Tigidali Nai Gagalama Nigali Side 3:18 - Godigo dwagi yai po buku

¹⁸ Tama te sesane yai ni me te dwai nosa dabe te tǫde pedelaibao. Tama nago te naga gide nai selama, tueibao.

Tigidali Nai Gagalama Nigali Side 3:18 Referans Kwoze

Matyu 13:7

Tama meba te tedelawali nai wai ge te sesane yai bono elalubo madi tomoba tudulaluali. Tama te sesane yai bono elalubo madi tomodu te nai wai ge holali digi, te sesani yai bonogo haluama, tama te nai isilali.

Aisaia 7:23

Te sogo da, dagego gi dabe dola silaibao. Megi te dagego dwagi yai wain ni gi deli delide te 1,000 wain ni bono elalubo, tama te ni dude dagego masigi 1,000 kina te sabao. Tiali goli, te dwai sesane ni me, sesane bono si holama, te ni mesegelaibao, te dwagi yai gi dabe, tama bidi dabe olo bilibo wi yaibao. Ma, bidi dabe augwali teba poloba painu da, teda augwaligo enesigi me selama, hasa kegegi paibao.

Jopgo Po Asęani Elalubo Buku 5:5

Te we bidi nai menia siyu ebode, ma dogoni aloa siyu ebaso da, teda augwali te dwai bidi dabego giba dabe nai sagasiyu yaibao. Tagalogobeo, te dwai sesani bono tomode elalubo nai me, augwaligo te nai me siyu naga yaiba. Tama augwaligo moni doado bage sabo sunumi gegaibao, te bidi hanigo.

Hibru 6:8

Tiali goli, agai te haniani sesani yai bono naga walobaso da, teda te tǫ te olo dwai tǫ dao. Te pąde Godigo gedude dolaibao. Nosali da siago aga daibao.

Jeremaia 4:3

Genuai Bidigo te Juda me Jerusalem augwaliba te tiwai po wai, “Dagego te dwai kolesaga tagalama, te enaba ma aselama, te gesi homu kolesaga sagasiyu, te bidigo gesi noma gi tǫ elama, te nai bulubo tiwai yaibao. Tama dagego te nai te sesane bono elalubo digi tomode me bulugio. Dage Juda me Jerusalem, te duga poloba badia pai dwai homu kolesaga sela sąnama, te eno we bidi dabe dolo pedelao. Te dage tama me tisąbaso da, teda ena te dagego dwai homu kolesagade haliga sębę eyu, te dageba dwai dene mawaibao. Eno haliga sębę te genuai sia dabo tiwai eyu, tama te bidi mego sula sąwainu ebaso, usu me egobeo,” wali.

Aisaia 32:13

Tama dagego eno we bidigo tǫ hagede dage hobedai gela waiagameo. Magi baso meni. Te dwai sesane bono me dwai nosai dabe te bulu tǫde koliaibao. Awe, dagego duga te gana peyu ebo te be dabe homu kone elama, tama dage hobedai gela waiąo. Tama me, dage te duga te gawelama bidibo te hanu dabede me hobeda gela waiąo.

Aisaia 5:6

Te eno te tǫ dolama, tama busi holama, nosai holiyu, tama te sesane ni dabe holama, te gi halua somainu yaibao. Tama eno te wain ni ma tonalubo sę ma egobeo. Te me eno te gi tǫba tulubage me tulamo olama, habu selaibao,” eno abagigo te po wali.

Bugagia Bidibo Kolesagade Po Asęai Buku 22:5

Te bidi tulalu, tama te dolobo tobage nai dabe, te dwai kolesaga ebo bidi dabego sunumide elalubao. Te bidi bugagia bidabo homu ebaso da, aga bilibo te bugagia tonalu, tama te tobage dwai nai dabe ela somainu yao.

