Tigidali Nai Gagalama Nigali Side 29:8 - Godigo dwagi yai po buku

⁸ Tama kibu tonalubo bidi dabego te po wai, “Menio. Dago tama me tegobeo. Te tigidali sipsip hani sisiniyu bolo elama, tama nosali dago te wę ulu dedage paliali masigi dagala munama, tama te sipsip dabe wę mabo dao.”

Tigidali Nai Gagalama Nigali Side 29:8 Referans Kwoze

Dwagi Yai Gesi Po Lukgo Asęani 24:2

Tama augwali te gų pageba sabolama, te gų page sunumi dąų wali genuai masigi augwaligo suali, te gų page sunumide munalubo sube, te masigi augwaligo hogogo bele pelama bogo badude munalubo suai. Tama tibaso, te we dabe augwali te gų page tomoba pai.

Dwagi Yai Gesi Po Makgo Asęani 16:3

Tama pobadi augwa hasi po mia siyu, te po wai, “Dego da tau selama, tama te gų page paniani masigi hogogo bele pogowe?” Magi baso meni, te masigi te genuai bage mu dao. Tama pąba sabolama, tama augwaligo tonono pobadi, tama augwaligo suali, te gų page paniani masigi te me elalubeo. Menio. Bidi me deligo te masigi hogogo bele pai.

Tigidali Nai Gagalama Nigali Side 43:32

Augwaligo te Josepgo nai te gasa tebol saiba muyu, te aga ama dedego nai te gasa tebol saiba muyu yali. Te Isip dabe augwaligo te Hibru dabe dali nai deli madi tubo te hagela yai. Te augwaligo bomai pode te dolo meni da, te homu yai.

Tigidali Nai Gagalama Nigali Side 34:14

Augwaligo te po wali, “Dago abe te aga tigiwali togosiąwai bidi dali pomainogo me egobeo. Te dago tama tiyu da, teda da hale dwai mu yaibao.

Tigidali Nai Gagalama Nigali Side 29:3

Tama te tigidali kibu sipsip hani sisinagasa silai madi, tama te kibu tonalubo bidi dabego te ulu wę panialuali genuai masigi dagala sąnama, tama augwaligo te sipsip dabe wę mayu yai. Tama te kibu sipsip dabego wę tula silibo si, tama te kibu sipsip tonalubo bidi dabego te wę ulu palibo madi teba ma paliyu yai.

Tigidali Nai Gagalama Nigali Side 29:7

Jekopgo te po wali, “Magi yaliwe? Te giliga genuai nanalubadi, tama te sipsip dabe te obo tomoba muabo me elalubadi dao. Tagala, te augwali wę menama, tama augwali te nosa dabe tumainu ma selasa pao,” wai.

Tigidali Nai Gagalama Nigali Side 29:9

Jekopgo te kibu tonalubo bidi dabe dali po midubadi, tama Resel te aga ayago kibu sipsip hani kegasa asobo suali, magi baso meni, te agai augwali tonalubo sę yai.