magi nai po deli me wagobeo.

Daniel 12:2

Tama Godigo te genuai hani isali we bidi ma hodolaibao. Meba augwaligo te sesemane sogo bidada peyu, bidada pabo wiegi yai ula saibao. Tiali goli, mebago te hale genuai mu elaluyu, tama augwali te sesemane sogo bidada peyu, bidada paibao.

Kolesaga Koneai Bidigo Pusali Po Elalubo Buku 1:3

Dago sę dene mu te kibu be hauwade ebao. Tialima, dago mena wiegi yai nai dabe te sę dene yalide sabo dawe?

Godigo Nogi Ugwaba Sabo Tęąbi Po Wabo Buku Dabe 22:15

Eno dogoni te wa mu pali, tama eno hamena te pedauwalide agana sai. Naga digi ena tagalama, ama ena mu isainu ebao.

Tigidali Nai Gagalama Nigali Side 23:4

“Ena te bulu wau bilibo bidi ede bidibaso, tama eno be tede me elalubeo. Eno te dage tomode te gų page nigabo tǫ pedai me badu mu abelama, tama eno we tede muainogo obao,” wali.

2 Tesalonaika 3:10

Polobadu da dage dali bidibadi, tama dago e bomo yai po dagebolo maiyu tama wai, niwai bidi sę ebo hagelabo homu eyu sę isiąwani te bidibolo tubo nai magio.

Godigo Nogi Ugwaba Sabo Tęąbi Po Wabo Buku Dabe 103:14

Agai koneai, agai da tǫ selama nigai, tama agai homugo da te tǫ hogomu ebo tiwai dao homu ebao.

1 Tesalonaika 2:9

Dago abagi dabe, da dage tomode bidibadi, dago sę dene ebo te tigidali dagego koneai dao. Tama dago dagebolo Godigo dwagi yai po pusubadi, tama dago te masigi sabo gasagi yai sę yai dao, te siade me hulide me yai dao. Te yali sę dagego koneai dao. Dago te sę magi baso yaliwe? Te dago dagebolo sęgę maidali weyu, dago te sę yai dao.

Kolesaga Koneai Bidigo Pusali Po Elalubo Buku 5:15

Te idago da ame nani sogo, dago nai me deli meni yai elaluali. Dago tigi habu olo naga elaluali. Te tiwai naga, da isibo sogo, da olo naga mu paibao. Mu tama, dago te nai hauwa sabo sę dene yali, tiali goli dago te nai deli me sela pogobeo.

Kolesaga Koneai Bidigo Pusali Po Elalubo Buku 1:13

Eno te e tǫde pedelali nai tigidalide homu kolesaga koneabo homu mu yali, tama eno te page hania mu bugagia dagala sigi da homu kone palali. Tiali goli, te sę Godigo dabolo mani te genuai sęgę mu elalubo dao.

Bugagia Bidibo Kolesagade Po Asęai Buku 21:16

Bidigo te wiegi yai homu kolesaga ebo sunumi te tagalubo bidi da, te isilama, tama te isali bidi dabe dali bidigi paibao.

Godigo Nogi Ugwaba Sabo Tęąbi Po Wabo Buku Dabe 22:29

Te dwai kolesaga eyu, hagoma ebo bidi dabego kidu sugunama, tama agaba lotu waibao. Te bidabo ula elalubo usu isiąyu, te isabo ąǫ ebo bidi dabego, te tigidaligo kidu sugunama, te Godiba lotu waibao.

Jopgo Po Asęani Elalubo Buku 21:26

Tiali goli, tigidali we bidi isiyu naga ebo dao. Tama augwali tigidali gų pagede deli madi kigilama, pila muyu, da tiwai si naga ebo dao. Tama te osogane dabe augwali tigide pągąbo dao,” wali.

Jopgo Po Asęani Elalubo Buku 19:26

Eno e tigiwali da, hasia dolaibao. Tiali goli, ena tigiwali dali me bididu da, teda eno God sueibao.

Jopgo Po Asęani Elalubo Buku 1:21

Tama Jopgo te po wali, “Ena idago ame nani sogo, eno magi nai me sela asai menio. Tama ena isibo sogo, te tiwaidu naga paibao. Genuai Bidi aga digi ena te nai dabe mawai dao. Tama aga digi te nai dabe ma te sela sąna silali dao. Tama tibaso, eno agai nogi ugwaba mu sobao,” wali.

1 Korin 15:47

Te hasia polali bidi Adam te e tǫde bidibolo polali. Godigo tǫgo naga aga nigali. Nosali pedalali bidi te agade Adam si wabo bidi, te aga dagalude bidai bidi dao, tedu asai dao.

Hibru 9:27

Tama te tigidali we bidi dabe augwali deli deli te deli sogo naga isaibao, te isabo sogo sa muani, tama nosali te augwali Godigo augwali po tų ebo madiba pedalaibao.

Tigidali Nai Gagalama Nigali Side 3:18

Tama te sesane yai ni me te dwai nosa dabe te tǫde pedelaibao. Tama nago te naga gide nai selama, tueibao.

Jopgo Po Asęani Elalubo Buku 4:19

Tiali goli, bidi dabe da, e tǫde olo nai dao. Nago homu bidigo ensel bidi edelama, Godigo gedude doloba pai bidi bidaibawe? Godigo e tǫde bidigo tigi nigai dao. Tama augwali polo isibo da, te ba bogǫų bidigo sągą agala sabo tiwai dao.

Godigo Nogi Ugwaba Sabo Tęąbi Po Wabo Buku Dabe 104:23

Tama bidi dabe hodaluama, augwali sęba pabo dao, tama augwali sę idubadi, giliga iba dega sigi pabo dao.

Godigo Nogi Ugwaba Sabo Tęąbi Po Wabo Buku Dabe 127:2

Da te kigamu digi mu hodaluama, tama sę dene ela pidubadi, te be hulia saboba usu nani, te mone me nai dabe sabo sę eyu tebao. Tiali goli, teyu, te da odolali sę dene yabuo. Magi baso meni, Godigo te aga wei ebo we bidi dabeba te toma nabo sogo mabo dao.

Tigidali Nai Gagalama Nigali Side 5:5

Tama Adam te kibu be umabo bidi sese hauwa 930 kibu be bidama, tama aga isai dao.

Jopgo Po Asęani Elalubo Buku 10:9

Konea, nago ena nigali te bidigo tǫ sene nigibo tiwai yai dao. Tama megi da, mena tama tialiwe? Nago homugo ena tǫ ma gagamainu ebawe?