Jopgo Po Asęani Elalubo Buku 31:40

tama teda eno te wit nai dali, bali wai dali si te tǫde bulubo si, teda te dwai gąų yai bono dali, olo nosai si naga te tǫde holomainao,” wali. Jopgo po tama silali.

Josua 23:13

teda dagego koneani, te Godigo te augwali munu me sela sągobeo. Menio. Te dagego boi bidi mu augwali pedelaibao. Te augwali te dage tulaluabo tǫ dedage tiwai elaluaibao. Tama augwaligo dage te keloago dene mayu, te bidi tudi badu elibo tiwai gilama dene mawaibao, tama te sesanigo bidi gedude enibo tiwai gilama yaibao. Tama te sęgę elalubadi, te dage tigidali te e wiegi yai tǫde polo isaibao, te dena Genuai Bidigo dagebolo mani tǫ.”

Jeremaia 12:13

Dage Israelgo te wit wai ge bulaibao, tialima te inayani nai tau yali sabo sogo, dagego te sesani yai bono naga elalubo sueibao. Dage odolali sę dene elama, te magi nai me deli dagego me sogobeo. Dagego te Genuai Bidi eno haliga sębę naga saibao. Tama dage dwai hale mu siyąo,” wali.

Bugagia Bidibo Kolesagade Po Asęai Buku 24:31

Te sesane yai bonogo, me te dwai dosago te gi mesega sai elaluai. Tama te gi bagulali masigi obo te degasa pai yalio.

Godigo Nogi Ugwaba Sabo Tęąbi Po Wabo Buku Dabe 104:2

Nage naga ulago digi ma mesegelebo dao, te bidigo aga tigi ugwago mesegelebo tiwai ebo dao. Tama nago dagalu dali, tigidali hǫ munama elalubao, te bidigo ugwa be sęnama, tama baklain bonogo kekelama dąų elalubo tiwai yai.

Godigo Nogi Ugwaba Sabo Tęąbi Po Wabo Buku Dabe 90:3

Nago te we bidi dabe isimainu elama, tama augwali te tǫ ma pedalumainu ebo da. Tama nago te tama po wali, “Dage tǫde we bidi, dage isilama, tama te tǫ ma gagawaibao,” wai dao.

Jopgo Po Asęani Elalubo Buku 1:21

Tama Jopgo te po wali, “Ena idago ame nani sogo, eno magi nai me sela asai menio. Tama ena isibo sogo, te tiwaidu naga paibao. Genuai Bidi aga digi ena te nai dabe mawai dao. Tama aga digi te nai dabe ma te sela sąna silali dao. Tama tibaso, eno agai nogi ugwaba mu sobao,” wali.

Polgo Po Pas Rom Dabeba Asęani 14:2

E tiwai yao. Bidi me deligo Kraisde konealubo po bomo elama dąų olama, tama agai tigidali haniani nai tubo dao. Tiali goli gasa bidi mego Kraisde konealubo po dąų olama gisiga konesiąwai bidi, te bidi agai te mi tubo sęde habu selama, tama te gide holobo nai naga agai tubo dao.

Tigidali Nai Gagalama Nigali Side 3:17

Tama Yawe Godigo bidibolo te tiwai po wai, “Nago te naga wego po odolama, tama eno nagebolo te tugio olama habu selali nedu du te nago tualio. Nago tama tiwai yaibaso, teda eno te tǫ dolama, tama te nai dabe bugagia holomainogo me egobeo. Naga digi naga te sę dene mu sesemane sogo iduama, te tǫde nai pedalumainogo yaibao.

Tigidali Nai Gagalama Nigali Side 3:19

Te nage sę dene eyu, posolo pedelama, tama te tǫde nai pedelaibao. Tama nage sę dene sesemane sogo iduama, tama nago isabo sogo usu nigi pelama, tama nage te tǫba ma paibao. Magi baso meni, eno te tǫgo nage nigali, tama nage te tǫba ma paibao,” Godigo te po wai.